Gujarati News

Gujarati News

News of Thursday, 12th July 2018

વડગાળની શંકાએ ગોપાલ પાર્કની મંજુલા કાલરીયાએ એસિડ પી લીધું

ઓરિસ્સા ખાતે માવતર ધરાવતી યુવતિના કડવા પટેલ યુવાન સાથે દોઢ વર્ષ પહેલા લગ્ન થયા છે

રાજકોટ તા. ૧૨: ગુરૂપ્રસાદ ચોક પાસે અંકુરનગર મેઇન રોડ પર ગોપાલ પાર્ક-૨માં રહેતી મંજુલા નિમેષ કાલરીયા (ઉ.૨૬) નામની કડવા પટેલ પરિણીતાએ એસિડ પી આપઘાતનો પ્રયાસ કરતાં સિવિલ હોસ્પિટલમાં ખસેડાઇ છે.

મંજુલાના લગ્ન દોઢ વર્ષ પહેલા થયા છે. તેના માવતર ઓરિસ્સા રહે છે. પતિ નિમેષ પાનના ગલ્લામાં નોકરી કરે છે. તેના કહેવા મુજબ મંજુલાને વડગાળ જેવું હોઇ જામકંડોરણા સહિતના બે ત્રણ સ્થળોએ જોવડાવવા ગયા હતાં. કંટાળીને તેણીએ આ પગલું ભર્યુ હતું. હોસ્પિટલ ચોકીના થોભણભાઇ ટીલારાએ માલવીયાનગર પોલીસને જાણ કરી હતી.

નવાગામનો યોગેશ કોળી ઝેર પી ગયો

નવાગામમાં રહેતો અને ટ્રાન્સપોર્ટમાં મજૂરી કરતો યોગેશ નરસીભાઇ અજાગીયા (કોળી) (ઉ.૨૪) સાંજે સંત કબીર રોડના બગીચામાં ઝેર પી જતાં સિવિલમાં ખસેડાયો હતો.

કૈલાસનગરના જયેશભાઇએ ફિનાઇલ પી લીધી

નાના મવા રોડ પર કૈલાસનગરમાં રહેતાં જયેશભાઇ દેવજીભાઇ રત્નોતર (ઉ.૪૨)એ રાત્રે ફિનાઇલ પી લેતાં સિવિલ હોસ્પિટલમાં દાખલ કરાયા હતાં. હોસ્પિટલ ચોકીના થોભણભાઇએ માલવીયાનગરમાં જાણ કરી હતી.

(12:45 pm IST)
  • પ્લાસ્ટિક પર પ્રતિબંધ બાદ યુપીની યોગી સરકારનો મોટો નિર્ણય :સ્વચ્છ ભારત મિશન માટે પ્લાસ્ટિક,પોલીથીન સહિતના ઉપયોગ પર પ્રતિબંધ બાદ આગામી 15મી ઓગસ્ટથી થર્મોકોલ અને બે ઓક્ટોબરથી તમામ ડિસ્પોઝેબલ પોલીબેગ્સના ઉપયોગ ઉપર પ્રતિબંધ મુકાશે access_time 1:18 am IST

  • રાજકોટના શાપર વેરાવળમાં વધુ વરસાદને કારણે પાળ ગામની નદીમાં ઘોડાપુર:PGVCL ના અનેક થાંભલાઓ ધ્વસ્ત : મવડી ગામના લોકો નદીના ઘોડાપુરને જોવા ઉમટ્યા access_time 11:23 pm IST

  • રાજકોટના શાપર -વેરાવળમાં ભારે વરસાદને કારણે 150 લોકો પાણીમાં ફસાયા ;તંત્રએ તમામને સહી સલામત સ્થળે ખસેડાયા :વહીવટી તંત્રએ તમામ માટે ભોજન વ્યવસ્થા કરી access_time 11:26 pm IST