Gujarati News

Gujarati News

News of Saturday, 13th January 2018

કાલે આકાશ રંગબેરંગી પતંગોથી છવાઇ જશે

એ કાય પો છે... ના નારા સતત ગુંજતા રહેશેઃ બાળકોથી માંડી મોટેરાઓ આખો દિવસ અગાસી-ધાબાઓ ઉપર વિતાવશે : ફિલ્મી ગીતોની મોજ માણવાની સાથે -સાથે જીજંરા, બોર, ચીકી, ઉંધીયું, ખીચડાની જયાફત માણશેઃ આજે પતંગ બજારમાં જોરદાર ધરાકી જામશે

રાજકોટ, તા. ૧૩ : ખાસ કરીને બાળકોનો પર્વ એટલે મકરસંક્રાંતિ. યુવાવર્ગ પણ આતુરતાથી રાહ જોઈ રહ્યો હોય તેવા આવતીકાલે ઉત્તરાયણ પર્વ છે. નાનાથી માંડી મોટેરાઓ અગાસી ધાબાઓ ઉપર વ્હેલી સવારથી પતંગ ઉડાડવાની મોજ માણશે.

બાળકોથી માંડી મોટેરાઓ કાલે સવારથી અગાસીઓ ઉપર ચડી જશે અને આખો દિવસ પતંગ ઉડાડવાની મજા માણશે. આકાશ રંગબેરંગી પતંગોથી છવાઈ જશે. જો પવનદેવતા રાજી હશે તો પતંગ પ્રેમીઓને મજા મજા પડી જશે. આખા દિવસ દરમિયાન એ કાય પો છે... ઢીલ દે ઢીલ દે દે રે ભૈયા... જેવા નારાઓ ગુંજશે.

આકાશમાં રંગબેરંગી પતંગોનો નજારો જોવા મળશે. આ વખતે નરેન્દ્ર મોદી, રાહુલ ગાંધીના ફોટાવાળી, સોનુ તને મારા પર ભરોસો નહિં કે, બાલવીર, બાહુબલી, ડોરેમોન જેવી અનેકવિધ નવી વેરાયટીઓવાળી પતંગો આકર્ષણ જમાવશે.

આવતીકાલે મકરસંક્રાંતિ છે મોટાભાગના લોકો મકરસંક્રાંતિના આગલા દિવસ પતંગ દોરાની ખરીદી કરતા હોય છે આજે આખો દિવસ તેમજ રાત્રીના સમયે પતંગ બજારોમાં તેમજ ખાસ કરીને અહિંના સદર બજારમાં પતંગ - દોરાની ખરીદીની ભારે ભીડ જોવા મળતી હોય છે. લગભગ આખી રાત આ બજાર ખુલ્લુ રહે છે ભારે ભીડ જામતી હોય છે.

આવતીકાલે રવિવાર અને રજાનો દિવસ હોય પતંગપ્રેમીઓમાં ઉત્સાહ બેવડાયો છે. પતંગ પ્રેમીઓને પતંગ ઉડાડવાની મોજેમોજ પડી જશે.

પતંગ ઉડાડવાની સાથે - સાથે ચીકી, જીંજરા, શેરડી, ઉંધીયુ સહિતની વાનગીઓની મોજ માણવા મળશે. રાત્રીના સમયે ફાનસ ચગાવવાની પણ પતંગપ્રેમીઓ મજા માણશે.

(11:54 am IST)
  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST

  • મહારાષ્ટ્રના સાંગલીમાં બે ગાડીઓના ગમખ્વાર અકસ્માતમાં ૬ લોકોના મોત અને 5 લોકો ઘાયલ થયા છે. access_time 1:14 pm IST

  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST