Gujarati News

Gujarati News

News of Friday, 12th October 2018

તંત્ર ભુલી ગયું...!!

શાસ્ત્રીનગરમાં પાણીનું સમ્પ કનેકશન બંધ કરાવ્યા બાદ પણ ૬૫ હજારનું બીલ ફટકાર્યુ !!

સોસાયટીનાં પ્રમુખ અને કોંગી કોર્પોરેટર ઘનશ્યામસિંહ જાડેજાએ અધિકારીઓને આળસ ખંખેરી રેકોર્ડ તપાસવા માંગ ઉઠાવી

રાજકોટ તા.૧૧: મ્યુ.કોર્પોરેશનનાં તંત્રવાહકો દ્વારા વેરા બાબતે અવાર-નવાર છબરડાઓ થાય છે તે પ્રકારે જ તંત્ર વાહકો જાણે ભુલી ગયા હોય તેમ વોર્ડ નં-૧૧માં આવેલ શાસ્ત્રીનગર (અજમેરા) સોસાયટીનું સમ્પ કનેકશન બંધ કરાવી દીધાનાં વર્ષો પછી રૂ. ૬૫ હજારનું બીલ ફટકારતાં આ બાબતે આ સોસાયટીનાં પ્રમુખ અને કોંગ્રેસના કોર્પોરેટર ઘનશ્યામસિંહ જાડેજાએ ટેકસ ઓફીસરો તથા વોટર વર્કસનાં અધિકારીઓને આળસ ખંખેરીને રેકોર્ડ તપાસે તેવી માંગ ઉઠાવી છે.

આ અંગે ઘનશ્યામસિંહે એક યાદીમાં જણાવ્યંુ છે કે, શાસ્ત્રીનગર સોસા.માં પાણી સપ્લાય માટે બે શમ્પ કનેકશન ધરાવતું હતું બાદમાં રા.મ્યુ.કોર્પો. દ્વારા ડોર ટુ-ડોર નળ કને. અપાતા આ બન્ને સમ્પ કનેકશન સોસાયટી દ્વારા સંપુર્ણ વેરો ભરીને બંધ કરાવેલ હતા. ને આ કનેકશન સોસાયટી દ્વારા ભરવામાં આવેલ ડીપો.ની રકમ પણ રા.મ્યુ.કોર્પો. દ્વારા સોસાયટીને પરત કરવામાં આવી હોવા છતાં પણ આ વેરા બાબતની કામગીરી સંભાળતા અને મોટા પગાર ધરાવતા તેમજ કામગીરી પ્રત્યે લાપરવાહી દર્શાવતા. આળસુ અધિકારીશ્રીઓને આજે પણ ખબર નથી કે કનેકશન બંધ કરાવેલ છે અને ડીપોઝીટની રકમ પણ પરત લઇ લીધી છે.

આ બાબતે વોર્ડ નં.૧૧ના કોર્પો. શ્રીઘનશ્યામસિંહ જાડેજા જણાવે છે. આ અધિકારીશ્રીઓ આળસ ત્યજીને રા.મ્યુ.કોર્પો.ના રેકોર્ડ તપાસીને જો નોટીસ પાઠવે તો. રા.મ્યુ.કોર્પો. સ્ટેશનરી, મશીનરી, તેમજ પોસ્ટખર્ચ બચશે.

(3:37 pm IST)
  • સુરત :ઓલપાડના કિમ ગામે હીરાપન્ના ૧ સોસાયટીમાં હત્યા:પતિએ ગાળું દબાવી પત્નીની કરી હત્યા:પત્નીની હત્યા બાદ પતિએ કર્યો આપઘાત:પતિએ પંખા વડે લટકી કર્યો આપઘાત:પતિ દ્વારા પત્નીની હત્યા કરવાનું કારણ અકબંધ:હીરાપન્ના સોસાયટીમાં પતિ-પત્નીના મોતને લઈ ચકચાર:કિમ પોલીસે ઘટના સ્થળે પહોંચી તપાસ હાથ ધરી:મૃતક પતિ-પત્નીના મૃતદેહને પીએમ માટે મોકલી પોલીસે આગળની તપાસ હાથ ધરી.. access_time 5:40 pm IST

  • જૂનાગઢ:માણાવદરમાં PGVCL કચેરીમાં કર્મચારી પર હુમલો:PGVCLના હંગામી કર્મચારી ભાવેશ પરમાર પર બે શખ્શે કર્યો હુમલો:માર મારવાના દ્રશ્યો CCTV કેમેરામાં થયા કેદ: લાઈટ ગુલ થતા ભરત ઓડેદરા અને જીતુ ઓડેદરા ટોળા સાથે કચેરીએ ધસી ગયા access_time 11:15 pm IST

  • ગુજરાતમાં 'લોબાન' વાવાઝોડાનો ખતરો? : દેશના દરિયાકાંઠાના તમામ રાજયો એલર્ટ : દરિયામાં ઉંચા મોજા ઉછળવાની શકયતા : અરબી સમુદ્રમાં સર્જાયુ સાયકલોનીક એર સરકયુલેશન : દક્ષિણ ગુજરાત ભારે પવન ફૂંકાવાની શકયતા : નેશનલ ઈમરજન્સી રિસ્યોન્સ સેન્ટરે આપ્યુ એલર્ટ : ૮૦ થી ૧૩૫ કિ.મી.ની ઝડપે પવન ફૂંકાશે access_time 3:28 pm IST