Gujarati News

Gujarati News

News of Friday, 12th October 2018

કડિયા સમાજને ત્વરિત સહાય ચુકવી તો સોની સમાજના ૯ મૃતકોને કયારે આપશો?

સુવર્ણકાર એકતા સમિતિના અરવિંદભાઇ પાટડીયાએ વિજયભાઇને પત્ર પાઠવી માંગણી ઉઠાવી

રાજકોટ તા. ૧૨ : કાગદડી પાસે થયેલ અકસ્માતમાં સોની પરિવારના ૯ (નવ) લોકોના મૃત્યુ થયાને ૩ માસ વિતવા છતા મુખ્યમંત્રી રાહત ફંડમાંથી એકરૂપિયાની પણ સહાય કરવામાં આવી ન હોય આ બાબતે કઇક વિચારવા સુવર્ણકાર એકતા સમિતિ રાજકોટના અરવિંદભાઇ પાટડીયા અવાજ ઉઠાવ્યો છે.

તેઓએ એક યાદીમાં આક્રોશ વ્યકત કરતા જણાવેલ છે કે રાજકોટ તથા ગ્વાલીયરના સોની પરિવારના કલાડીયા કુટુમ્બના સુરાપુરા દાદાના દર્શનાર્થે રાજકોટથી ભુજ સ્થિત લાકડીયા ગામે આ પરીવાર જઇ રહ્યો હતો ત્યારે મોરબીના કાગદડી પાસે ગમખ્યાર અકસ્માત નડયો હતો. ઘટના સ્થળે જ નવ નવ દેહો ઢળી પડયા હતા.

ઘટનાના બીજા દિવસ જ સ્થાનિક ધારાસભ્ય અને રાજકીય નેતાઓએ મૃતકના પરિવારોને મળી ઠાલી સાંત્વના આપી હતી. પરંતુ હતભાગી પરિવારો માટે મુખ્યમંત્રી રાહત ફંડમાંથી આજદીન સુધી એક રૂપિયાની પણ સહાય ફાળવવામાં આવી નથી તે દુઃખદ છે.તાજેતરમાં કડીયા સમાજના ૯ લોકોના ઉતરાખંડની યાત્રા દરમિયાન અકસ્માતમાં મૃત્યુ થતા મૃતકોના પરિવારોને પાંચ પાંચ લાખની સહાય મુખ્યમંત્રી ફંડમાંથી જાહેર કરવામાં આવી છે. ત્યારે સોની સમાજને આ લાભ કેમ ન અપાયો તેવા સવાલો સાથે સોની સમાજમાં ભારે કચવાટ પ્રવર્તેલ હોવાનુંઅરવિંદભાઇ પાટડીયાએ જણાવેલ છે.તેઓએ ખેદ સાથે જણાવેલ છે કે મૃતકોના સગાઓ તરફથી મુખ્યમંત્રીને તા. ૧૬-૮-૨૦૧૮ ના તેમજ ફરી તા. ૨૨-૯-૨૦૧૮ ના એમ બે બે વખત પત્રો લખી રજુઆત કરવામાં આવી છે. જેના જવાબમાં મુખ્યમંત્રી કાર્યાલય તરફથી યોગ્ય કરવા માટે અધિક મુખ્ય સચિવને જણાવાયુ છે. તેવા ક્ષુલ્લક જવાબો મળ્યા છે.

જો કડીયા સમાજના મૃતકોને તાત્કાલીક સહાય મળી શકે તો સોની સમાજના મૃતકોને કેમ નહી? સોની સમાજના હતભાગીઓને પત તાત્કાલીક સહાય ફાળવવામાં આવે તેવી સોની સમાજવતી અરવિંદભાઇ પાટડીયા (મો.૯૪૨૭૫ ૩૬૪૦૦) એ મુખ્યમંત્રીશ્રી વિજયભાઇ રૂપાણીને વિનંતી કરી છે.

(3:23 pm IST)
  • અરવલ્લી:મોડાસા માર્કેટયાર્ડમાં વેપારીઓનો હોબાળો:દબાણ દૂર કરતા પહેલા વેપારીઓમાં રોષ:૯૮ વેપારીઓને નોટિસની મુદત પૂર્ણ થતા કાર્યવાહી :આજે દબાણ દૂર કરવાની કાર્યવાહી હાથ ધરાશે:૧૦૦થી વધુ પોલીસ કાફલા સાથે કાર્યવાહી કરાશે:૩૦ વર્ષથી દુકાન ચલાવતા વેપારીઓ રડી પડ્યા access_time 5:41 pm IST

  • તેલંગણામાં જબરી રાજકીય હલચલ :કોંગ્રેસના વરિષ્ઠ નેતાની પત્ની સવારે ભાજપમાં જોડાયા બાદ મોડીરાત્રે કોંગ્રેસમાં વાપસી :રાજનરસિંમ્હાની વરિષ્ઠતાને લઈને પદ્મિની ભાજપમાં સામેલ થતા કોંગ્રેસને ભારે શર્મીદગીનો સામનો કરવો પડ્યો :વરિષ્ઠ નેતા સી,દામોદર રાજનસિંમ્હાની પત્ની પદ્મિની રેડ્ડી મોડીરાત્રે ફરી કોંગ્રેસમાં પાછા આવ્યા :રાજનરસિંમ્હા અવિભાજ્ય આંધ્રપ્રદેશના તત્કાલીન મુખ્યમંત્રી એન,કિરણકુમાર રેડ્ડીના મંત્રીમંડળમાં ઉપમુખ્યમંત્રી હતા access_time 1:15 am IST

  • જામખંભાળિયામાં મારામારીના કેસમાં નગરપાલિકાના પૂર્વ પ્રમુખ -ભાજપના નેતા અને જિલ્લા પંચાયતના સદસ્યના પતિને એક-એક વર્ષની સજા ફટકારતી અદાલત ;છ વર્ષ જુના કેસમાં ભાજપના આગેવાનને સજા ફટકારતા ખળભળાટ access_time 11:16 pm IST