Gujarati News

Gujarati News

News of Friday, 12th July 2019

ન્યારામાં મંગળવારે ગુરૂપૂર્ણીમાં ઉત્સવ ધામધુમથી ઉજવાશે

ગુરૂદેવની પધરામણીની સુવર્ણ જયંતિનો સુભગ સમન્વય : પૂજન અર્ચન, ચરણ પાદુકા સ્પર્શ દર્શન, મહાપ્રસાદનું આયોજન

રાજકોટ તા. ૧૨ : ખોબા જેવડા ગામ ન્યારાને સંત શિરોમણી પૂ. શ્રી રણછોડદાસજી બાપુની પધરામણીએ નંદનવન સમુ રળીયામણું બનાવી દીધુ છે. ત્યારે ન્યારા ધ્યાન મંદિરમાં તા. ૧૬ ના મંગળવારે પ્રતિવર્ષની જેમ ગુરૂપૂર્ણીમાં મહોત્સવનું ભવ્યાતિભવ્ય આયોજન થયુ છે.

આ આયોજન ટાંકણે જ સંતશીરોમણી ગુરૂદેવ પરમાત્માની પ્રથમ વખત જ થયેલી પુનિત પધરામણીની સુવર્ણજયંતિનો રળિયામણો અવસર છે. ન્યારા તેમજ આસપાસના ગામના લોકો સદ્દગુરૂ પરમાત્માને આસ્થા અને ઉમંગભેર વધાવવા થનગની રહ્યાનું સદ્દગુરૂ ધ્યાન મંદિર ટ્રસ્ટના ટ્રસ્ટીઓએ જણાવ્યુ છે.

આયોજન માટે તડામાર તૈયારીઓ આરંભવામાં આવી છે. મંગળવારે સવારે ૬ વાગ્યે પ્રાતઃ કાલીન આરતી, બાદ પૂ. શ્રી ગુરૂદેવનું પૂજન અર્ચન, મંદિરના પટાંગણમાં રામધૂન અને ભજન કિર્તન તેમજ સવારે ૧૧.૩૦ વાગ્યાથી ર.૩૦ વાગ્યા સુધી સદ્દગુરૂ મહાપ્રસાદની વ્યવસ્થા કરાઇ છે. સવારથી ચરણ પાદુકા સ્પર્શ દર્શનાર્થે મુકાશે. મંગલકર્તા રક્ષાદોરીનું વિતરણ કરાશે.

પ્રતિવર્ષ રાજકોટવાસીઓ પણ ન્યારામાં મોટી સંખ્યામાં દર્શનાર્થે પધારે છે.

દરમિયાન સંતશિરોમણી પૂ. શ્રી રણછોડદાસજી મહારાજ કોટડાસાંગાણી થઇને ન્યારા પધાર્યા અને સૌરાષ્ટ્ર કાઠીયાવાડમાં પ્રથમ પગલા કર્યા એ ઐતિહાસીક મંગલાચરણના અનેરા અવસરની સુવર્ણ જયંતિને અનુલક્ષીને મહામંડલેશ્વર પૂ. શ્રી હરીચરણદાસજી મહારાજના સાનિધ્યમાં શ્રીરામ મહાયજ્ઞનું અનુપમ આયોજન નિશ્ચિત કરવામાં આવ્યુ છે. જે માટે શુભદિન હવે પછી સુનિશ્ચિત કરાશે.

ગુરૂપુર્ણિમા મહોત્સવમાં ભાવિક ભકતોએ પધારવા અને દર્શન - મહાપ્રસાદનો લાભ લેવા ટ્રસ્ટીઓએ અનુરોધ કરેલ છે.

ન્યારા મંદિરના વરીષ્ઠ ટ્રસ્ટી શ્રી જીતુભાઇ ચતવાણીનું દુઃખદ અવસાન થતા ગુરૂભાઇઓમાં ઘેરા શોકની લાગણી પ્રસરી છે.

(3:34 pm IST)
  • રાહુલ ગાંધી વિરૂદ્ઘ ૨૦ ફોજદારી કેસો: સંઘ અને ભાજપના કાર્યકરોએ કોંગ્રેસના સાંસદ અને કોંગ્રેસના પૂર્વ રાષ્ટ્રીય અધ્યક્ષ રાહુલ ગાંધી વિરૂદ્ઘ દેશના જુદા જુદા ભાગોમાં ૨૦ જેટલા ફોજદારી કેસો કર્યાનું કોંગ્રેસના નેતાઓએ કહ્યું છે access_time 1:14 pm IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • બીટકોઈન - ક્રિપ્ટો કરન્સીનો હું પ્રશંસક નથી : ડોનાલ્ડ ટ્રમ્પ : ડોનાલ્ડ ટ્રમ્પે જાહેર કર્યુ હતું કે જેની કિંમતો બહુ અસ્થિર છે અને જેનો પાયો નબળો છે તેવી બીટકોઈન અને તેના જેવી બીજી ક્રીપ્ટો કરન્સીનો હું પ્રશંસક નથી access_time 1:13 pm IST