Gujarati News

Gujarati News

News of Tuesday, 13th March 2018

કુવાડવામાં નિતાબેન કોળી પર પડોશી કોળી દંપતિનો હુમલો

શેરીમાં છોકરા રમતાં હોઇ વાહન ધીમા હાંકવાનું કહેતાં ડખ્ખો

રાજકોટ તા. ૧૩: કુવાડવામાં રહેતાં નિતાબેન ગોપાલભાઇ સેટાણીયા (કોળી) (ઉ.૩૮) પર પડોશમાં જ રહેતાં જગા રાયસીંગ બાહુકીયા (કોળી), તેની પત્નિ ચંદ્રિકા અને જગાના ભાઇ હિતેષ બાહુકીયાએ હુમલો કરી ઢીકા-પાટુનો માર મારતાં સિવિલ હોસ્પિટલમાં ખસેડાયા હતાં.

બનાવ અંગે હોસ્પિટલ ચોકીના જગુભા ઝાલા અને ધીરેનભાઇએ કુવાડવા પોલીસને જાણ કરી હતી. નિતાબેનના પતિ ગોપાલભાઇ ડ્રાઇવીંગ કરે છે. તેણીએ કહ્યું હતું કે છોકરા શેરીમાં રમતાં હોઇ ગોપાલ સ્પીડથી બાઇક હંકારીને નીકળતાં તેને ધીમે વાહન હંકારવાનું કહેતાં બોલાચાલી થતાં હુમલો કરાયો હતો.

(11:24 am IST)
  • ટ્રમ્પને હાઈસકારોઃ રશીયા સાથેની સાંઠગાંઠ અંગે પુરાવા ન મળ્યાઃ અમેરિકી પ્રમુખ પદની ચૂંટણીમાં પ્રમુખ ડોનાલ્ડ ટ્રમ્પ અને રશીયા સાથે સાંઠગાંઠના આક્ષેપો અંગે કોઈ જ પુરાવા ન હોવાનું અમેરિકી રીપબ્લિકન હાઉસ પેનલે જાહેર કરેલ છે access_time 11:29 am IST

  • છત્તીસગઢના સુકમા જિલ્લામાં એક મોટો નક્સલવાદી હુમલો થયો છે. આ હુમલામાં, આઠ સીઆરપીએફના જવાનો શહીદ થયા છે. સુકમા જિલ્લાના કાસ્તરામ વિસ્તારમાં આ હુમલો થયો હતો. આ બ્લાસ્ટ્સ, લેન્ડમાઇન દ્વારા કરવામાં આવ્યો છે. આ દરમિયાન, માઓવાદીઓ અને સુરક્ષા કર્મચારીઓ વચ્ચે એન્કાઉન્ટર થયું હતું, જેમાં છ જવાનો ઘાયલ થયા છે, એમાંથી 4 જવાનોની હાલત ગંભીર ગણાવામાં આવી રહી છે. access_time 2:26 pm IST

  • મેકિસકોઃ હિંસાને કારણે ૨૪ કલાકમાં ૧૬ના મોત : મેકિસકોના ગુરેરોમાં છેલ્લા ૨૪ કલાકમાં હિંસાની જુદી-જુદી ઘટનાઓમાં કુલ ૧૬ના મોત થયા access_time 12:55 pm IST