Gujarati News

Gujarati News

News of Friday, 12th July 2019

વંદેમાતરમ્ સોસાયટીમાં ગણપતભાઇ જાદવના મકાનમાં રૂ.૧.૧૪ લાખની ચોરી

નવુ બાઇક લીધા બાદ વણકર યુવાન પત્ની અને બાળકો સાથે અંકેવાડીયા માતાજીના મઢે દર્શન કરવા ગયા'તા

રાજકોટ તા. ૧રઃ ભગવતીપરામાં આવેલી વંદેમાત્રમ્ ્ સોસાયટીમાં વણકર યુવાનના મકાનને નિશાન બનાવી તસ્કરો તાળાતોડી રોકડ તથા ઘરેણા મળી  રૂ.૧,૧૪,૦૦૦ની માલમતા ચોરી  જતા ફરીયાદ થઇ છે.

મળતી વિગત મુજ ભગવતીપરામાં સુખસાગર હોલ પાસે આવેલી વંદેમાત્રમ્ સોસાયટી શેરી નં. ૩માં રહેતા અને મેટોડામાં જ્યોતિ સીએનસી.કંપનીમાં જનરલ મેન્ટેનન્સમાં ટેકનીશ્યન તરીકે નોકરી કરતા ગણપતભાઇ નરશીભાઇ જાદવ (ઉ.૪૬) એ નવુ બાઇક લીધુ હોઇ, તેથી ગત તા.૧૦/૭ ના રોજ પોતે તથા પત્ની અને બે બાળકો સહિત પરિવારના સભ્યો પોતાનાવતન લીંબડીના અંકેડવાડીયા ગામે માતાજીના મઢે દર્શન કરવા માટે ગયા હતા.

બાદ ત્યાંથી લીંબડી સસરાના ઘરે ગયા હતા. પાછળથી કોઇ અજાણ્યા શખ્સોએ તેના બંધ મકાનના તાળા તોડી અંદર પ્રવેશ કરી બેડરૂમ દરવાજાનો નકુચો તોડી લોખંડના કબાટમાંથી રૂ.ર૮ હજારની સોનાની ત્રણ વીંટી રૂ.૩૦ હજારના છ જોડી સાંકળા, રૂ.૬ હજારનું મંગલ સૂત્ર, રૂ.પ હજારના સોનાની ગ્લેટ કરેલો ચાંદીનો હાર અને રૂ.૪પ૦૦૦ રોકડા મળી કુલ રૂ. ૧,૧૪,૦૦૦ ની માલમતા ચોરી ગયા હતા. બે દિવસ બાદ પરત આવ્યા ત્યારે દરવાજોના તાળા તુટેલા અને અંદર સામાન વેરવીખેર જોતા ચોરી થઇ હોવાની ખબર પડી હતી. આ બનાવ અંગે ગણપતભાઇ જાદવે બી ડીવીઝન પોલીસ મથકમાં ફરીયાદ નોંધાવતા પીએસઆઇ સાકરીયાએ તપાસ હાથ ધરી છે.

(3:40 pm IST)
  • પ૩૯પ શ્રદ્ધાળુઓનો નવો કાફલો રવાના કરાયો : અમરનાથ યાત્રામાં ૧.૪૪ લાખ શ્રદ્ધાળુએ દર્શન કર્યા : પહેલી જુલાઇના દિવસે અમરનાથ યાત્રા શરૂ કરવામાં આવ્યા બાદથી ૧૧ દિનમાં મોટી સંખ્યામાં લોકો પહોંચ્યા access_time 3:13 pm IST

  • બીટકોઈન - ક્રિપ્ટો કરન્સીનો હું પ્રશંસક નથી : ડોનાલ્ડ ટ્રમ્પ : ડોનાલ્ડ ટ્રમ્પે જાહેર કર્યુ હતું કે જેની કિંમતો બહુ અસ્થિર છે અને જેનો પાયો નબળો છે તેવી બીટકોઈન અને તેના જેવી બીજી ક્રીપ્ટો કરન્સીનો હું પ્રશંસક નથી access_time 1:13 pm IST

  • આકાશમાં આફત :માંડ માંડ બચ્યો 284 લોકોનો જીવ : એયર કેનેડાની ફ્લાઈટનું ઇમરજન્સી લેન્ડિંગ :35 યાત્રીઓ ઘાયલ :એયર કેનેડાની ફ્લાઇટનું હોનોલુલુમાં ઇમરજન્સી લેન્ડિંગ :ટોરેન્ટોથી સિડની જતી ફ્લાઈટ AC 22માં ખરાબ હવામાનને કારણે લેન્ડિંગ ;:વિમાનમાં સવાર 35 લોકોને ઇજા access_time 12:50 am IST