Gujarati News

Gujarati News

News of Tuesday, 13th March 2018

જુના યાર્ડ સામે 'હિટ એન્ડ રન': હૈદરી ચોકના પ્રૌઢ અહેમદભાઇ કઠેરીનું મોત

ગેરેજ સંચાલક સિદી બાદશાહ પ્રૌઢ રસ્તો ઓળંગી રહ્યા હતાં ત્યારે અજાણી ગાડીનો ચાલક ઠોકરે લઇ ભાગી ગયો

રાજકોટ તા. ૧૩: માર્કેટ યાર્ડ સામે ભુષણ સ્કુલ નજીક ચાલીને જઇ રહેલા સિદી બાદશાહ પ્રૌઢનું 'હિટ એન્ડ રન'ના બનાવમાં મોત નિપજ્યું છે. ગેરેજનો સામાન લઇને રસ્તો ઓળંગી રહ્યા હતાં ત્યારે અજાણ્યો ફોરવ્હીલરનો ચાલક ઠોકરે લઇ ભાગી ગયો હતો.

બનાવની જાણવા મળેલી માહિતી મુજબ દૂધ સાગર રોડ પર હૈદરી ચોકમાં રહેતાં અને યાર્ડ નજીક ટ્રકના હેડબ્લોકનું ગેરેજ ધરાવતાં અહેમદભાઇ અલીભાઇ કથેરી (ઉ.૫૫) નામના પ્રૌઢ ગઇકાલે બપોરે ગેરેજની સામેના ભાગે ગેરેજનો સામાન લેવા જઇ રહ્યા હતાં ત્યારે ભુષણ સ્કુલ નજીક કોઇ અજાણી ગાડીનો ચાલક ઠોકરે લઇ ભાગી જતાં ગંભીર ઇજા થતાં સિવિલ હોસ્પિટલમાં ખસેડાયા હતાં. પરંતુ અહિ મોત નિપજ્યું હતું.

હોસ્પિટલ ચોકીના સ્ટાફે બી-ડિવીઝન પોલીસને જાણ કરી હતી. મૃત્યુ પામનાર અહેમદભાઇ ત્રણ ભાઇ અને બે બહેનમાં મોટા હતાં. સંતાનમાં બે પુત્ર છે. બનાવથી પરિવારમાં માતમ છવાઇ ગયો હતો. અકસ્માત સર્જી ભાગેલા વાહન ચાલકની પોલીસે શોધખોળ હાથ ધરી છે.

(4:23 pm IST)
  • સીરિયામાં સતત હવાઈ હુમલા અંગ અમેરીકાએ બોલાવી તાકિદની બેઠક : અમેરીકી અધિકારીઓએ જણાવ્યું કે, સતત હવાઈ હુમલાના અહેવાલો સાચા સાબીત થશે તો સીરિયા દ્વારા યુદ્ધ વિરામનો ભંગ ગણવામાં આવશે : તેઓએ વધુમાં જણાવ્યું કે, અમે બધા પક્ષોને આગ્રહ કર્યો છે કે તે કોઈ એવી કાર્યવાહિ ન કરે, જેનાથી યુદ્ધ વિરામની સ્થિતી જોખમાય, આ સ્થિતીની સમીક્ષા કરવા અને યુદ્ધ વિરામની સ્થિતી જળવાઈ રહે તે માટે અમે (અમેરીકાએ) જોર્ડનમાં એક તાકિદની બેઠક બોલાવી છે access_time 12:53 pm IST

  • સપાના સુપ્રીમો અખિલેશ યાદવને મોટો આંચકોઃ રાજયસભા સાંસદ નરેશ અગ્રવાલ ભાજપમાં જોડાયા : ફિલ્મમાં કામ કરનારને ટિકિટ આપી જયારે પાર્ટીના નેતાની ટિકિટ કાપીઃ જયા બચ્ચનને રાજયસભાના ઉમેદવાર બનાવતા અગ્રવાલના આકરા પ્રહાર access_time 12:55 pm IST

  • છત્તીસગઢના સુકમા જિલ્લામાં એક મોટો નક્સલવાદી હુમલો થયો છે. આ હુમલામાં, આઠ સીઆરપીએફના જવાનો શહીદ થયા છે. સુકમા જિલ્લાના કાસ્તરામ વિસ્તારમાં આ હુમલો થયો હતો. આ બ્લાસ્ટ્સ, લેન્ડમાઇન દ્વારા કરવામાં આવ્યો છે. આ દરમિયાન, માઓવાદીઓ અને સુરક્ષા કર્મચારીઓ વચ્ચે એન્કાઉન્ટર થયું હતું, જેમાં છ જવાનો ઘાયલ થયા છે, એમાંથી 4 જવાનોની હાલત ગંભીર ગણાવામાં આવી રહી છે. access_time 2:26 pm IST