Gujarati News

Gujarati News

News of Tuesday, 13th March 2018

બેંક ઓફ ઈન્ડિયાની પંચનાથ શાખામાં બહેનોનો કાર્યક્રમ

 રાજકોટ : બેંક ઓફ ઈન્ડિયા પંચનાથ શાખામાં અનોખી રીતે મહિલાઓને પ્રોત્સાહિત કરતા ઉજવણી કરવામાં આવેલ. શાખાના ચીફ મેનેજર શ્રી અજય કુમાર શ્રીવાસ્તવ તેમજ સમગ્ર સ્ટાફ મેમ્બરોની મીટીંગ રાખવામાં આવેલી. શાખા મહિલા ગ્રાહકોએ ઉત્સાહભેર ભાગ લીધો. આંતરરાષ્ટ્રીય મહિલા દિન નિમિતે સ્ત્રી શકિતકરણના સંકલ્પને આગળ વધારવા કટીબદ્ધ થયા. કાર્યક્રમનું સંચાલન સહાયક પ્રબંધક શ્રીમતી માધુરી સરવૈયાએ કરેલ. શાખા મુખ્ય પ્રબંધક શ્રી વાસ્તવે વકતવ્ય આપેલ. મહિલા ગ્રાહક મિત્રોના મંતવ્ય પણ લીધા. કાર્યક્રમને અંતે વિજેતા મહિલા ગ્રાહકોને સન્માનિત કરવામાં આવ્યા. કાર્યક્રમને સફળ બનાવવામાં શ્રી ચૌહાણ તેમજ પંચનાથ શાખાના તમામ સ્ટાફે જહેમત ઉઠાવેલ.

(4:09 pm IST)
  • ભારતના ‘આઈસ મેન' તરીકે ઓળખતા ચેવાંગ નોર્ફેલ દ્વારા 1987માં ભારતનો પ્રથમ ‘આર્ટિફિશિયલ ગ્લેશિયર' (કૃત્રિમ હિમપર્વત) બનાવાયો હતો. તેમણે અત્યાર સુધીમાં 17થી વધુ ‘આર્ટિફિશિયલ ગ્લેશિયર બનાવ્યા છે. તેમની આ ઉપલબ્ધિ માટે તેમને 2015માં દેશના ચોથા સર્વશ્રેષ્ઠ નાગરિક સન્માન પદ્મશ્રીથી નવાજવામાં આવ્યા હતા. આ દ્વારા તેમણે લદાખની પાણીની સમસ્યા ઉકેલી હતી access_time 10:03 am IST

  • છત્તીસગઢના સુકમા જિલ્લામાં એક મોટો નક્સલવાદી હુમલો થયો છે. આ હુમલામાં, આઠ સીઆરપીએફના જવાનો શહીદ થયા છે. સુકમા જિલ્લાના કાસ્તરામ વિસ્તારમાં આ હુમલો થયો હતો. આ બ્લાસ્ટ્સ, લેન્ડમાઇન દ્વારા કરવામાં આવ્યો છે. આ દરમિયાન, માઓવાદીઓ અને સુરક્ષા કર્મચારીઓ વચ્ચે એન્કાઉન્ટર થયું હતું, જેમાં છ જવાનો ઘાયલ થયા છે, એમાંથી 4 જવાનોની હાલત ગંભીર ગણાવામાં આવી રહી છે. access_time 2:26 pm IST

  • કોલકતામાં ક્રિકેટર મોહમ્મદ શમીની પત્ની હસીન જહાંની પત્રકારો સાથે ઉદ્ધતાઇ : વીડીયો કેમેરો તોડી નાખ્યો : શમી અંગે પ્રશ્નો પૂછતા ઉશ્કેરાઇ ગઇ access_time 3:40 pm IST