Gujarati News

Gujarati News

News of Wednesday, 11th September 2019

વીજ કર્મચારીઓના એક યુનિયનના નેતા દ્વારા લાખોની ઉચાપતની ફરિયાદઃ હાઈલેવલ તપાસ શરૂ

રાજકોટના કિશોરસિંહ વાળાએ મુખ્યમંત્રી સહિતના અધિકારીઓને ફરીયાદ કરી... : ચીફ ઈજનેર ગાંધીએ બે અધિકારીઓને તપાસ સોંપીઃ યુનિયનમાં મોટા પાયે ડખ્ખા

રાજકોટ, તા. ૧૧ :. શહેરના વિશ્વકર્મા સોસાયટીમાં રહેતા કિશોરસિંહ વાળાએ વીજ કર્મચારીઓના એક યુનિયનના એક મોટા ગજાના આગેવાન સામે ભ્રષ્ટાચાર કરી નાણાની ઉચાપત કરવા અંગેની ફરીયાદો કરતા સન્નાટો મચી ગયો છે.

ફરીયાદમાં ઉમેરાયુ છે કે, એક કંપનીની પવનચક્કીના યુનિટ એડજસ્ટમેન્ટમાં ગેરરીતિ કરીને રૂપિયા ૬.૦૦ લાખ જેવી રોકડ રકમની ઉચાપત કરેલ છે. રસીદ ગ્રાહકને આપી દીધા બાદ સિસ્ટમમાં રસીદ કેન્સલ કરીને આ રૂપિયાની ઉચાપત કરેલ છે તો બીજી એક કંપનીમાં ગુજરાત સરકાર તરફથી ૫ (પાંચ) વર્ષ વિદ્યુત શુલ્ક માફી બાદ માર્ચ ૨૦૧૭થી મે ૨૦૧૯ સુધીના રૂપિયા ૨૨.૦૦ (બાવીશ) લાખ જમા આપીને ગેરરીતિ કરીને ભ્રષ્ટાચાર કરેલ છે આ અંગે વડી કચેરીના તમામ ઉચ્ચ અધિકારીઓ સમક્ષ પણ ફરીયાદ કરાઈ છે. તાજેતરમાં તા. ૪-૫-૨૦૧૯થી મુખ્યમંત્રી, ઉર્જામંત્રી, નાયબ મુખ્યમંત્રી, ચીફ વિજીલન્સ કમિશનર ગુજરાત અને પી.જી.વી.સી.એલ.ના મેનેજીંગ ડીરેકટરને ફરીયાદ કરવામાં આવેલ હતી તેમ છતાં આજ સુધી કોઈ પગલા લેવામાં આવેલ નથી.દરમિયાન આ બાબતે વીજ અધિકારીઓનો સંપર્ક કરતા ટોચના સૂત્રોએ ઉમેર્યુ હતુ કે, આ અંગે ચીફ ઈજનેર શ્રી ગાંધીએ ઉપરોકત બન્ને પ્રકરણમાં તપાસ કરવા બે અધિકારીઓની નિમણૂંક કરી છે. હાઈલેવલ તપાસ ચાલુ છે. વધુ હાલ કહેવુ શકય નથી.

(3:48 pm IST)
  • બ્રાયન ટોલએ આર્ટિકલ 370 પર ભારતનું કર્યું સમર્થન : ગિલકિત ને બાલટિસ્તાનને ગણાવ્યો ભારતનો હિસ્સો : યુરોપીય આયોગના પૂર્વ નિર્દેશક બ્રાયન ટોલે જિનિવામાં કહ્યું કે આર્ટિકલ 370 હટાવવાથી કાશ્મીરના લોકોને સમાન આર્થિક અવસર મળશે : સરકારની માફક તેને પણ આશા છે કે કાશ્મીરીઓ માટે સારું પગલું સાબિત થશે access_time 1:19 am IST

  • ૬ એકે ૪૭ સાથે ૩ આતંકી ઝડપાયાઃ જમ્મુ-કાશ્મીરમાં હથિયારો સાથે ૩ આતંકીની ધરપકડઃ આતંકીઓ પાસે ૬ એકે૪૭ રાઇફલ ઝડપાઇઃ ત્રણેય આતંકીઓ ટ્રકમાં જઇ રહયા હતાઃ લખનપુર પાસેથી ૩ આતંકીઓની ધરપકડ કરાઇઃ પંજાબથી કાશ્મીર જઇ રહયા હતા access_time 12:59 pm IST

  • નવા મોટર વહિકલ એક્ટનો વિરોધ : બિહારના કટિહારમાં પ્લાસ્ટિકનો ડોલ માથામાં પહેરીને ચલાવાયું બાઈક ; પટનામાં પોલીસ અને પબ્લિક વચ્ચે ઘર્ષણ :પોલીસ પર પથ્થરમારો થયો : પોલીસ ભીડને વિખેરવા કર્યો લાઠીચાર્જ ફોટો katihar access_time 1:08 am IST