Gujarati News

રાજકોટ, તા. ૧૩ : રાજકોટ સીટી વૂમન્સ કલબનો બીજો કાર્યક્રમ 'બા મારી મધર ઇન્ડિયા' નાટક પૂર્ણ થયા બાદ ત્રીજો કાર્યક્રમ આગામી તા. ૨૦ ના મંગળવારે બપોરે ૩:૩૦ કલાકે હેમુ ગઢવી હોલ ખાતે હાસ્યરસનો કાર્યક્રમ યોજાયો છે. જેમાં રસીકભાઇ બગથરીયા બહેનોને હસાવશે. સાથે લોકગીતાના ગાક વિમલભાઇ મહેતા લોકગીનોની રમઝટ બોલાવશે.

અત્રે નોંધનિય છે કે રાજકોટ સીટી વૂમન્સ કલબમાં હાલમાં ૭૪૫ થી વધુ સભ્યો છે. જેમાં યુવા બહેનોથી માંડી વિવિધ ક્ષેત્રના બહેનો પણ જોડાયા છે. આ સંસ્થાનો ચોથો કાર્યક્રમ આગામી તા. ૧૪ એપ્રિલના શનિવારે કૂંકીંગ શો ના કાર્યક્રમનું પણ આયોજન થયું છે. જેમાં ઇટીવીના મહારાણી હીના ગાંતમ અમદાવાદથી ખાસ રાજકોટ આવનાર છે અને તેઓ અવનવી વાનગીઓનું ડેમોસ્ટ્રેશન કરનાર છે. સાથોસાથ રાજકોટના નામાંકીત કૂક દ્વારા સુપ, સિઝલર, સ્ટાર્ટર જેવી વાનગીઓનું ડેમોસ્ટ્રેશન આપનાર છે.

આયોજનને સફળ બનાવવા સંસ્થાના પ્રમુખ પ્રફુલભાઇ મહેતા, ચેરમેન બિન્દુબેન મહેતા, ઉપપ્રમુખ મીનાબેન વસા, સેક્રેટરી ઇન્દીરાબેન ઉદાણી, વાઇસ ચેરમેન જીજ્ઞા વખારીયા, જોઇન્ટ સેક્રેટરી દર્શના મહેતા, એડવાઇઝર નીતા મેછા, હીનાબેન મોદી વિ. જહેમત ઉઠાવી રહ્યા છે. વધુ માહિતી માટે મો. ૯૪૨૮૮ ૯૦૨૭૭ ઉપર સંપર્ક કરવા જણાવાયું છે. (તસ્વીર : સંદિપ બગથરીયા)