Gujarati News

Gujarati News

News of Tuesday, 13th April 2021

પોલીસ હેડકવાર્ટરમાં પોલીસ પરિવારના ૪૫થી વધુ ઉમરના સભ્યો માટે રસિકરણઃ ૧૪૫ને રસી અપાઇ

પોલીસ કમિશનર મનોજ અગ્રવાલની રાહબરીમાં સફળતાપુર્વક કેમ્પ યોજાયો

રાજકોટઃ કોરોના સામે રક્ષણ આપતી રસી શહેરના તમામ પોલીસ અધિકારીઓ, કર્મચારીઓ લઇ ચુકયા છે. પોલીસ કર્મચારીઓના પરિવારજનોને પણ રસી આપવામાં આવી રહી છે. પોલીસ હેડકવાર્ટર ખાતે અગાઉ ૬૦ વર્ષથી ઉપરની ઉમરના હોય તેવા ૩૧ વૃધ્ધોનું રજીસ્ટ્રેશન થયું હતું અને તેમને રસી અપાઇ હતી. એ પછી હાલમાં ૪૫ વર્ષ અને તેનાથી વધુ વયના પોલીસ પરિવારના લોકોનું રજીસ્ટ્રેશન કરવામાંઆવ્યું હતું. જેમાં ૧૪૫ પોલીસ પરિવારના સભ્યોને આજે કોરોના વેકસીન આપવામાં આવી હતી.

પોલીસ કમિશનરશ્રી મનોજ અગ્રવાલ, જેસીપી ખુરશીદ અહેમદ, ડીસીપી પ્રવિણકુમાર મીણા, ડીસીપી મનોહરસિંહ જાડેજાના માર્ગદર્શન હેઠળ હેડકવાર્ટરના એસીપી જી. એસ. બારીયા અને રિઝર્વ પીઆઇ મયુર કોટડીયાની દેખરેખ હેઠળ કોન્સ. બિપીનભાઇ પટેલ, જયદિપસિંહ જાડેજા, વિક્રમભાઇ ડાંગર સહિતના કોરોના વેકસીનેશનની કામગીરી સફળતા પુર્વક કરાવી રહ્યા છે. શહેર પોલીસના અધિકારીઓ, કર્મચારીઓ માટે પણ હેડકવાર્ટર ખાતે અગાઉ રસિકરણ કેમ્પ સફળતા પુર્વક યોજાયો હતો.

(12:43 pm IST)
  • દેશમાં કોરોનાના કેસમાં ભયાનક ઉછાળો : પહેલીવાર મૃત્યુઆંક 1 હજારથી વધુ : એક્ટિવ કેસમાં ધરખમ વધારો : રોજ નવા રેકોર્ડ સર્જતાં કેસથી ભારે ફફડાટ : રાત્રે 12 વાગ્યા સુધીમાં કોરોનાના નવા 1,85,104 કેસ નોંધાયા :કુલ કેસની સંખ્યા 1,38,71,321 થઇ :એક્ટિવ કેસ 13,60,867 થયા : વધુ 82,231 દર્દીઓ સ્વસ્થ થતા કુલ 1,23,32,688 સાજા થયા :વધુ 1026 લોકોના મોત સાથે કુલ મૃત્યુઆંક 1,72,115 થયો : દેશમાં મહારાષ્ટ્રમાં સૌથી વધુ 60,212 નવા કેસ નોંધાયા છે જયારે ઉત્તર પ્રદેશમાં 17,963 કેસ, છત્તીસગઢમાં 15,121 કેસ, દિલ્હીમાં 13,468 કેસ અને કર્ણાટકમાં 8778 કેસ નોંધાયા access_time 12:45 am IST

  • રાજકોટના જેતપુર ST વિભાગમાં છેલ્લા 10 દિવસમાં 18 કર્મીઓ કોરોના સંક્રમિત થયા : ડેપો મેનેજર, ATI, 7 ડ્રાઈવર અને 4 કંડકટર સહિત તમામ લોકોને કરાયા આઈસોલેટ access_time 11:40 pm IST

  • ડો. પ્રવિણ તોગડીયાને કોરોના : આંતરરાષ્ટ્રીય હિન્દુ પરિષદના વડા ડો. પ્રવિણ તોગડીયા પણ કોરોના સંક્રમિત થયા છે. હાલ તેઓ હોમ આઈસોલેશન હેઠળ છે. access_time 11:21 am IST