Gujarati News

Gujarati News

News of Saturday, 13th January 2018

આજી નદીના બંધીયાણ પાણીના વહેણ શરૂ કરવા રજુઆત

નદીના બંધિયાણ પાણીના કારણે મચ્છરો અને જીવજંતુનો ઉદભવઃ નદીના કાંઠાના રહેવાસીઓ ત્રાહિમામ

રાજકોટઃ તા.૧૩, નદી કાંઠાના રહેવાસીઓ ત્રાહિમામ નદીના બંધીયાણ પાણીના કારણે મચ્છરો અને જીવજંથુનો ઉદભવઃ આજીનદીના ઘણા  સમયથી ખરાબ પાણીનું વહેણ ભરતી અને કચરાના કારણે બંધ થઇ જતા ખરાબાના પાણીને કારણે આજીનદીમાં મચ્છર અને જીવજંતુઓનો ઉદભવ ખુબ જ વધી જતા શહેરના જાગૃત નાગરીક અબ્દેઅલી ગાંધીએ રાજકોટ મ્યુનીસીપલ કમિશ્નર શ્રીને પત્ર લખી આજીનદીના બંધીયાણ પાણીની વહેણને સત્વરે શરૂ કરવાની કામગીરી કરવા રજુઆત કરેલ છે.

શ્રી ગાંધીએ મ્યુની. કમિશ્નરને પાઠવેલ  પત્રમાં જણાવેલ છે  કે પાંજરાપોળ વિસ્તારના ઇન્દીરા બ્રિજથી લઇને કેશરી હિન્દ પુલ સુધીમાં બંને પુલ વચ્ચેના ેબેઠા પુલના નાલાઓ બંધ થઇ જવાના કારણે ખરાબાના પાણીના વહેણ બંધ થઇ ગયેલ છે. જેને લઇને મચ્છર અને અન્ય જીવજંતુઓનો ઉદભવ નદી કાંઠાના વિસ્તારમાં ખુબજ વધી વધી ગયેલ છે. અને જેને લઇને નદી કાંઠાના રહેવાસીઓ ત્રાહિમામ પોકારી ગયેલ છે. અને  અનેક પાણીની બિમારીઓનો ભોગ બની રહયા છે. ત્યારે તંત્ર દ્વારા સત્વરે ઇન્દીરા બ્રિજથી લઇને કેશરી હિન્દ બ્રિજ  સુધીના નદીના પાણીના વહેણને સત્વરે શરૂ કરવા યોગ્ય કરવાની માંગણી કરવામાં આવેલ છે. (૪૦.૫)

(2:17 pm IST)
  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST

  • મહારાષ્ટ્રના સાંગલીમાં બે ગાડીઓના ગમખ્વાર અકસ્માતમાં ૬ લોકોના મોત અને 5 લોકો ઘાયલ થયા છે. access_time 1:14 pm IST

  • સુરતમાં વાનમાં આગ લાગ્યા બાદ ટ્રાફિક પોલીસ લાલઘુમ : સુરત ટ્રાફીક પોલીસે ત્રણ ટીમો બનાવી રીક્ષા અને વાનમાં ચેકીંગ હાથ ધયુ* : સ્કૂલ, રીક્ષા કે વાનમાં વધુ વિદ્યાર્થીઓ હોય તો તેમને દંડ અને ડીટેઈન કરવાની કામગીરી શરૂ access_time 2:44 pm IST