Gujarati News

Gujarati News

News of Tuesday, 13th February 2018

દિપક સોસાયટીમાં ફુલના ધંધાર્થીના ઘરમાં ચોર ત્રાટકયાઃ ૬૭ હજારની મત્તા ચોરી ગયા

મનિષભાઇ કોળી અને પત્નિ ઘર બંધ કરી કિસાનપરામાં પિતાના ઘરે રોકાયા અને ઘરે તસ્કરો મહેમાન બન્યા

રાજકોટ તા. ૧૩: ચોરીનો વધુ એક બનાવ બન્યો છે. રૈયા રોડ કનૈયા ચોક પાસે આવેલી દિપક સોસાયટીમાં રહેતાં ફુલના ધંધાર્થી કોળી યુવાનના બંધ મકાનને નિશાન બનાવી તસ્કરો રૂ. ૬૭ હજારની માલમત્તા ચોરી ગયા છે.

બનાવની જાણ થતાં ગાંધીગ્રામના પી.એસ.આઇ. ડી. એ. ધાંધલીયા અને દિવ્યરાજસિંહએ મકાન માલિક દિપક સોસાયટી-૩ના ખુણે ભવાની કૃપાની બાજુમાં રહેતાં મનિષભાઇ છગનભાઇ ધીણોજા (કોળી) (ઉ.૩૩)ની ફરિયાદ પરથી ગુનો નોંધ્યો છે. મનિષભાઇના કહેવા મુજબ હું ફુલ વેંચી ગુજરાન ચલાવુ છું. ૧૦મીએ હું અને મારા પત્નિ રમીલા અમારા ઘરને તાળુ મારી કિસાનપરા ચોકમાં આવેલા પિતાના ઘરે કામ સબબ ગયા હતાં. ત્યારબાદ રાત્રીના મારા સાઢુ અને મિત્રને મારા ઘરની ચાવી આપી ફુલનો સામાન લેવા મોકલ્યા હતાં. મોડી રાત હોવાથી હું અને પત્નિ મારા પિતાના ઘરે જ રોકાઇ ગયા હતાં. ગઇકાલે મારા માસીજીના દિકરાનો ફોન આવેલ કે તું કયાં છો તારા ઘરનો દરવાજો ખખડાવુ છું પણ તું ડેલી કેમ ખોલતો નથી, તારા ઘરનો દરવાજો તો ખુલ્લો છે.

આ વાત સાંભળી હું ઘરે આવ્યો હતો અને તપાસ કરતાં ઘરમાંથી ચોરી થયાની ખબર પડી હતી. તસ્કરો લોખંડનો કબાટ તોડી રોકડા રૂ. ૪૦ હજાર, સોનાનો ઓમકાર, સોનાનુ ગણેશજીનું પેન્ડન્ટ, મારી દિકરીની નાની બુટી, બે જોડી સાંકળા, ચાંદીના ચાર બીજા સાંકળા મળી કુલ રૂ. ૬૭ હજારની ચોરી થયાની ખબર પડતાં પોલીસને જાણ કરી હતી.

મારૂતિનગરમાંથી મહેન્દ્રભાઇ કટારીયાનું એકટીવા ચોરાયું

સંત કબીર રોડ પર કબીરવન સોસાયટી-૨માં રહેતાં મહેન્દ્રભાઇ દયાલજીભાઇ કટારીયા (ઉ.૪૮)નું એકટીવા જીજે૩જેએસ-૩૬૨૭ રૂ. ૪૦ હજારનું કોઇ એરપોર્ટ રોડ મારૂતિનગર-૨ લક્ષ્મીકૃપા એપાર્ટમન્ટ પાસેથી ચોરી જતાં પ્ર.નગરમાં જાણ કરતાં હેડકોન્સ. રામસિંહભાઇ વરૂએ તપાસ હાથ ધરી છે.  (૧૪.૯)

(2:46 pm IST)
  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST

  • હવે બેન્કો ડિફોલ્ટર્સની સાપ્તાહિક ધોરણે જાહેરાત કરશે, ૨૩ ફેબુ્રઆરીથી આરંભ : રિઝર્વ બેન્કે નવી સ્ટ્રેસ્ડ એસેટ્સ ફ્રેમવર્કમાં સુધારો કર્યો : SMA તરીકે વર્ગીકૃત્ત જેમાં રૃ. ૫ કરોડ કે તેનાથી વધુ રોકાણ ધરાવતી કંપનીઓનો સમાવેશ થતો હોય તેની ધિરાણ માહિતીનો અહેવાલ CRILCને સોંપવામાં આવશે access_time 2:34 am IST

  • અમેરિકાની પૂર્વ ટોચની ક્રમાંકિત સેરેના વિલિયમ્સે નેધરલેન્ડ્સ સામે ફેડ કપમાં રમીને એક વર્ષ બાદ સ્પર્ધાત્મક ટેનિસમાં પુનરાગમન કર્યું છે. જોકે, સેરેના અને તેની બહેન વિનસની જોડીનો વિમેન્સ ડબલ્સની મેચમાં ૬-૨, ૬-૩થી પરાજય થયો હતો. access_time 4:03 pm IST