Gujarati News

Gujarati News

News of Friday, 12th July 2019

આવાસ યોજનામાં વેઇટિંગમાં રહેલા બી.પી.એલ. હેઠળના ૧૯૧ લાભાર્થીઓને આવાસ ફાળવાશે

મેયર, સ્ટેન્ડિંગ કમિટી ચેરમન અને મ્યુનિ. કમિશનરનીજાહેરાત

રાજકોટ, તા.૧ર : રાજકોટ મહાનગરપાલિકા દ્વારા બી.એસ.યુ.પી. આવાસ યોજનામાં વેઇટિંગમાં રહેલા બી.પી.એલ. હેઠળના ૧૯૧ લાભાર્થીઓને આવાસ ફાળવવાની માન. મેયરશ્રી બિનાબેન આચાર્ય, સ્ટેન્ડિંગ કમિટીના ચેરમનશ્રી ઉદયભાઈ કાનગડ અને મ્યુનિ. કમિશનર બંછાનિધિ પાનીએ આજે સંયુકત જાહેરાત કરી હતી.

બી.પી.એલ. કાર્ડ ધારક પરિવારોને બી.એસ.યુ.પી આવાસ યોજનામાં આવાસ ફાળવવા માટે તેઓની પાસેથી ૨૦૧૨માં અરજીઓ માંગવામાં આવેલ હતી. ત્યારબાદ જે તે સમયે કોમ્પ્યૂટરાઈઝડ ડ્રો મુજબ લાભાર્થીઓને આવાસ ફાળવવામાં આવેલ હતાં અને એ પૈકી ૧૯૭ લાભ્ર્થીઓની પ્રતીક્ષા યાદી બની હતી. જોકે આ ૧૯૭ પૈકી ૬ લાભાર્થીઓએ તેમની ડીપોઝીટની રકમ પરત મેળવવા અરજી કરી હતી, પરિણામે આખરમાં બાકી રહેલા ૧૯૧ લાભાર્થીઓને આવાસ ફાળવવાનો ઉમદા નિર્ણય કરવામાં આવતા લાભાર્થીઓમાં આનંદની લાગણી પ્રસરી છે. આ બીપીએલ પરિવારોને આવાસ ફાળવવા અંગે હાઉસિંગ કમિટી ચેરમેન શ્રી જયાબેન ડાંગર દ્વારા રજૂઆત થઇ હતી. વેઇટિંગ યાદીમાં પાત્રતા ધરવતા કુલ ૧૯૧ લાભાર્થીઓને બી.એસ.યુ.પી. યોજના અંતર્ગત આવાસ ફાળવવાની વહીવટી મંજૂરી મ્યુનિ. કમિશનર બંછાનિધિ પાની દ્વારા આપવામાં આવતા હવે ટૂંક સમયમાં જ બાકીની આગળની કાર્યવાહી હાથ ધરવામાં આવશે.

(4:06 pm IST)
  • ઘર ખરીદવાની ક્ષમતા ૪ વર્ષમાં સૌથી બદત્તરઃ રીઝર્વ બેંકનો રિપોર્ટ : સરકારે રાહતદરના મકાનો આપવાનો પ્રયાસ કર્યો હોવા છતાં પણ લોકોમાં ઘર ખરીદવાની ક્ષમતા ૪ વર્ષમાં સૌથી બદત્તર સ્થિતિમાં પહોંચી છેઃ દિલ્હી, મુંબઇ સહિત ૧૩ શહેરોના સર્વે બાદ રીઝર્વ બેંકે આ મૂજબ જણાવ્યું છે. ૪ વર્ષમાં આવકના મુકાબલે મકાનની કિંમત સૌથી વધુ વધી છે access_time 11:23 am IST

  • જેડીએસનો આરોપ :સ્પીકર ઓફિસ પાસે હંગામો કરવા માટે ધારાસભ્યોને ઉશ્કેરે છે ભાજપના નેતા : જેડીએસના સત્તાવાર ટ્વીટર એકાઉન્ટ પર એક વિડિઓ જાહેર કર્યો :જેમાં એવો આક્ષેપ કરાયો કે ભાજપના નેતા સ્પીકરની ઓફિસ પાસે હંગામો કરવા ધારાસભ્યોને ભડકાવે છે access_time 1:07 am IST

  • પ૩૯પ શ્રદ્ધાળુઓનો નવો કાફલો રવાના કરાયો : અમરનાથ યાત્રામાં ૧.૪૪ લાખ શ્રદ્ધાળુએ દર્શન કર્યા : પહેલી જુલાઇના દિવસે અમરનાથ યાત્રા શરૂ કરવામાં આવ્યા બાદથી ૧૧ દિનમાં મોટી સંખ્યામાં લોકો પહોંચ્યા access_time 3:13 pm IST