Gujarati News

Gujarati News

News of Thursday, 12th July 2018

વોર્ડ નં.૧૧માં ૨પ કરોડના ખર્ચે પીવાના પાણી-વરસાદી પાણી નિકાલની લાઇન નંખાશે

આ વિસ્તારમાં ડી.આઇ.પાઇપ લાઇન અને સ્ટોર્મ વોટર ડ્રેઇન નેટવર્કની કામગીરીનો સપ્ટેમ્બરમાં પ્રારંભ થશેઃ બીનાબેન આચાર્ય- બંછાનિધ પાનીની જાહેરાત

રાજકોટ, તા.૧૨: શહેરના વોર્ડ નં.૧૧માં વિવિધ વિસ્તારોમાં આગામી સપ્ટેમ્બર માસમાં ૨પ કરોડના ખર્ચે પીવાના પાણીની ડી.આઇ પાઇપ લાઇન અને સ્ટોર્મ વોટર ડ્રેઇન નેટવર્કની કામગીરીનો પ્રારંભ કરવામાં આવનાર હોવાનું બીનાબેન આર્ચાય તથા બંછાનિધી પાનીએ જણાવ્યુ હોય આ અંગે તંત્રની સતાવાર યાદીમાં જણાવ્યા મુજબ મહાનગરપાલિકા દ્વારા વોર્ડ નં. ૧૧ માં ટી.પી. સ્કીમ નં. ૨૬, ૨૭ અને ૨૮ (મવડી) એરિયામાં ૧૦૦ એમ.એમ. થી ૭૦૦ એમ.એમ. ડાયા મીટર વોટર-વર્કસ ડી.આઈ.પાઈપ લાઈન દ્વારા પાણી વિતરણ વ્યવસ્થાનું નેટવર્ક હાઉસ કનેકશન સાથે તૈયાર કરવાનું કામ ચાલુ કરવામાં આવનાર છે. આ કામ 'અમૃત યોજના' અંતર્ગત આવરી લેવામાં આવશે. આ કામનો અંદાજીત ખર્ચ રૂ. ૧૫,૫૩,૦૮,૨૦૦/- થશે અને આ કામ અંદાજીત સપ્ટેમ્બર-૨૦૧૮ માં ચાલુ કરવામાં આવશે, અને અંદાજીત ૧૮ માસમાં કામ પૂર્ણ થશે. આ પાઈપ લાઈન નેટવર્ક ૧૦૦ એમ.એમ. થી ૭૦૦ એમ.એમ. ડાયા ડી.આઈ.(ડકટાઈલ આયર્ન) પાઈપ લાઈન કુલ ૫૯,૭૦૬ રનીંગ મીટર નાખવામાં આવશે તેમજ એમ.ડી.પી.ઇ. હાઉસ કનેકશન અંદાજીત ૫૦૦૦ કનેકશન કરવામાં આવશે, તેમ માન. મેયર  બિનાબેન આચાર્ય અને મ્યુનિ. કમિશનર બંછાનિધિ પાનીએ જણાવ્યું હતું.

તેમણે વધુમાં જણાવ્યું હતું કે, વોર્ડ નં. ૧૧ માં ટી.પી. સ્કીમ નં. ૨૬ અને ૨૭ (મવડી) સ્ટોર્મ વોટર ડ્રેઈન નેટવર્કની લંબાઈ ૭.૯૦ કી.મી. (૧૮.૦૦ મી. ટી.પી. રોડ પર ૩.૯૩ કી.મી. તથા ૨૪.૦૦ મી. ટી.પી. રોડ પર ૩.૯૭ કી.મી.) ની આર.સી.સી. બોકસ ગટર વરસાદી પાણીના નિકાલ માટે બનાવવામાં આવશે. આ ગટર બોકસની સાઈઝ ૧.૨૫ મી.  ૦.૭૫ મી. થી ૨.૦૦ મી. ૧.૫૦ મી.ની રહેશે અને બોકસ ગટર આર.સી.સી. સ્લેબથી કવર્ડ કરવામાં આવશે તથા સફાઈ માટે મેનહોલની વ્યવસ્થા કરવામાં આવેલ છે.    

