Gujarati News

Gujarati News

News of Thursday, 12th July 2018

માંડા ડુંગરની ગોળાઇમાં છકડો પલ્ટી જતાં આહિર યુવાનનું મોત

ભારતનગરના ભીમાભાઇ (ઉ.૩૪) પાણીનો ફેરો નાંખી પરત આવતા'તા ને કાળ ભેટ્યો

રાજકોટ તા. ૧૨: આજીડેમ ચોકડીથી આગળ માંડા ડુંગર પાસે પાણીની છકડો રિક્ષા પલ્ટી ખાઇ જતાં ચાલક ભારતનગરના ભરવાડ યુવાનનું મોત નિપજ્યું છે.

જાણવા મળ્યા મુજબ આજીડેમ ચોકડી નજીક ભારતનગર મફતીયાપરામાં રહેતો અને છકડો રિક્ષામાં પાણીના ફેરા કરી ગુજરાન ચલાવતો ભીમાભાઇ ભીખાભાઇ ઘોસીયા (ઉ.૩૪) નામનો આહિર યુવાન  સવારે પાણીનો ફેરો કરી રિક્ષા લઇ પરત આવી રહ્યો હતો ત્યારે માંડા ડુંગરની ગોળાઇમાં રિક્ષા પલ્ટી ખાઇ જતાં ગંભીર ઇજા થતાં સારવાર માટે સિવિલ હોસ્પિટલમાં ખસેડાયો હતો. પરંતુ અહિ તેનું મોત નિપજ્યાનું તબિબે જાહેર કરતાં હોસ્પિટલ ચોકીના હરેશભાઇ રત્નોતરે આજીડેમ પોલીસને જાણ કરી હતી.

મૃત્યુ પામનાર યુવાન ત્રણ ભાઇમાં મોટો હતો. સંતાનમાં એક પુત્ર અને એક પુત્રી છે, જેણે પિતાની છત્રછાંયા ગુમાવતાં પરિવારમાં ગમગીની છવાઇ ગઇ છે. (૧૪.૧૧)

(4:22 pm IST)
  • સુરત કતારગામ વિસ્તારની ઘટના : સ્કૂલ વેનની સીએનજી ગાડીના પાઇપમાં આગ લાગતા 10 વિદ્યાર્થીનીઓ પગના ભાગે ગંભીર રીતે દાઝી :વિદ્યાર્થીનીઓને સારવાર માટે ખાનગી હોસ્પિટલમાં ખસેડાઇ access_time 10:03 pm IST

  • ડાંગમાં ભારે વરસાદથી અંબિકા નદીમાં પાણી આવતા ગીરા ધોધનો અદભુત વૈભવ છલક્યો: ડાંગમાં વરસાદને લઈને અંબિકા નદીમાં પાણી આવતા ગીરાધોધ પર ફરી અદભૂત નજારો જોવા મળી રહ્યો છે. છેલ્લા 24 કલાકમાં સાપુતારામાં 114 મિમી, વઘઈમાં 203 મિમી વરસાદ વરસ્યો છે. જ્યારે આહવામાં 95 મિમી અને સુબીરમાં 43 મિમી વરસાદ વરસ્યો છે. access_time 1:08 pm IST

  • દ્વારકાના સમુદ્રમાં શંકાસ્પદ જહાજ નજરે પડ્યુ : ભડકેશ્વર મંદિરથી ૪ માઈલ દૂર સમુદ્રમાં શંકાસ્પદ જહાજ દેખાયાની સ્થાનિકોમાં ચર્ચા : તંત્ર અને સુરક્ષા એજન્સીઓ અજાણ : ટીવી અહેવાલ access_time 6:35 pm IST