Gujarati News

Gujarati News

News of Friday, 12th October 2018

૧૧૦૦૦ વિદ્યાર્થીઓએ બનાવ્યા ૪ વર્લ્ડ રેકોર્ડ

 ગઇ કાલે ઇન્ટરનેશનલ ડોટર્સ ડે નિમિતે ઉતર પ્રદેશના હરદોઇમાં ૧૧,૦૦૦ છોકરીઓ ખાસ વર્લ્ડ રેકોર્ડ બનાવવા માટે એકઠી થઇ હતી. એક સ્કુલના ગ્રાઉન્ડમાં તમામ વિદ્યાર્થીનીઓએ પેઇન્ટિંગ કરીને ''બેટી બચાવ, બેટી પઢાઓ'' નો સંદેશ આપ્યો હતો. ત્રણ કલાક માટે એકઠી થયેલી આ છોકરીઓએ ચાર વર્લ્ડ રેકોર્ડ બનાવી નાખ્યા હતા. ગઇકાલે હરદોઇના કસ્તુરબા વિદ્યાલયની છોકરીઓએ આ રેકોર્ડ માટેની તૈયારીઓ કરેલી. સવારે નવ વાગ્યાની આસપાસની સ્કુલો અને કોલેજોની વિદ્યાર્થીનીઓ હજારોની સંખ્યામાં અહીં આવી પહોંચી હતી. બાર વાગ્યા સુધી ચાલેેલા આ કાર્યક્રમમાં ૧૦,૧૦૧ વિદ્યાર્થીનીઓએ પેઇન્ટિંગ દ્વારા દીકરીને બચાવવાનો સંદેશો આપવાનો રેકોર્ડ કર્યો હતો. ૧૧,૦૦૦ થી વધુ છોકરીઓએ એકબીજાની પીઠ થપથપાવવાનો અને હાથ પકડીને લાંબી માનવશૃંખલા બનાવવાનો રેકોર્ડ બનાવ્યો હતો. આ ઉપરાંત સોૈથી મોટી સંખ્યામાં 'બેટી બચાવો, બેટી પઢાઓના શપથ તેમણે લીધા હતા.

(5:07 pm IST)
  • બ્રિટન બન્યો દુનિયાનો પ્રથમ દેશ જેણે આત્મહત્યા રોકવા મંત્રીશ્રી નિમણુક કરીઃ દર વર્ષે આશરે ૪૫૦૦ લોકો આત્મહત્યા કરે છેઃ ખુબજ ચિંતાજનક આંકડોઃ વડાપ્રધાન થેરેસા મેનું નિવેદન access_time 11:28 am IST

  • તેલંગણામાં જબરી રાજકીય હલચલ :કોંગ્રેસના વરિષ્ઠ નેતાની પત્ની સવારે ભાજપમાં જોડાયા બાદ મોડીરાત્રે કોંગ્રેસમાં વાપસી :રાજનરસિંમ્હાની વરિષ્ઠતાને લઈને પદ્મિની ભાજપમાં સામેલ થતા કોંગ્રેસને ભારે શર્મીદગીનો સામનો કરવો પડ્યો :વરિષ્ઠ નેતા સી,દામોદર રાજનસિંમ્હાની પત્ની પદ્મિની રેડ્ડી મોડીરાત્રે ફરી કોંગ્રેસમાં પાછા આવ્યા :રાજનરસિંમ્હા અવિભાજ્ય આંધ્રપ્રદેશના તત્કાલીન મુખ્યમંત્રી એન,કિરણકુમાર રેડ્ડીના મંત્રીમંડળમાં ઉપમુખ્યમંત્રી હતા access_time 1:15 am IST

  • ગુજરાતમાં 'લોબાન' વાવાઝોડાનો ખતરો? : દેશના દરિયાકાંઠાના તમામ રાજયો એલર્ટ : દરિયામાં ઉંચા મોજા ઉછળવાની શકયતા : અરબી સમુદ્રમાં સર્જાયુ સાયકલોનીક એર સરકયુલેશન : દક્ષિણ ગુજરાત ભારે પવન ફૂંકાવાની શકયતા : નેશનલ ઈમરજન્સી રિસ્યોન્સ સેન્ટરે આપ્યુ એલર્ટ : ૮૦ થી ૧૩૫ કિ.મી.ની ઝડપે પવન ફૂંકાશે access_time 3:28 pm IST