Gujarati News

Gujarati News

News of Tuesday, 13th March 2018

મોટા મવા શ્યામ પાર્કમાં લેઉવા પટેલ પ્રોૈઢા જયાબેન કોરાટનો ગળાફાંસો ખાઇ આપઘાત

આઠેક વર્ષથી બિમારી હતીઃ કંટાળીને પગલુ ભર્યુઃ પરિવારમાં શોક

રાજકોટ તા. ૧૩: મોટા મવાની શ્યામ પાર્ક સોસાયટીમાં કનૈયા હોલ સામે રહેતાં જયાબેન ભવાનભાઇ કોરાટ (ઉ.૫૧) નામના લેઉવા પટેલ મહિલાએ પંખાના હુકમાં દૂપટ્ટો બાંધી ગળાફાંસો ખાઇ આપઘાત કરી લેતાં પરિવારમાં ગમગીની છવાઇ ગઇ છે. આઠેક વર્ષથી કમરની તકલીફ તેમજ મગજની તકલીફ હોઇ કંટાળીને આ પગલુ ભર્યાનું બહાર આવ્યું છે.

જયાબેને ગળાફાંસો ખાઇ આપઘાત કરી લીધાની જાણ ૧૦૮ મારફત થતાં તાલુકા પોલીસ મથકના એએસઆઇ આર. બી. જાડેજા અને રાઇટર દિવ્યરાજસિંહે ઘટના સ્થળે પહોંચી જરૂરી કાર્યવાહી કરી હતી. સવારે દેરાણી ફળીયુ વાળતા હતાં ત્યારે ઉપરના રૂમમાં નજર પડતાં ભાભીને લટકતા જોતાં દેકારો મચાવ્યો હતો. ઘરના સભ્યો ભેગા થઇ ગયા હતાં અને ૧૦૮ બોલાવી હતી. તેના ઇએમટીએ તેમને મૃત જાહેર કરતાં કલ્પાંત સર્જાયો હતો.

પોલીસ તપાસમાં ખુલ્યા મુજબ આપઘાત કરનારને સંતાનમાં બે પુત્રો જતીનભાઇ અને ધર્મેશભાઇ છે. પતિ બાંધકામનો વ્યવસાય ધરાવે છે. બિમારીથી કંટાળીને પગલું ભર્યાનું બહાર આવ્યું છે.

(4:06 pm IST)
  • રાજસ્થાનની ચૂંટણી જીતવા કોંગ્રેસે બુથ મેનેજમેન્ટનો મોટો પ્લાન બનાવ્યોઃ લોકસભાની ચૂંટણી સમયે પણ ઉપયોગ કરવા સંભવ : 'શકિત' નામના ડીજીટલ પ્લેટફોર્મનો ઉપયોગ કરી પક્ષના કાર્યકર્તાઓ અને મતદારોના આંકડા મેળવાશે access_time 4:26 pm IST

  • છત્તીસગઢના સુકમા જિલ્લામાં એક મોટો નક્સલવાદી હુમલો થયો છે. આ હુમલામાં, આઠ સીઆરપીએફના જવાનો શહીદ થયા છે. સુકમા જિલ્લાના કાસ્તરામ વિસ્તારમાં આ હુમલો થયો હતો. આ બ્લાસ્ટ્સ, લેન્ડમાઇન દ્વારા કરવામાં આવ્યો છે. આ દરમિયાન, માઓવાદીઓ અને સુરક્ષા કર્મચારીઓ વચ્ચે એન્કાઉન્ટર થયું હતું, જેમાં છ જવાનો ઘાયલ થયા છે, એમાંથી 4 જવાનોની હાલત ગંભીર ગણાવામાં આવી રહી છે. access_time 2:26 pm IST

  • દુનિયાની સહુથી પાવરફુલ ફેરારી કાર ભારતમાં લોન્ચ થઈ : ફેરારી 812 સુપરફાસ્ટ કાર ભારતમાં રૂ. 5.2 કરોડ (એક્સ-શોરૂમ)માં લોન્ચ કરવામાં આવી છે. આ અત્યાર સુધીમાં બનાવાયેલ સૌથી શક્તિશાળી ફેરારી કાર છે. આ નવી કાર ભારતમાં એફ 12 બર્લિનેટાની જગ્યા લેશે. ફેરારી 812 સુપરફાસ્ટમાં 6.5 લિટર વી12 એન્જિન છે, જે 789 બીએચપીનો મેક્સિમમે પાવર આઉટપુટ આપશે. access_time 2:34 pm IST