Gujarati News

Gujarati News

News of Friday, 12th July 2019

રૂ.છ લાખ ૮૦ હજારનો ચેક પાછો ફરતા કોર્ટમાં ફરિયાદઃ આરોપીને સમન્સ

રાજકોટ તા. ૧ર : રાજકોટ જીલ્લાના પડધરી તાલુકાના મેટોડા ગામમાં રહેતા રાજકોટ નરશીભાઇ વેકરીયાને પોતાના અંગત ઉપયોગ માટે નાણાની જરૂરત પડતા માધવ ફાઇનાન્સના માલીક સંજય હંસરાજભાઇ ગોહીલ પાસેથી રૂ. ૪,૧૦,૦૦૦ લોન મેળવી તે રકમ તથા ચડત હપ્તાની રકમ રૂ.ર,૭૦,૦૦૦ મળી કુલ રૂ.૬,૮૦,૦૦૦ પરત કરવા આપેલ ચેક રીટર્ન થતા રાજેશ વેકરીયા વિરૂદ્ધ અદાલતમાં ફરીયાદ દાખલ થતા આરોપીને અદાલતમાં હાજર થવા સમન્સ ઇસ્યુ કરતો હુકમ ફરમાવેલ છે.

આ કેસની હકીકત જોઇએ તો, રાજકોટ શહેરમાં માધવ ફાઇનાન્સના નામે ધીરધારનો ધંધો કરતા સંજય હંસરાજભાઇ ગોહીલ પાસેથી રાજકોટ જીલ્લાના પડધરી તાલુકાના મેટોડા ગામમાં રહેતા આરોપીને પોતાના અંગત ઉપયોગ માટે નાણાની જરૂરીયાત ઉભી થતા ફરીયાદી ફાઇનાન્સ કંપનીમાંથી રૂ.૪,૧૦,૦૦૦ મેળવી પ્રોમીસરી નોટ લખી આપી ધીરધારના ફોર્મમાં સહી કરી આપી લીધેલ નાણાનું રી-પેમેન્ટ કરવા તેમજ ચડત થયેલ હપ્તાની રકમ રૂ.ર,૭૦,૦૦૦ મળી કુલ રકમ રૂ.૬,૮૦,૦૦૦ ચુકવવા ચેક ઇસ્યુ કરી આપી આપેલ ચેક રીટર્ન થશે નહી અને ચેક માંહેનું ફરીયાદી ફાઇનાન્સ કંપનીનું લેણું વસુલાય જશે તેવા વચન, વિશ્વાસ અને ખાતરી આપી તેના આધારે રજુ કરેલ ચેક રીટર્ન થતા અનેતેની જાણ કરવા છતા યોગ્ય પ્રતિભાવ, પ્રત્યુતર આરોપી તરફથી ન મળતા આરોપીને ડીમાન્ડ નોટીસ પાઠવવા છતા ફરીયાદનું લેણું કે નોટીસનો રીપ્લાય ન આપતા પ્રથમથી જ ફરીયાદનું લેણું ડુબાડવાનો બદ આશય ધારણ કરી આરોપીએ ધી નેગોશીયેબલ ઇન્સ્ટ્રુ્રુમેન્ટ એકટ અન્વયે ગંભીર પ્રકારનો ગુનો કરેલ હોવાથી આરોપી વિરૂદ્ધ ચેક રીટર્ન સબંધે અદાલતમાં ફરીયાદ દાખલ કરી હતી.

રેકર્ડ પરની હકીકતોથી સ્પષ્ટ ફલિત થાય છે કે આરોપીએ ફરીયાદી પાસેથી પોતાના અંગત ઉપયોગ માટે લીધેલ રકમ પરત કરવા ચેક આપી, તે પાસ થવા ન દઇ આરોપીએ ધી નેગોશીએબલ ઇન્સ્ટ્રુમેન્ટ એકટ હેઠળ ગંભીર પ્રકારનો ગુનો આચરેલ છે, જે રજુઆતો ધ્યાને લઇ આરોપીને કેસમાં અદાલતમાં હાજર થવા સમન્સ ઇસ્યુ કરતો હુકમ ફરમાવવામાં આવેલ છે.

ઉપરોકત કામમાં ફરીયાદી માધવ ફાઇનાન્સના સંજય હંસરાજભાઇ ગોહીલ વતી રાજકોટના જાણીતા એડવોકેટ સુરેશ ફળદુ, ભુવનેશ શાહી, કુણાલ શાહી, ચેતન ચોવટીયા રોકાયેલ હતા.

(3:34 pm IST)
  • અક્ષય સૌથી વધારે કમાણીકરનાર બોલિવુડ સ્ટાર છે : દુનિયાભરમાં એક વર્ષમાં સૌથી વધારે કમાણી કરનારા : સ્ટારોની યાદી જારી કરાઇ : ભારતથી માત્ર અક્ષરકુમાર સલમાન, આમીર, શાહરૂખ પાછળ રહી ગયા access_time 3:59 pm IST

  • બીટકોઈન - ક્રિપ્ટો કરન્સીનો હું પ્રશંસક નથી : ડોનાલ્ડ ટ્રમ્પ : ડોનાલ્ડ ટ્રમ્પે જાહેર કર્યુ હતું કે જેની કિંમતો બહુ અસ્થિર છે અને જેનો પાયો નબળો છે તેવી બીટકોઈન અને તેના જેવી બીજી ક્રીપ્ટો કરન્સીનો હું પ્રશંસક નથી access_time 1:13 pm IST

  • કન્નોજનો હૃદયદ્રાવક કિસ્સો : અનાજ માટે ટળવળતા બાળકની દશા સહન નહી થતા માંએ બાળકનું ગળુ દબાવીને હત્યા કરી નાખી :ભુખથી ટળવળી રહેલા બાળકોની ચીસોથી ક્ષુબ્ધ થયેલી માતાએ આ અત્યાંતીક પગલું ભર્યું :પોસ્ટ મોર્ટમમાં બાળકની હત્યાની પૃષ્ટી access_time 1:03 am IST