Gujarati News

Gujarati News

News of Saturday, 13th January 2018

પતંગ - દોરામાં જામી ઘરાકીઃ લાવો... લાવો... ને બસ લાવો...

રાજકોટ :. આવતીકાલે મકરસંક્રાંતિ સંદર્ભે આજે પતંગ-દોરા લેવા ફુલ ઘરાકી જામી છે. સદર બજારમાં મેઈન પતંગ બજારની તસ્વીર પણ આવુ કહી જાય છે. અંદાજે નાના-મોટા ૨૦૦થી વધુ વેપારીઓને ત્યાં શહેરીજનો ઉમટી પડયા છે. લાવો જે ભાવ હોય તે પણ પતંગ, દોરો, ચીપટી, ગુંદરપટ્ટી આપો. જબરી પૂછતાછ છે, જમાવટ છે, કાલે સવારથી દરેક અગાશી ઉપર કાપ્યો.. લપેટ..ની બૂમો, ડાન્સ વીથ ધમાલ, ખાણી-પીણીની મોજ જામશે તે પણ હકીકત છે (તસ્વીરઃ સંદીપ બગથરીયા)

(4:26 pm IST)
  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST

  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST

  • મધ્યપ્રદેશના ગુના જિલ્લામાં દિગ્વિજયસિંહના ગઢ રાઘોગઢમાં ભાજપ અને કોંગ્રેસના કાર્યકરોની અથડામણ પછી તણાવભરી સ્થિતિ ફેલાય ગઈ છે : તણાવને ધ્યાનમાં રાખીને, સાવચેતીનાં ભાગરૂપે ત્યાં કર્ફ્યૂ લાદી દેવામાં આવ્યો છે : આગામી સપ્તાહે રાઘોગઢમાં મ્યુનિસિપલ ચૂંટણી યોજાવાની છે. access_time 1:37 pm IST