Gujarati News

Gujarati News

News of Thursday, 12th July 2018

નર્મદાનીર વધુ આપોઃ કોર્પોરેશન સરકારને પત્ર પાઠવશે

શહેરમાં પાણીની સ્થિતીની સમીક્ષા કરતા મ્યુનિ. કમિશ્નરઃ અધિકારીઓ સાથે સવાર-સાંજ મીટીંગ યોજાઇ

રાજકોટ તા. ૧૧: ચોમાસાના પ્રારંભને ૧ મહિનો થયા બાદ શહેરમાં માત્ર ૩ થી ૫ ઇંચ વરસાદ વરસતા શહેરને પુરૃં પાડતા જળાશયો ખાલીખમ્મ થવાની ભીતી દર્શાતા તંત્ર માટે ચિંતાનો વિષય શરૂ થયો છે અને મ્યુનિ. કમિશ્નરની અધ્યક્ષતામાં મીટીંગ કરી શહેરમાં પાણી વિતરણની સમીક્ષા કરવામાં આવી રહી છે અને રાજકોટને નર્મદાનીર વધુ મેળવા સરકારમાં પત્ર પાઠવામાં આવશે.

આ અંગેની પ્રાપ્ત માહિતી મુજબ ચોમાસુ શરૂ થયાના એક મહિના બાદ શહેરમાં સીઝનનો ૩ થી ૫ ઇંચ વરસાદ વરસ્યો છે. શહેરમાં પીવાના પાણીનો આધાર નર્મદા પર રહ્યો છે. શહેરના જળાશયોની સ્થિતિ તરફ એક નજર કરીએ તો આજીમાં ૧૫.૩૦ ફુટ, ન્યારીમાં ૪.૩૦ ફુટ તથા ભાદરમાં ૧૧.૯૦ ફુટ પાણી છે. જો વરસાદ ખેંચાય તો જળાશયોમાંથી વધુ પાણીનો ઉપાડ કરવામાં આવે અને ડેમો ખાલીખમ્મ થઇ જાય ત્યારે તંત્ર દ્વારા નર્મદાની સૌની યોજનાનો સહારો એ જ એક વિકલ્પ છે.

શહેરમાં પાણીની સમસ્યા હલ કરવા નર્મદા નીર એક જ વિકલ્પ છે ત્યારે રાજકોટ મ્યુનિ. કોર્પોરેશન દ્વારા સરકાર માં પત્ર પાઠવી વધુ નર્મદાનીર આપવા માંગ કરવામાં આવનાર હોવાનું સુત્રો માંથી જાણવા મળ્યુ છે.

આગામી સમયમાં શહેરની પાણી વિતરણ વ્યવસ્થા પર કોઇ અસર ન પડે તે માટે મ્યુનિ.કમિશ્નરની અધ્યક્ષતામાં દરરોજ મીટીંગ યોજી અધિકારીઓ સાથે પાણી અંગેની સમિક્ષ કરવામાં આવી રહી છે.(૨૮.૮)

શહેરનો પાણી પુરૂ પાડતા જળાશયોની સ્થિતિ

ડેમ       હાલની સપાટી  કુલ સપાટી

આજી        ૧૫.૩૦         ૨૯

ન્યારી        ૪.૩૦          ૨૫

ભાદર        ૧૧.૯૦         ૩૪

 

(3:52 pm IST)
  • અમરેલી-ધારીના ખાડીયા વિસ્તારમાં ઇલેક્ટ્રિક શોકથી 2 બળદના મોત: વાડીએથી બળદગાડું લઈને આવતા ખેડૂતનો આબાદ બચાવ :બન્ને બળદના મોત થતા પી.જી.વી.સી.એલ.તંત્ર થયું દોડતું access_time 10:02 pm IST

  • ઉપરવાસમાં ધમધોકાર વર્ષા થતા, રાત્રે ૯ વાગ્યાથી રાજકોટની આજી નદીમાં આવ્યું ઘોડાપુર : વહી રહી છે બે કાઠે : નદીમાં પાણીનો ઘુઘવાટ જોવા લોકોના ટોળા ભેગા થયા : જુવો આજી નદીનો જલ્વો access_time 12:25 am IST

  • જુનાગઢમાં ઘણા લાંબા સમય રાહ જોવડાયા બાદ ભારે વરસાદનુ આગમન : શહેરમાં લાઇટ જવાના પ્રશ્નોને પગલે પી.જી.વી.સી.એલના કમૅચારીઓ ભારે વરસાદ વચ્ચે કાર્યરત : ચાલુ વરસાદે પી. જી. વી. સી.એલના કર્મચારીઓ જીવ જોખમમાં મુકી કામ કરતા નજરે પડે છે.'અકિલા 'ના વાચક વાઢીયા મિતલકુમારએ મોકલેલ જુઓ વિડીયો access_time 11:20 pm IST