Gujarati News

Gujarati News

News of Sunday, 13th January 2019

પક્ષીના ચરક બાબતે ડખ્ખોઃ સૂર્યનગરમાં બીનાબેન જોષીને પડોશી જયશ્રીબેન બોરીચા, તેના પુત્ર અને દેરાણીની મારી નાંખવાની ધમકી

રાજકોટઃ નાના મવા રોડ સૂર્યનગર-૪ દેવનિષ્ઠા એપાર્ટમેન્ટ ફલેટ નં.૪૦૩માં રહેતાં બીનાબેન હરિશ્ચંદ્રભાઇ જોષી (ઉ.૪૨)ને પડોશી જયશ્રીબેન બોરીચા, તેના પુત્ર જય બોરીચા અને દેરાણી નયનાબેન બોરીચાએ મળી ગાળો દઇ 'દરવાજો ખોલ આજ તો તને પતાવી જ દેવી છે' તેમ કહી હાથમાં હથોડી રાખી મારી નાંખવાની ધમકી આપતાં ફરિયાદ થઇ છે.

બનાવ અંગે માલવીયાનગરના પીએસઆઇ એચ. એમ. જાડેજાએ બીનાબેની ફરિયાદ પરથી ગુનો નોંધ્યો છે. બીનાબેનના કહેવા મુજબ પોતાના ફલેટની બાજુમાં જ રહેતાં જયશ્રીબેન બોરીચા તેના ઘર પાસે પક્ષીઓને ચણ નાંખતા હોઇ આ પક્ષી બાદમાં બીનાબેનના ઘરની બારી તેમજ દોરી પર સુકલેવા કપડા અને છોડના કુંડા પર બેસી ચરક કરી જતાં હોઇ તે બાબતે બોલાચાલી થતાં ત્રણેયે બીનાબેનના ફલેટના દરવાજા પાસે આવી મોટા અવાજે ગાળો બોલી ધમકી આપી હતી. બીનાબેને ડોરઆઇમાંથી જોતાં જયશ્રીબેના હાથમાં હથોડી લઇને જોવા મળ્યા હતાં. પોલીસે આ અંગે વિશેષ તપાસ હાથ ધરી છે.

(11:50 am IST)
  • કર્ણાટકના રાજકારણમાં મચી જબરી ઉથલ-પાથલ : કોંગ્રેસના 11 ધારાસભ્યો ભાજપના સંપર્કમાં હોવાનું અને આમાંથી 3 ધારાસભ્યો આજે મુંબઈની કોઈ હોટલમાં ભાજપ અગ્રણીઓ સાથે મિટીંગ કરી રહ્યા હોવાનો ધડાકો : ભાજપે કોઈ બહુ મોટી વ્યૂહ રચનાના ભાગરૂપે કર્ણાટક ભાજપના 102 ધારાસભ્યોને 17 જાન્યુઆરી સુધી દિલ્હીમાજ રહેવા જણાવ્યું : આ સાથે કોંગ્રેસ પણ આવી હરકતમાં : કર્ણાટક કોંગ્રેસના દિગગજ નેતા ડિ. કે. શિવકુમાર આવ્યા એક્શન મોડમાં : કોઈ પણ ઘડીએ કર્ણાટકના રાજકારણમાં મોટો ધડાકો થવાના એંધાણ access_time 5:11 pm IST

  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:48 am IST

  • છોટાઉદેપુર : મધ્યપ્રદેશમાં કથિત આંતર રાજય બાળ તસ્કરીનો કેસ :પોલીસે વધુ એક બાળક ઉગારી પાલક પિતાની ધરપકડ કરી :આરોપી શૈલુ રાઠોડે રૂ.૧ લાખમાં વેચ્યું હતું ચાર માસનું બાળક :રિકવર કરેલા કુલ બાળકોની સંખ્યા ૧૪ પર પહોંચી :બાળ તસ્કરી કેસમાં આરોપીઓની સંખ્યા ૨૪ પહોંચી access_time 10:49 pm IST