Gujarati News

Gujarati News

News of Thursday, 12th July 2018

કલેકટર તંત્રની ગાડી ફુલ સ્પીડમાં : બીનખેતીમાં ધડાધડ ૧૫ હજારની ડેટા એન્ટ્રી : ૫૧૦૦ 'તુમાર'ની પણ નોંધ પડાઇ

પેન્ડીંગ ફાઇલોની ગણત્રી પૂરી : ટુંકમાં ટારગેટ અપાશે : સાંજે રેવન્યુ સચિવની કલેકટર સાથે વીસી

રાજકોટ તા. ૧૨ : આગામી ટુંક સમયમાં રાજ્ય સરકાર બીનખેતીમાં મોટાપાયે સુધારા લાવી રહ્યું છે, આ માટે રાજકોટ સહિત રાજ્યભરના કલેકટરોને ડેટા બેઇઝ એન્ટ્રી પાડવા સુચના અપાઇ છે.

આ સૂચના બાદ રાજકોટ કલેકટરશ્રી રાહુલ ગુપ્તાએ તમામ મામલતદારો - ડે.કલેકટરોને પોતાની ગાડી સ્પીડમાં દોડાવવા આદેશો કર્યા હતા અને આ આદેશ અન્વયે માત્ર ૧૦ દિ'માં જ બીનખેતી અને તે લગતી ફાઇલોની ૧૫ હજાર જેટલી ડેટા એન્ટ્રી કરી લેવાયાનું એડી. કલેકટર શ્રી હર્ષદ વોરાએ 'અકિલા' સાથેની વાતચીતમાં જણાવ્યું હતું. તેમણે ઉમેર્યું હતું કે, સરકારે જે સમયમર્યાદામાં કામ પુરૃં કરવાનું કહ્યું છે તે પહેલા પુરૃં કરી લેવાશે.

શ્રી વોરાએ ઉમેર્યું હતું કે, તુમારમાં પણ ૫૧૦૦ ઉપર ડેટા એન્ટ્રી ક્રોસ કરી લેવાઇ છે, ઝડપી અને સારી કામગીરી થઇ રહી છે. જ્યારે પેન્ડીંગ ફાઇલોની ગણત્રી પૂરી કરી લેવાઇ છે, અને તે કલીયર કરવા અંગે સંબંધીત અધિકારીઓને ટુંકમાં ટારગેટ અપાશે.

શ્રી વોરાએ ઉમેર્યું હતું કે, આજે સાંજે ૪ વાગ્યે રાજ્યના રેવન્યુ સચિવની તમામ કલેકટરો સાથે વીસી યોજાઇ છે, જેમાં પણ તુમાર અને બીનખેતી ડેટાબેઇઝ કામગીરી અંગેની સમીક્ષા કરાશે.(૨૧.૨૧)

(4:12 pm IST)
  • ૨૦મીએ નરેન્દ્રભાઇ જુનાગઢમાં જાહેરસભા સંબોધશે : કૃષિ યુનિવર્સિટીમાં સિવિલ હોસ્પિટલની મેડિકલ કોલેજ સ્થિત નવા બિલ્ડીંગનું લોકાર્પણ : કોર્પોરેશનના ૩૯ કરોડના વિકાસકાર્યોનું ખાતમુહુર્ત - લોકાર્પણ access_time 12:30 pm IST

  • અમરેલી-ધારીના ખાડીયા વિસ્તારમાં ઇલેક્ટ્રિક શોકથી 2 બળદના મોત: વાડીએથી બળદગાડું લઈને આવતા ખેડૂતનો આબાદ બચાવ :બન્ને બળદના મોત થતા પી.જી.વી.સી.એલ.તંત્ર થયું દોડતું access_time 10:02 pm IST

  • રાજકોટ:ગોંડલ તાલુકાના પાટીયાળી ગામ નજીક આવેલ મોતીસર ડેમ ઓવરફલો: પાટીયાળીથી રાજકોટ જતાં માર્ગ ઉપર નાલાનું ધોવાણ: ગોંડલના હડમતાળા ગામે ભારે વરસાદને કારણે ચેકડેમો તૂટ્યાં:ગોંડલના રાણસીકી ગામની કમોતડી નદીમાં પુર સાથે બે કાંઠે access_time 11:23 pm IST