Gujarati News

Gujarati News

News of Thursday, 13th May 2021

રાજકોટના રેલનગરમાં છત્રપતિ શિવાજી ટાઉનશીપમાં છઠ્ઠા માળે ઘરમાં આગ: પત્ની વર્ષાબા સરવૈયાનું ઘટના સ્થળે જ મોત: પુત્ર, પુત્રી અને પતિ યોગીરાજસિંહ સરવૈયા દાઝ્યા: ગૃહકલેશને કારણે ઘટના: મહિલાએ આત્મહત્યા કર્યાની ચર્ચા

રાજકોટઃ શહેરના રેલનગરમાં છત્રપતિ શિવાજી ટાઉનશીપમાં છઠ્ઠા માળે બ્લોક ન. 605માં સાંજે આગ લાગતા રેલનગર ફાયરબ્રિગેડની ટીમ પહોંચી હતી. જો કે ફાયરબ્રિગેડ ટીમ પહોંચી એ પહેલાં લોકોએ આગ બુઝાવી નાખી હતી. આગમાં વર્ષાબા સરવૈયા ઉ.વ.32નું ઘટના સ્થળે જ ભડથું થઈ જતા મોત થયું હતું. તેમના પતિ યોગીરાજસિંહ જશવંતસિંહ સરવૈયા, પુત્ર અને પુત્રી દાઝી જતા હોસ્પિટલમાં ખસેડવામાં આવ્યા છે. પુત્રીનું નામ કૃતિકા ઉ.8, પુત્ર ઉર્વરાજસિંહ ઉ.2 છે.

છોકરો છોકરી સુતા હતા અને એ વખતે માતાએ અગ્નિસ્નાન કર્યું હતું. એ પછી બાળકો લપેટમાં આવી ગયા હતા. પતિ સિક્યુરિટી ગાર્ડ તરીકે નોકરી કરે છે. તેમણે પ્રાથમિક આવી વાત કરી છે.ઘટના બની ત્યાં આ પરિવાર વીસેક દિવસ પહેલા જ રહેવા આવ્યાનું જાણવા મળે છે.

ઘટનાની જાણ થતાં પ્રદ્યુમનનગર પોલીસ સ્ટેશન પીઆઇ એલ.એલ.ચાવડા, પીએસઆઈ કે.ડી.પટેલ સહિતનો સ્ટાફ પહોંચ્યો છે. વર્ષાબા દાઝતા તેમને ઠારવા જતા પતિ, સંતાનો દાઝી ગયાનું ચર્ચાય છે. બીજી ચર્ચાઓ પણ થઈ રહી હોઇ પોલીસે તપાસ હાથ ધરી છે. (ફોટો સંદીપ બગથરીયા)

(9:10 pm IST)
  • બિહારમાં ૨૫ મે સુધી લોકડાઉન લંબાવી દેવામાં આવ્યું : બિહારમાં લાદવામાં આવેલ લોકડાઉન હવે ૨૫ મે સુધી લંબાવી દેવામાં આવ્યાનું બિહારના મુખ્યમંત્રી નીતિશ કુમારે જાહેર કર્યું છે. access_time 4:55 pm IST

  • કાઠમંડુ : કે.પી.શર્મા ઓલી ફરી એકવાર નેપાળના વડાપ્રધાન બન્યા છે. નેપાળના રાષ્ટ્રપતિ સુ. શ્રી વિદ્યા ભંડારીએ નેપાળના બંધારણ હેઠળ સૌથી મોટા પક્ષના નેતા હોવાના કારણે ઓલીને વડાપ્રધાન તરીકે નિયુક્ત કર્યા છે. નેપાળની સંસદમાં વિશ્વાસનો મત ગુમાવ્યા બાદ રાષ્ટ્રપતિએ ગઠબંધન સરકાર બનાવવા માટે ત્રણ દિવસનો સમય આપ્યો હતો, જે આજે પૂરો થયો છે. પરંતુ નેપાળના વિરોધી પક્ષો દ્વારા તમામ પ્રયાસો છતાં બહુમતી મેળવવામાં તેઓ નિષ્ફળ રહ્યા હતા અને સત્તાનું સુકાન ફરી એકવાર કે.પી.શર્મા ઓલીના હાથમા આવી ગયું. access_time 11:11 pm IST

  • કર્ણાટક હાઈકોર્ટે ગુરુવારે રાજ્યમાં કોરોના રસીની અછત અને લોકોને બીજો ડોઝ મેળવવામાં વિલંબ થતો હોવા અંગે ચિંતા વ્યક્ત કરી હતી. મુખ્ય ન્યાયાધીશ અભય ઓકા અને ન્યાયાધીશ અરવિંદ કુમારની ખંડપીઠે કહ્યું હતું કે રાજ્યમાં માત્ર 11 લાખ રસીઓ બાકી છે, જ્યારે 31 લાખ લોકો રસીના બીજા ડોઝ માટે કતારમાં ઉભા છે. હાઈકોર્ટે રસીની તીવ્ર ઉણપને ધ્યાનમાં રાખીને રાજ્ય સરકારને પ્રશ્ન કર્યો હતો કે શું રસીનો બીજો ડોઝ લેવો એ મૂળભૂત અધિકાર નથી? access_time 10:48 pm IST