Gujarati News

Gujarati News

News of Tuesday, 13th April 2021

સિવિલ હોસ્પિટલમાં બેભાન હાલતમાં વધુ પાંચના મોત

રાજકોટ, તા.૧૩: શહેરના જુદા-જુદા વિસ્તારમાં બીમારી સબબ બેભાન થયા બાદ બે મહિલા સહિત પાંચ વ્યકિતના સિવિલ હોસ્પિટલમાં સારવાર દરમ્યાન મોત નિપજયા હતા.

કુવાડવા રોડ ચામુ઼ડા સોસાયટીમાં રહેતા ભાવનાબેન કિશોરભાઇ જુડીયા (ઉ.વ.૩૫) પોતાના ઘરે હતા. ત્યારે બીમારી સબબ બેભાન હોસ્પિટલમાં ખસેડાયા હતા. ત્યાં તેનું સારવાર દરમ્યાન મોત નિપજયુ હતું. ત્યારે બીજા બનાવમાં મોરબી રોડ રોહીદાસપરા શેરી નં.૧૧માં રહેતા વિક્રમસિંહ બાબુભાઇ પરમાર (ઉ.વ.૪૩) રાત્રે પોતાના ઘરે હતા ત્યારે એકાએક છાતીમાં દુઃખાવો ઉપડયા બાદ બેભાન થઇ જતા તેને સારવાર માટે સિવિલ હોસ્પિટલમાં ખસેડાયા હતા. ત્યાં તેનું સારવાર દરમ્યાન મોત નિપજયુ હતું.

જયારે ત્રીજા કુવાડવા રોડ શ્રીનાથજી પાર્ક શેરી નં.૨માં રહેતા વીનુભાઇ વિરજીભાઇ લીંબાસીયા (ઉ.વ.૫૫) રાત્રે પોતાના ઘરે હતા ત્યારે ડાયાબીટીસ તથા  બ્લડપ્રેશરની બીમારી સબબ તબીયત લથડતા તેને સારવાર માટે સિવિલ હોસ્પિટલમાં ખસેડાયા હતા ત્યાં તેનું સારવાર દરમ્યાન મોત નિપજયુ હતું. આ અંગે બી ડીવીઝન પોલીસે કાર્યવાહી કરી હતી.

બીમારી સબબ લક્ષ્મીબેનનું મોત

મવડી ચોકડી પાસે વિનાયકનગર શેરી નં. ૧૫માં રહેતા લક્ષ્મીેબન શિતલપ્રસાદભાઇ ભારદ્વાજ (ઉ.વ.૩૮) પોતાના ઘરે હતા ત્યારે બીમારી સબબ તેને સારવાર માટે સિવિલ હોસ્પિટલમાં ખસેડાયા હતા ત્યાં તેનું સારવાર દરમ્યાન મોત નિપજયુ હતું. આ બનાવ અંગે માલવીયાનગર પોલીસ મથકના હેડ કોન્સ અશ્વીનભાઇ કાનગડે કાર્યવાહી કરી હતી.

બીમારી સબબ પ્રોઢનું મોત

કોઠારિયા રોડ માધવ હોલ પાછળ ન્યુ સર્વોદય સોસાયટી શેરી નં.૨માં રહેતા ભરતભાઇ બાબુભાઇ ચૌહાણ (ઉ.વ.૫૫) ગઇકાલે પોતાના ઘરે હતા ત્યારે બીમારી સબબ તેને સારવાર માટે સિવિલ હોસ્પિટલમાં ખસેડાયા હતા ત્યાં તેનું સારવાર દરમ્યાન મોત નિપજયુ હતું. આ અંગે ભકિતનગર પોલીસે કાર્યવાહી કરી હતી.

(2:58 pm IST)
  • રાજકોટ માર્કેટીંગ યાર્ડમાં કોરોનાનો રાફડો : ૧૦ કેસ : આવક બંધ કરી દેવાઈ : રાજકોટ માર્કેટીંગ યાર્ડમાં કોરોનાના ઍકસાથે ૧૦ કેસ આવતા નવી આવક સંપૂર્ણપણે બંધ કરી દેવામાં આવી છે : અગાઉના પડતર માલનો નિકાલ કરીને કામકાજ ચાલુ રાખવુ કે બંધ રાખવુ તે અંગે સત્તાધીશો વિચારણા કરી રહ્નાનું જાણવા મળે છે access_time 11:22 am IST

  • અમદાવાદ સોની મહાજન વેપારીઓ બંધ પાળશે : અમદાવાદ સોની મહાજન વેપારીઓએ ૧૭ અને ૧૮ એપ્રિલના રોજ સ્‍વયંભુ બજાર બંધ રાખવાનો નિર્ણય લીધો છે : સોની મહાજન કારોબારીમાં સર્વાનુમતે આ નિર્ણય લેવાયો access_time 1:10 pm IST

  • રાજકોટની ખાનગી કોવિડ હોસ્પિટલમાંથી અમુક સ્થાને રેમડેસીવીર ઈન્વજેકશન અંગે ફરીયાદો આવતા અને બારોબાર વ્હેંચી નાખતાની રાવ ઉઠતા કલેકટર આજ સવારથી તમામ હોસ્પિટલમાં તૂટી પડ્યા : દરોડાનો દોર : ક્રોસ ચેકીંગ કરી સાંજ સુધીમાં રીપોર્ટ કરવા આદેશો access_time 12:11 pm IST