News of Thursday, 12th July 2018

સર્વપ્રથમ પ્લાસ્ટીકક ફ્રી ઝુ બનવાનું ગૌરવ રાજકોટના પ્રધ્યુમન પાર્ક ઝુને ફાળેઃ પ્લાસ્ટીકની વસ્તુ અંદર લઇ જશો તો ટિકીટબારી ઉપર જ ૧૦ રૂપિયા જમા કરાવવા પડશેઃ જે ઝુમાંથી પરત ફરતી વખતે પાછા મળશે

રાજકોટઃ રાજકોટના પ્રધ્યુમન પાર્ક ઝુને પ્લાસ્‍ટીકમુક્ત બનાવવા મહાનગરપાલિકા તંત્ર દ્વારા કામગીરી હાથ ધરાઇ છે અને પ્લાસ્ટીકની ચીજ-વસ્‍તુ ઝુમાં લઇ જનાર પાસેથી રૂપિયા ૧૦ ડિપોઝીટ પેટે લેવામાં આવશે.

રાજકોટ મહાનગરપાલિકા સંચાલિત પ્રધ્યુમન પાર્ક ઝૂ સંપુર્ણ રીતે નૈસ્રર્ગિક સ્થિતિમાં સ્થાપિત થયેલું છે. વનરાજી તથા નૈસર્ગિક જંગલ જેવી સ્થિતિમાં રચાયેલા આ પ્રદ્યુમન પાર્કને રાજકોટ મહાનગરપાલિકા દ્વારા પ્લાસ્ટીક મુકત જાહેર કરવામાં આવ્યુ છે. બીજા શબ્દોમાં કહીએ, તો સર્વપ્રથમ પ્લાસ્ટીક મુક્ત ઝૂ બનવાનું ગૌરવ પ્રધ્યુમન પાર્ક ઝુ ને પ્રાપ્ત થયું છે. ઉપરાંત પ્લાસ્ટિક મુક્ત ઝૂ ખરા અર્થમાં પ્લાસ્ટિક મુક્ત જ બની રહે તે માટે એક નવી સિસ્ટમ કાર્યરત્ત કરવાનું નક્કી કરવામાં આવી છે.

મ્યુનિસિપલ કમિશનર બંછાનિધિ પાનીએ જણાવ્યું કે, જો કોઈ કિસ્સામાં મુલાકાતીઓ પ્લાસ્ટિકની બોટલ કે અન્ય કોઈ પ્લાસ્ટિકની ચીજ-વસ્તુ લઈને ઝૂમાં પ્રવેશ કરશે તો તેની પાસેથી ટિકિટ બારી ઉપરથી પ્લાસ્ટિકની દરેક ચીજ દીઠ રૂ.૧૦/- વસૂલ કરવામાં આવશે અને જ્યારે આ મુલાકાતી ઝૂ માં ફરીને પરત જતા હોય ત્યારે પ્લાસ્ટિકની એ તમામ ચીજ વસ્તુ ટિકિટ બારી પર બતાવી પ્લાસ્ટિકની દરેક ચીજ વસ્તુ પર અગાઉ ચુકવાયેલા પોતાના દસ-દસ રૂપિયા પ્રત મેળવી શકશે. આ નવી વ્યવસ્થાનો આશય પ્રદ્યુમન પાર્ક ઝૂને ઝીરો પ્લાસ્ટિક બનાવી રાખવાનો છે અને તેમાં સૌ મુલાકાતી નાગરિકો સહયોગ આપે તેવો અનુરોધ છે.

પ્રધ્યુમન પાર્ક ઝુ ખાતે ટીકીટ બારીએથી ટીકીટ લઈને પ્રવેશતા સહેલાણીઓની પ્રવેશ દ્વારા પાસે ચકાસણી કરવામાં આવે છે અને કોઈપણ પ્રવાસી કોઈપણ પ્રકારનું પ્લાસ્ટીક પ્રધ્યુમન પાર્ક ઝુ માં ન લઈ જઈ શકે તેની ખાસ કાળજી રાખવામાં આવે છે. તદઉપરાંત પ્રધ્યુમન પાર્ક ઝુ માં આવેલ કેન્ટીન કે ફુડ કોર્ટમાં પણ પ્લાસ્ટીકના વપરાશ પર પ્રતિબંધ મુકવામાં આવ્યો છે. કેન્ટીન સંચાલક દ્વારા વેફર પણ કાગળની ડીસમાં આપવામાં આવે છે. રાજકોટ મહાનગરપાલિકા પ્રધ્યુમન પાર્ક ઝુ ખાતે પ્લાસ્ટિકની કોઈપણ વસ્તુનો ઉપયોગ ન થાય તે માટે પ્રતિબધ્ધ છે.

(5:49 pm IST)
  • સુરત કતારગામ વિસ્તારની ઘટના : સ્કૂલ વેનની સીએનજી ગાડીના પાઇપમાં આગ લાગતા 10 વિદ્યાર્થીનીઓ પગના ભાગે ગંભીર રીતે દાઝી :વિદ્યાર્થીનીઓને સારવાર માટે ખાનગી હોસ્પિટલમાં ખસેડાઇ access_time 10:03 pm IST

  • પ્લાસ્ટિક પર પ્રતિબંધ બાદ યુપીની યોગી સરકારનો મોટો નિર્ણય :સ્વચ્છ ભારત મિશન માટે પ્લાસ્ટિક,પોલીથીન સહિતના ઉપયોગ પર પ્રતિબંધ બાદ આગામી 15મી ઓગસ્ટથી થર્મોકોલ અને બે ઓક્ટોબરથી તમામ ડિસ્પોઝેબલ પોલીબેગ્સના ઉપયોગ ઉપર પ્રતિબંધ મુકાશે access_time 1:18 am IST

  • રાજકોટ પંથકના જસદણમાં 1.5 ઇંચ વરસાદ :ધોધમાર વરસાદ પડતા ગોઠણડૂબ પાણી ભરાયા:.જસદણની ભાદર નદીમાં ઘોડાપુર :નવા નીરને વધાવવા ટોળા ઉમટી પડ્યા access_time 11:24 pm IST