Gujarati News

Gujarati News

News of Tuesday, 13th April 2021

સાંગણવા ચોક પાસે ક્રિકેટમેચ પર સટ્ટો રમાડતો વેપારી નીખીલ પકડાયો

મોબાઇલમાં આઇ.ડી.ડાઉનલોડ કરી તીનપત્તીનો જુગાર રમતો સોહીલ ઝડપાયો

રાજકોટ તા. ૧૩ : શહેરના ત્રીકોણબાગ પાસે સાંગણવા ચોકમાં ક્રિકેટ મેચ પર સટ્ટો રમાડતા વેપારીને એડીવીઝન પોલીસે પકડી લીધો હતો.

મળતી વિગત મુજબ સાંગણવા ચોક પાસે એક શખ્સ ક્રિકેટ મેચ પર સટ્ટો રમાડતો હોવાની બાતમીના આધારે એડીવીઝન પોલીસ મથકના પી.આઇ. સી.જી.જોષીના માર્ગદર્શન હેઠળ એ.એસ.આઇ.એચ.આર.ચાનીયા તથા કોન્સ. નરેશભાઇ ઝાલા સહિતે દરોડો પાડી ક્રિકેટ મેચ પર સટ્ટો રમાડતા વેપારી નીખીલ નગીનભાઇ રાજાણી (ઉ.૩૦) (રહે. ગાંધીગ્રામ ગાંધીનગર શેરી નં.૧) ને પકડી લઇ કાર્યવાહી કરી હતી.

જયારે બીજા દરોડામાં પ્રનગર પોલીસ મથકના પી.આઇ.એલ.એલ.ચાવડાના માર્ગદર્શન હેઠળ પી.એસ.આઇ. કે.ડી. પટેલ તથા અક્ષયભાઇ સહિતે બાતમીના આધારે જામનગર રોડ સ્પેશ્યલ હોમ ફોર બોયઝ હોસ્ટેલ નજીક પાનની દુકાન પાસે મોબાઇલ ફોનમાં એપ્લીકેશન ડાઉનલોડ કરી તીનપત્તીનો જુગાર રમતા સોહીલ આબીદભાઇ ખીયાણી (ઉ.ર૩) (રહે. ભીસ્તીવાડ)ને પકડી લઇ રોકડ તથા મોબાઇલ મળી રૂ. રપ,રપ૦ ની મત્તા કબજે કરી હતી.

(2:57 pm IST)
  • અમેરિકાનું ઐતિહાસિક પગલું : 11 સપ્ટેમ્બર સુધીમાં કોઈપણ શરતો વિના અફઘાનિસ્તાનથી તમામ યુએસ સૈનિકો પરત ખેંચવાનું જાહેર કરતા રાષ્ટ્રપતિ જો બાયડન : અમેરિકાએ, સૈનિકોને પરત લાવવા દરમ્યાન કોઈપણ હુમલા અંગે આતંકી તાલિબાનને 'ભયાનક પ્રતિસાદ' આપવાની ચેતવણી આપી : સૈનિકોને અફઘાનિસ્તાનથી અમેરિકા પરત લાવવા બાબતે બુધવારે રાષ્ટ્રપતિ બાયડન સંબોધન કરશે તેમ વ્હાઇટ હાઉસ પ્રવક્તાએ જણાવ્યું છે. access_time 11:18 pm IST

  • ઓકિસજન સપ્લાયના અભાવે એક કલાકમાં ૭ દર્દીઓનાં મોત : મુંબઇ : કોવિડ દર્દીઓના સંબંધીઓના જણાવ્યા મુજબ, નાલાસોપારાની વિનાયક હોસ્પિટલમાં ઓકિસજન સપ્લાયના અભાવે એક કલાકમાં ૭ દર્દીઓનાં મોત નીપજ્યાં જાણીતા પત્રકાર શિવાંગી ઠાકુરે પોતાના ટ્વિટર હેન્ડલ ઉપર જણાવ્યું છે. દર્દીઓના સંબંધીઓ હોસ્પિટલમાં વિરોધ પ્રદર્શિત કરી રહ્યા છે. access_time 12:42 pm IST

  • આજે રાત્રે ૮:૩૦ વાગ્યે મહારાષ્ટ્રના મુખ્યમંત્રી ઉદ્ધવ ઠાકરે સંબોધન : સંભવતઃ લોકડાઉન અંગે મહત્વની જાહેરાત થવાની સંભાવના access_time 6:11 pm IST