Gujarati News

Gujarati News

News of Friday, 12th October 2018

તંત્રનો નવતર પ્રયોગ

૧૭ બગીચાઓમાં કુદરતી ખાતરનું નિર્માણ

બગીચાઓમાં ઉત્પન્ન થતા ઘાસ-પાનના કચરાને ખાડામાં દાટી દઈ ૪ મહિનામાં કુદરતી ખાતરનું નિર્માણ કરાઈ રહ્યુ છેઃ ગાર્ડન ડાયરેકટર ડો. હાપલીયાનું માર્ગદર્શન

રાજકોટ, તા. ૧૧ :. મ્યુ. કોર્પોરેશન દ્વારા બગીચાના કચરામાંથી કુદરતી ખાતર બનાવવાનો નવતર પ્રયોગ હાથ ધરવામાં આવ્યો છે. હાલતૂર્ત બગીચાઓમાં ૧૭ સ્થળોએ આ પ્રકારે કુદરતી ખાતરનું નિર્માણ થઈ રહ્યુ છે. આ અંગે ગાર્ડન ડાયરેકટર ડો. હાપલીયાએ આપેલી વિસ્તૃત માહિતી મુજબ શહેરમાં સ્વચ્છ નગર અભિયાન હેઠળ બગીચાઓને ગંદકી મુકત કરવાની સાથોસાથ બગીચાઓમાંથી નિકળતા ઘાસ અને પાનના કચરામાંથી કુદરતી ખાતર પણ બનાવવાનો નવતર પ્રયોગ શરૂ કરવામાં આવ્યો છે.

ડો. હાપલીયાના જણાવ્યા મુજબ આ પ્રયોગ માટે બગીચાઓમાં ૧૭ જેટલા સ્થળોએ ખાડાઓ કરી અને તેમા બગીચામાંથી નિકળતો ઝાડ-પાનનો તથા લીલી-સુકી ડાળીઓ, ફુલછોડ વગેરેનો કચરો આ ખાડામાં દરરોજ સફાઈ દરમિયાન નાખવામાં આવે છે અને વૈજ્ઞાનિક ઢબે આ કચરા ઉપર માટીનો થર રોજેરોજ કરવામાં આવે છે અને ખાડો પુરાઈ ગયા બાદ ૪ મહિના સુધી આ ખાડાને બુરેલો રાખવામાં આવે છે. ૪ મહિના બાદ આ ખાડામાં રહેલા કચરાનું અત્યંત ફળદ્રુપ અને ઉપજાવ એવુ કુદરતી ખાતર બની જાય છે. આ ખાતર ફુલછોડના ઉછેર માટે અત્યંત ફળદ્રુપ હોય છે. આમ તંત્ર દ્વારા આ શરૂ થયેલ નવતર પ્રયોગથી સ્વચ્છતાની સાથોસાથ કુદરતી ખાતરનું પણ નિર્માણ થઈ રહ્યુ છે.(૨-૧૬)

(3:54 pm IST)
  • તેલંગણામાં જબરી રાજકીય હલચલ :કોંગ્રેસના વરિષ્ઠ નેતાની પત્ની સવારે ભાજપમાં જોડાયા બાદ મોડીરાત્રે કોંગ્રેસમાં વાપસી :રાજનરસિંમ્હાની વરિષ્ઠતાને લઈને પદ્મિની ભાજપમાં સામેલ થતા કોંગ્રેસને ભારે શર્મીદગીનો સામનો કરવો પડ્યો :વરિષ્ઠ નેતા સી,દામોદર રાજનસિંમ્હાની પત્ની પદ્મિની રેડ્ડી મોડીરાત્રે ફરી કોંગ્રેસમાં પાછા આવ્યા :રાજનરસિંમ્હા અવિભાજ્ય આંધ્રપ્રદેશના તત્કાલીન મુખ્યમંત્રી એન,કિરણકુમાર રેડ્ડીના મંત્રીમંડળમાં ઉપમુખ્યમંત્રી હતા access_time 1:15 am IST

  • આંતરાષ્ટ્રીય બજારમાં ૮'દિ ક્રુડના ભાવો બેરલ દીઠ ૫ ડોલર ઘટયાઃ ભારતમાં પેટ્રોલ-ડીઝલ સસ્તુ થવાને બદલે ૮'દિમાં ૨ રૂ. વધી ગયા :ફરી આજે પેટ્રોલમાં ૧ લીટરે ૧૨ પૈસા અને ડીઝલમાં ૨૮ પૈસાનો દિલ્હીમાં વધારોઃ મુંબઇમાં પેટ્રોલમાં ૧૨ અને ડીઝલમાં લીટરે ૨૯ પૈસા વધ્યા access_time 3:28 pm IST

  • અરવલ્લી:મોડાસા માર્કેટયાર્ડમાં વેપારીઓનો હોબાળો:દબાણ દૂર કરતા પહેલા વેપારીઓમાં રોષ:૯૮ વેપારીઓને નોટિસની મુદત પૂર્ણ થતા કાર્યવાહી :આજે દબાણ દૂર કરવાની કાર્યવાહી હાથ ધરાશે:૧૦૦થી વધુ પોલીસ કાફલા સાથે કાર્યવાહી કરાશે:૩૦ વર્ષથી દુકાન ચલાવતા વેપારીઓ રડી પડ્યા access_time 5:41 pm IST