Gujarati News

Gujarati News

News of Tuesday, 13th March 2018

ડો. સૈયદના સાહેબ અમદાવાદમાં રેલ્વે સ્ટેશને ભવ્ય સ્વાગત

ઉર્ષ મુબારકમાં હાજરી, કાલે વાઅઝ ફરમાવશે : દાઉદી સમાજ ઉમટ્યો

રાજકોટ : વિશ્વભરના દાઉદી વ્હોરા સમાજના ધર્મગુરૂ હીઝહોલીનેશ ડો. સૈયદના આલી કદર મુફદ્દલ સૈફુદ્દીન સાહેબ (ત.ઉ.શ.) આજે સવારે ૮:૪૫ કલાકે ઈન્દોર ગાંધીનગર એકસપ્રેસ ટ્રેન દ્વારા અમદાવાદ ગયા હતા. રેલ્વે સ્ટેશને ભવ્ય સ્વાગત કરવામાં આવેલ હતું. ડો. સૈયદના સાહેબ (ત.ઉ.શ.) અમદાવાદમાં કુત્બી મથરમાં ગયા હતા તથા હારોની સંખ્યામાં દાઉદી વ્હોરા સમાજના ભાઈઓ - બહેનો - બાળકોને દીદારનું શરફ આપેલ હતું. આજે રાત્રે સૈયદના કુત્બુદ્દીન શહીદ (રી.અ.)ના ઉર્ષ મુબારકની મજલીસમાં જશે. આવતીકાલે ઉર્ષ મુબારકના દિવસે વાઅઝ ફરમાવશે. જેમાં વિશ્વભરના દાઉદી વ્હોરા સમાજના લોકો અમદાવાદ હજારોની સંખ્યામાં આવેલ છે. સૌરાષ્ટ્રના ગામેગામથી સંખ્યાબંધ સ્પે. બસ દ્વારા દાઉદી વ્હોરા સમાજ ઉર્ષ મુબારક પ્રસંગે અમદાવાદ આવે છે તેમ અમદાવાદથી શેખ યુસુફઅલી જોહર કાર્ડ્સવાળાએ જણાવ્યુ હતું.

(11:42 am IST)
  • કેજરીવાલને લાગ્યો વધુ એક મોટો ઝટકો : તેમના મુખ્ય સલાહકાર વી.કે. જૈનએ આપ્યું રાજીનામું : પારિવારિક અને અંગત કારણોસર રાજીનામું આપ્યું હોવાનું જણાવ્યું : તાજેતરમાં દિલ્હી CM ઓફિસમાં AAPના વિધાયકોએ મુખ્ય સચિવ સાથેની મારપીટ બાબતે વી.કે. જૈનની પોલીસે પૂછપરજ કરી હતી અને આ પછીજ તેમણે રાજીનામું ફગાવ્યું હોય, દિલ્હી સચિવાલયમાં ચર્ચાઓનું બજાર ગરમી પકડી રહ્યું છે. access_time 2:53 pm IST

  • દુનિયાની સહુથી પાવરફુલ ફેરારી કાર ભારતમાં લોન્ચ થઈ : ફેરારી 812 સુપરફાસ્ટ કાર ભારતમાં રૂ. 5.2 કરોડ (એક્સ-શોરૂમ)માં લોન્ચ કરવામાં આવી છે. આ અત્યાર સુધીમાં બનાવાયેલ સૌથી શક્તિશાળી ફેરારી કાર છે. આ નવી કાર ભારતમાં એફ 12 બર્લિનેટાની જગ્યા લેશે. ફેરારી 812 સુપરફાસ્ટમાં 6.5 લિટર વી12 એન્જિન છે, જે 789 બીએચપીનો મેક્સિમમે પાવર આઉટપુટ આપશે. access_time 2:34 pm IST

  • કોલેજના કલાસમાં ઘુસી વિદ્યાર્થીએ લેકચરરને ૩ ગોળી ધરબી દીધી: હરીયાણાના સોનીપતમાં એક વિદ્યાર્થીએ પિપલીની સરકારી કોલેજમાં ઘુસીને સરાજાહેર લેકચરર ઉપર ૩ ગોળીઓ ધરબી દેતા લોહીલોહાણ હાલતમાં મૃત્યુ નિપજેલ છે : આ સ્ટુડન્ટ ભાગી ગયો છે, ભારે ભય ફેલાયો છે access_time 3:39 pm IST