Gujarati News

રાજકોટઃ શહેરનાં વોર્ડ નં.૧૩નાં ગુરૂપ્રસાદ ચોકમાં આવેલ વોર્ડ ઓફિસમાં આજે વોર્ડનાં કોંગી કોર્પોરેટર જાગૃતિબેન ડાંગર દ્વારા એકા એક સ્થળ મુલાકાત કરવામાં આવતા તંત્રની બેદરકારી ખુલ્લી હતી. આ અંગે જાગૃતિબેન ડાંગરે જણાવ્યુ હતુ કે, આજે વોર્ડ નં.૧૩ની ઓફિસમાં મૂલાકાત દરમિયાન તેના શૌચાલય, ટોયલેટમાં ગંદકીનાં ગંજ જોવા મળ્યા અને સ્વચ્છતાનો અભાવ જોવા મળ્યો હતો. જયારે એસીડ-ફિનાઇલ બન્ને ચેક કરતા તેમાં પાણી જ હોજાનો આક્ષેપ કોંગી કોર્પોરેટર દ્વારા કરવામાં આવ્યો હતો. આ અંગે તાત્કાલીક યોગ્ય કરવા જાગૃતિબેન ડાંગર દ્વારા મ્યુ.કમિશ્નરને લેખિત પત્ર પાઠવી રજૂઆત કરવામાં આવી છે.