Gujarati News

Gujarati News

News of Thursday, 12th July 2018

આગ્રાથી ગેરકાયદે ગન-કાર્ટીસ લઇ રાજકોટ નોકરી શોધવા આવ્યો, પણ મળી ગઇ પોલીસ

એસઓજીએ જગબીરસિંગ ઠાકુરને બાર બોરની ગન અને છ જીવતા કાર્ટીસ સાથે ગોંડલ રોડ પરથી પકડી લીધોઃ સિકયુરીટીની નોકરી માટે આવ્યો'તો

રાજકોટ તા. ૧૨: મુળ આગ્રાના ફતેહાબાદ તાલુકાના વાજીદપુર ગામનો વતની અને હાલ પેલેસ રોડ પર સ્વામિનારાયણ મંદિર નજીક રૂમ રાખીને રહેતો જગબીરસિંગ પંચમસિંગ ઠાકુર (ઉ.૪૮) સિકયુરીટી ગાર્ડની નોકરી માટે ગેરકાયદે ૧૨ બોરની ગન અને છ કાર્ટિસ સાથે રાજકોટ આવ્યો હોવાની અને તે ગોંડલ રોડ બોમ્બે પેટ્રોલ પંપ નજીક ઉભો હોવાની બાતમી એસઓજીના કોન્સ. ગિરીરાજસિંહ ઝાલા, ગિરીરાજસિંહ જાડેજા અને જીતુભા ઝાલાને મળતાં પી.આઇ. એસ. એન. ગડુની રાહબરી હેઠળ પીએસઆઇ એચ. એમ. રાણા, ઓ. પી. સિસોદીયા, હેડકોન્સ. આર. કે. જાડેજા, મનરૂપગીરી ગોસ્વામી, ધર્મેન્દ્રસિંહ ઝાલા, કોન્સ. વિજુભા ઝાલા, અનિલસિંગ ગોહિલ, બ્રિજરાજસિંહ ઝાલા, નિર્મળસિંહ ઝાલા, મેહુલભાઇ ગઢવી, મોહિતસિંહ જાડેજા, ક્રિપાલસિંહ ચુડાસમા, કૃષ્ણદેવસિંહ ઝાલા, ધર્મેન્દ્રસિંહ પરમાર, રણછોડભાઇ આલ સહિતે પકડી લીધો હતો. આ શખ્સ પાસેથી ૨૫ હજારની ગન અને રૂ. ૬૦૦ના કાર્ટીસ કબ્જે કરાયા છે. તસ્વીરમાં પી.આઇ. એસ. અને. ગડુ અને પીએસઆઇ રાણા તથા સિસોદીયા તેમજ ટીમ એસઓજી અને ઇન્સેટમાં પકડાયેલો શખ્સ જગબીરસિંગ જોઇ શકાય છે. (૧૪.૫)

(2:46 pm IST)
  • FIFA વર્લ્ડકપ ફાઇનલમાં પહોંચતું ક્રોએશિયા : ઇંગ્લેન્ડને 2-1 થી પરાસ્ત કર્યું : એક્સ્ટ્રા ટાઈમમાં વધુ 1 ગોલ કરીને ક્રોએશિયાએ જબબર જીત મેળવી : ઇંગ્લેન્ડના કરોડો ફૂટબોલ રસિકોમાં છવાયો માતમ : ક્રોએશિયાનાં ફેન્સમાં છવાયો દિવાળી જેવો આનંદનો માહોલ : ફ્રાન્સ સામે ફાઇનલ મેચમાં ટકરાશે ક્રોએશિયા access_time 2:19 am IST

  • ગુજરાતમાં વરસાદી તાંડવ થયુ : ૮ ગામમાં વિજળી ગૂલ : ૧૯૭ હાઈવે બંધ access_time 6:34 pm IST

  • વરસાદથી માનવ મૃત્યુઆંક ૧૯ ઉપર પહોંચ્યો : ૮૪ પશુઓના મોત : રાજય સરકારે આંકડા જાહેર કર્યા access_time 6:34 pm IST