આ પાણી વિતરણ વ્યવસ્થા નેટવર્ક દ્વારા ટી.પી. સ્કીમ નં. ૨૬, ૨૭ અને ૨૮ (મવડી) એરિયાના હાલ કુલ અંદાજીત ૨૦,૦૦૦ નાગરિકોને આવરી લેવામાં આવેલ છે.

કયાં કયાં વિસ્તારોને લાભ

આ પાઈપ લાઈન નેટવર્ક અને સ્ટોર્મ વોટર ડ્રેઈન નેટવર્ક તૈયાર થયે કેવલમ ટેનામેન્ટ, કોપર એલીગંસ, ઇસ્કોન હાઈટ્સ, સંકેત હાઈટ્સ, સાનિધ્ય એવન્યુ, અમિ રેસીડેન્સી, શાલીભદ્ર એપાર્ટમેન્ટ, ચોકલેટ રેસી., ચોકલેટ એવન્યુ, ડ્રીમ સીટી એપાર્ટમેન્ટ, આશોપાલવ સંકુલ, આશોપાલવ કોર્નર, ગોલ હાઈટ્સ, શ્યામલ સ્કાય લાઈફ, ધ કોર્ટ યાર્ડ, આદર્શ ડ્રીમ સીટી ફ્લેટ, ડ્રીમ એવન્યુ એપાર્ટમેન્ટ, જીવરાજ પાર્ક ટેનામેન્ટ, જીવરાજનગરી ફ્લેટ્સ, કોપરસેન્ડ એપાર્ટમેન્ટ, વસંતવાટિકા એપાર્ટમેન્ટ, શ્રીવલ્લભ એપાર્ટમેન્ટ (૧), (૨) તથા (૩), ન્યુ લક્ષ્મી સોસાયટી, અરિહંત ફ્લેટ્સ, શાંતિવન બંગ્લોસ, શાંતિવન પરમ ફ્લેટ્સ, કસ્તુરી રેસી., કસ્તુરી એવીયરી ફ્લેટ્સ, કસ્તુર કેસલ ફ્લેટ્સ, સહજાનંદ પાર્ક, આર્યલેન્ડ રેસી., શાંતિવન પરિશર, શ્રીજી પેલેસ એપાર્ટમેન્ટ (૧) તથા (૨), આર્યશ્રી રેસી., આર્યશ્રી ફ્લેટ્સ, શ્યામલ કુંજ એપાર્ટમેન્ટ, આર.એમ.સી. આવાસ યોજના, ભારતનગર આવાસ યોજના કુલ-૨, આંબેડકરનગર, કોસ્મોપ્લેકસ એપાર્ટમેન્ટ, ફ્રેન્ડ્સ હાઈટ્સ, ધ લીક એપાર્ટમેન્ટ તથા અંબિકા ટાઉનશીપ અંદરના તમામ વિસ્તારોને લાભ પ્રાપ્ત થશે. (૨૩.૧૨)

(4:15 pm IST)
  • રાજકોટના શાપર વેરાવળમાં વધુ વરસાદને કારણે પાળ ગામની નદીમાં ઘોડાપુર:PGVCL ના અનેક થાંભલાઓ ધ્વસ્ત : મવડી ગામના લોકો નદીના ઘોડાપુરને જોવા ઉમટ્યા access_time 11:23 pm IST

  • જૂનાગઢમાં ધોધમાર વરસાદ : જોષીપુરા વિસ્તારનો રસ્તો બંધ access_time 6:34 pm IST

  • નૌસેના વોર રૂમ લીકકાંડ મામલે નિવૃત કેપ્ટ્ન સલામસિંહ રાઠોડને સાત વર્ષની સખ્ત કેદની સજા ફટકારતી દિલ્હીની અદાલત :અદાલતે કહ્યું કે રાઠોડ કોઈપણ પ્રકારની નરમીને હક્કદાર નથી કારણ કે તેણે રાષ્ટ્રીય સુરક્ષા વિરુદ્ધ ગુન્હો કર્યો છે access_time 1:18 am IST