Gujarati News

Gujarati News

News of Friday, 12th July 2019

જૂની કલેકટર કચેરીમાં લેડીઝ માટે ટોયલેટ સુવિધા જ નથીઃ પાણી માટે લોકો ભટકે છે !!

તાજેતરના દરોડા દરમિયાન ૨ થી ૩ વેન્ડરો કલેકટરની ઝપટે ચડી ગયા... : કલેકટરને ફરીયાદો મળતા જ તાકિદે આ સુવિધા ઉભી કરવા આદેશો

રાજકોટ, તા. ૧૧ :. તાજેતરમાં કલેકટરની સૂચનાથી પ્રાંત-મામલતદારો દ્વારા બહુમાળી અને અન્ય મામલતદાર કચેરીઓમાં જનસેવા કેન્દ્રો, સ્ટેમ્પ વેન્ડરોને ત્યાં ચેકીંગ કરાયુ હતું અને તેમાં ૨ થી ૩ વેન્ડરો ઝપટે ચડી ગયા હતા. લોકોને સરખા જવાબ મળી રહે તે જોવા પણ તાકિદ કરી હતી.

દરમિયાન જૂની કલેકટર કચેરીમાં લેડીઝ ટોયલેટ માટેની સુવિધાનો અભાવ હોવાની, જે છે તેમા જૂનો-પુરાણો ફર્નિચરનો ભંગાર હોવાની તથા દરેક મામલતદાર-પ્રાંત કચેરીમાં લોકો માટે પાણીની સુવિધા ન હોવાની ફરીયાદો કલેકટરને મળતા તેઓ ચોંકી ઉઠયા હતા.

અને તાબડતોબ દરેક પ્રાંત-મામલતદારોને આ સુવિધા ઉભી કરવા અને ૮ દિ'માં બધુ સરખુ કરી લેવા આદેશો કર્યા હતા.

(3:44 pm IST)
  • કર્ણાટકમાં રાજકીય સંકટ:કોંગ્રેસના કાકડાટ બાદ ભાજપમાં પણ ધમાસાણ :જેડીએસને મુખ્યમંત્રી પદ આપવા મામલે ભાજપમાં ડખ્ખો : કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદ ;કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર access_time 1:04 am IST

  • મરાઠા અનામત મામલે બોમ્બે હાઇકોર્ટના ચુકાદા વિરુદ્ધ અરજી પર સુપ્રીમકોર્ટમાં સુનાવણી ;ચીફ જસ્ટિઝ રંજન ગોગોઈના અદ્યક્ષતાવાળી પીઠ સુનાવણી હાથ ધરશે:એક એનજીઓ દ્વારા દાખલ અરજીમાં કહેવાયું છે કે સુપ્રીમ કોર્ટે અનામતને લઇને 50 ટકા મર્યાદા નક્કી કરી હતી :હાઇકોર્ટનો ચુકાદો સુપ્રીમકોર્ટ વિરુદ્ધ છે access_time 1:07 am IST

  • રાહુલ ગાંધી વિરૂદ્ઘ ૨૦ ફોજદારી કેસો: સંઘ અને ભાજપના કાર્યકરોએ કોંગ્રેસના સાંસદ અને કોંગ્રેસના પૂર્વ રાષ્ટ્રીય અધ્યક્ષ રાહુલ ગાંધી વિરૂદ્ઘ દેશના જુદા જુદા ભાગોમાં ૨૦ જેટલા ફોજદારી કેસો કર્યાનું કોંગ્રેસના નેતાઓએ કહ્યું છે access_time 1:14 pm IST