Gujarati News

Gujarati News

News of Tuesday, 13th February 2018

પ્રયોગો બતાવવા વિજ્ઞાન શાળાઓને દ્વાર : મુખ્યમંત્રીએ નંબર પ્લેટ વિનાની ગાડીને લીલીઝંડી આપી દીધી !

રાજકોટ : ગુજરાત સરકાર દ્વારા વિદ્યાર્થીઓમાં વિજ્ઞાન વિષેનો રસ વધારવા ચાર ઝોન માટે 'વિજ્ઞાન તમારા દ્વારે' શીર્ષકથી મોબાઇલ લેબોરેટરી તૈયાર કરવામાં આવી છે. સરકારી શાળાઓમાં ધો. પ થી ૮ ના વિદ્યાર્થીઓને ઉપયોગી વૈજ્ઞાનિક પ્રયોગો બતાવવા માટે આ રથ દરરોજ જુદી જુદી શાળાઓમાં જશે. પ્રયોગ માટે જરૂરી સાધન સુવિધા અને શિક્ષકો રથમાં જ હશે. એક રથની પડતર કિંમત ૧પ લાખ જેટલી છે. ૪ દિવસ પહેલા શિક્ષણ વિભાગની ચિંન શિબિરમાં મુખ્યમંત્રી શ્રી વિજય રૂપાણીએ સૌરાષ્ટ્ર, મધ્ય, દક્ષિણ અને ઉત્તર ગુજરાત ઝોનના રથને વિદાય આપેલ. જે વાહનમાં આ મોબાઇલ લેબોરેટરી તૈયાર કરાયેલ છે તેના પાસીંગની પ્રક્રિયા ગાંધીનગર આર.ટી.ઓ.માં થઇ છે. ગાડીમાં નંબર પ્લેટ આવી ન હોવાથી લીલીઝંડી પછી પણ તેનો ઉપયોગ થઇ શકતો નથી. મુખ્યમંત્રીએ એના લોકાર્પણનું મુહૂર્ત ઉતાવળે સારવી લીધેલ પરંતુ ઉપયોગનું મુહૂર્ત હવે નંબર પ્લેટ લાગ્યા પછી આવશે.

(3:51 pm IST)
  • કેરળમાં યુવા કોંગી નેતાનું ખૂન : કેરાળાના કન્નુર ડિસ્ટ્રીકમાં યુવા કોંગ્રેસ નેતાની કરપીણ હત્યા : કોમ્યુનિસ્ટ પાર્ટી ઉપરના આરોપ સાથે જીલ્લામાં ૧૨ કલાકની હડતાલનું કોંગ્રેસનું એલાન access_time 4:16 pm IST

  • અમેરિકી રાષ્ટ્રપતિ ડોનાલ્ડ ટ્રમ્પના દિકરા ડોનાલ્ડ ટ્રમ્પ જુનિયરના પત્ની વેનેસા ટ્રમ્પને સોમવારે સવારે ન્યૂયોર્ક સિટી હોસ્પિટલમાં દાખલ કરવામાં આવ્યા હતા. તેમણે પોતાના પતિના નામે આવેલા અનામી કવરમાં ભેદી સફેદ પાવડર સ્પર્શ કર્યા બાદ સુરક્ષાના ભાગરૂપે તેમને હોસ્પિટલ લઇ જવાયા હતા. ડોકટરી તપાસ બાદ માલુમ પડ્યું છે કે પાવડર જોખમી ન હતો. access_time 4:08 pm IST

  • અંદામાન ટાપુઓ ઉપર ૫.૬નો મોટો ભૂકંપઃ કેન્દ્રબિન્દુ જમીનથી ૧૦ કિ.મી. નીચે છે access_time 11:38 am IST