Gujarati News

Gujarati News

News of Wednesday, 12th May 2021

દોઢસો ફુટ રોડ નવા બીલ્ડીંગના સાતમાં માળેથી પટકાતા વિલાસીનીબેનનું મોત

પાણી ભરવા જતી વખતે પગ લપસતા લીફટની ખુલ્લી જગ્યામાંથી નીચે પટકાઇ

રાજકોટ તા. ૧ર :.. દોઢ સોફુટ રોડ પર શીતલ પાર્ક પાસે નવા બનતા બીલ્ડીંગના સાતમા માળેથી પટકાતા ઓરીસ્સાની મહિલાનું મોત નિપજતા અરેરાટી વ્યાપી ગઇ છે.

મળતી વિગત મુજબ દોઢસો ફુટ રોડ શીતલ પાર્ક પાસે નવા બનતા આર. કે. ઇન્ડીયન્સ નામના બીલ્ડીંગની ઓરડીમાં રહેતા ઓરીસ્સાના વિલાસીની વિષ્ણુભાઇ ક્ષત્રીય (ઉ.ર૬) બપોરે બીલ્ડીંગના સાતમા માળે પતિ સાથે પ્લાસ્ટરનું કામ કરતી હતી ત્યારે પાણી ભરવા માટે જતા પગ લપસતા લીફટની ખુલ્લી જગ્યામાંથી પટકાતા પતિ જોઇ જતા દેકારો મચાવતા ગ્રાઉન્ડ ફલોરમાં કામ કરતા અન્ય મજુરો દોડી આવ્યા હતા અને મહિલાને માથા તથા શરીરે ગંભીર ઇજા થઇ હોઇ કોઇએ જાણ કરતા ૧૦૮ ની ટીમે સ્થળ પર પહોંચી ઇએમટી ભાવનાબેન ડોડીયાએ તપાસ કરતા મહિલાનું મૃત્યુ નિપજયું હોવાનું જણાતા પોલીસને જાણ કરવામાં આવી હતી.

જાણ થતા યુનિવર્સિટી પોલીસ મથકના હેડકોન્સ સાજીદભાઇ તથા અનુજભાઇ ડાંગરે તપાસ હાથ ધરી હતી મૃતકને સંતાનમાં એક પુત્રી છે મહિલાના મોતથી પરિવારમાં શોક વ્યાપી ગયો છે.

(3:58 pm IST)
  • મહારાષ્ટ્ર - દિલ્હીમાં રસીની અછતઃ સેન્ટરોને લાગ્યા તાળા : મહારાષ્ટ્રબાદ હવે દિલ્હીએ પણ ભારત બાયોટેકની બનાવેલી 'કોવેકસીન'ની અછતનો દાવો કર્યો છે દિલ્હીના ઉપપ્રમુખ મંત્રી મનીષ સીસોદીયાએ કહયું કે પાટનગરમાં કોવેકસીનનો સ્ટોક પૂર્ણ થઇ ગયો છે. તેથી સેન્ટરને બંધ કરવા પડયા છે. તેઓએ કહયું કે ભારત બાયોટેકે જવાબ આપ્યો છે કે કેન્દ્રના આદેશોથી વિરૂધ્ધ જઇને વેકસીન ઉપલબ્ધ કરાવી શકાય નહી જો કે ભારત બાયોટેકે તે રાજયોની યાદી જાહેર કરી હતી. જેને તેઓએ કેન્દ્રના હસ્તક્ષેપ વગર સીધા વેકસીન સપ્લાય કરી રહ્યું છે. તેમાં દિલ્હીનું નામ પણ સામેલ છે. access_time 3:45 pm IST

  • સંકટ સમયે અમેરિકા ભારત માટે મસીહા બન્યું : અત્યાર સુધીમાં કુલ 50 કરોડ ડોલરની સહાય સામગ્રી ભારતને મોકલાવી access_time 9:41 pm IST

  • ફાર્મ હાઉસમાં દારૂની મહેફીલ ચાલતી હતી, ૯ નબીરા સહિત ૪ કોલગર્લ ઝડપાઇ : કોરોના કાળમાં આણંદમાં એક ખાનગી ફાર્મ હાઉસમાં મોડીરાતે દારૂની મહેફીલ માણતા ૯ નબીરા ઝડપાયા હોવાનું ટીવી અહેવાલો જણાવે છે. આ દરોડામાં ૪ કોલગર્લ પણ ઝડપાઇ હતી. access_time 3:00 pm IST