Gujarati News

Gujarati News

News of Tuesday, 12th February 2019

કાલરીયા પરિવારે લગ્નના અવસરે રાષ્ટ્રભકિતના દર્શન કરાવ્યા

વરરાજા ડો. રિધમકુમારના હસ્તે રાષ્ટ્રધ્વજને સલામી : કન્યા ડો. કૃપાના ગુરૂજનોનું શાલ ઓઢાડી સન્માન

રાજકોટ : તાજેતરમાં રાજકોટ અર્બન ડેવલપમેન્ટ ઓથોરીટી (રૂડા) કચેરીના ડાયરેકટર શ્રી ધીરેન્દ્રભાઇ ગોરધનભાઇ કાલરીયા તથા શ્રીમતી સરોજબેન કાલરીયાની સુપુત્રી ચિ. ડો. કૃપા (એમ.ડી.) ના શુભલગ્ન શ્રી ધીરજભાઇ ભાડજા અને શ્રીમતી હંસાબેનના સુપુત્ર ચિ. ડો. રીધમકુમાર (ડે.એકાન્ટન્ટ જનરલ, નાગપુર) સાથે સ્પીડવેલ પાર્ટી પ્લોટ ખાતે નિરધારવામાં આવ્યા હતા. રાષ્ટ્રવાદના રંગે રંગાયેલ ધીરેન્દ્રભાઇ કાલરીયા અને કોર્પોરેટર મનસુખભાઇ કાલરીયાએ આ પારીવારીક પ્રસંગને રાષ્ટ્રભકિતના રંગે રંગવા નિર્ણય લીધો અને જાનના સામૈયા થયા બાદ મ્યુઝીકલ ઓરકેસ્ટ્રા પર દેશભકિતના ગીતોના સુર છેડવા આદેશ થયો. વરરાજાના હસ્તે રાષ્ટ્ર ધ્વજ ફરકાવી જન મન ગણના ગાન સાથે સૌએ સાવધાનની પોઝીશનમાં આવી સલામી આપી હતી. બાદમાં લગ્ન વિધી આરંભવામાં આવી હતી. એટલુ જ નહીં વધુ એક પ્રેરણાદાયી કદમરૂપે કન્યા ડો. કૃપાએ જેમની પાસેથી ગુરૂજ્ઞાન મેળવ્યુ હતુ તેવા ગુરૂજન શિક્ષકો વારીયા દંપતી (રોઝરી સ્કુલ), દિલીપભાઇ સિંહર દંપતી (સિંહાર સ્કુલ), ભરતભાઇ પાનેલીયા, કેતનભાઇ પાનેલીયા (એસ.ઓ.એસ. સ્કુલ) નું શાલ ઓઢાડી સન્માન કરવામાં આવેલ. બેટી પઢાવો દહેજ ભગાવો સુત્રને સાર્થક રવા પોતાના દિકરાના લગ્નમાં એક રૂપિયાનો પણ દહેજ નહીં લેનાર વેવાઇ એટલે કે ડો. કૃપાના સસરા ધીરજલાલ અરજણભાઇ ભાડજા તથા સાસુ હંસાબેન ભાડજાનું શાલ ઓઢાડી સન્માન કરવામાં આવ્યુ. આમ દહેજ પ્રજા સામે પ્રેરક સંદેશો પ્રસરાવવામાં આવ્યો. બાદમાં ભોજન સમારોહ શરૂ થતા અન્નો બગાડ ન થાય તે માટે સૌને વાકેફ કરવા ઠેરઠેર 'અન્નનો બગાડ કરશો નહીં' ના આકર્ષક બોર્ડ અને બેનરો ઠેરઠેર મુકવામાં આવ્યા. અન્નનું મુલ્ય સૌ સમજતા થયા તે માટે સરસ પ્રયાસ કરાયો હતો. આ અવસરે કોર્પોરેટર મનસુખભાઇ કાલરીયાએ આ પંચામૃત કાર્યક્રમોનો હેતુ સ્પષ્ટ કર્યો હતો. સમગ્ર કાર્યક્રમને એક સુત્રમાં બાંધવાનું કામ જાણીતા વકતા ઉમિયા પરિવારના સંપાદક પ્રા. ડો. જે. એમ. પનારાએ કરેલ હતુ. આ અવસરે મુખ્યમંત્રીશ્રીના ધર્મપત્ની શ્રીમતી અંજલીબેન રૂપાણી, મ્યુ. કમિશ્નરશ્રી બંછાનીધી પાની, સવર્ગ આયોગના ચેરમેન બી. એસ. ઘોડાસરા, પ્રિન્સીપાલ એકાઉન્ટન્ટ જનરલ મિ. કે.આર. શ્રીરામ, શ્રીમતી વાણી શ્રીરામ, સીદસર મંદિરના મંત્રી તથા એડીશ્નલ કલેકટર જયેશભાઇ પટેલ, પાટીદાર આગેવાન નાથાભાઇ કાલરીયા, પાણી પુર્વઠા બોર્ડના ચીફ એન્જીનીયર નિરવ સોલંકી, ચીફ એન્જીનીયર બી. એ. મારૂ, નિવૃત ચીફ એન્જીનીયર સી. જે. રૂપારેલીયા નિવૃત્ત ચીફ એન્જીનીયર એસ. વી. આહુજા, જાણીતા ગાયક કલાકાર કિર્તીદાન ગઢવી, બિહારીદાનભાઇ ગઢવી વગેરે ઉપસ્થિત રહ્યા હતા.

(3:58 pm IST)
  • બૈતૂલના ભાજપના સાંસદ જ્યોતિ ધુર્વનું જાતિ પ્રમાણપત્ર કેન્સલ ;વધી શકે છે મુશ્કેલી :જનજાતીય કાર્ય વિભાગની તપાસ સમિતિએ ધૂર્વનું અનુસૂચિત જનજાતિ પ્રમાણપત્ર રદ કરવા પરનો પ્રતિબંધ હટાવ્યો :એટલે કે જ્યોતિ ધુર્વ જનજાતીય વર્ગના નથી access_time 1:02 am IST

  • અંજારમાં ગુજરાત પોલીસે કર્યું દિલધડક ઓપરેશન: ATM વાનના કર્મચારીઓ ઉપર ફાયરીંગ કરી રૂ. 34 લાખની લૂંટ કરનાર હરિયાણાની ગેંગના બે સાગરિતોની કરી ધરપકડ : લૂંટારાઓ દ્વારા ફાયરીંગ કરવા છતાં પોલીસે જીવના જોખમે પાંચ કિલોમીટર સુધી પીછો કરી ઝડપી પાડયા access_time 1:12 am IST

  • અમદાવાદ : નવરંગપુરા વિસ્તારમાં PCBએ જુગારધામ પર દરોડા કરીને 12 શખ્સોની અટકાયત : જુગારધામ પરથી રૂ.1.25 લાખનો મુદ્દામાલ કબ્જે :વિજય ઠાકોર નામનો શખ્સ રમાડતો હતો જુગાર, એક માસથી જુગારધામ ધમધમતું હોવાનું ખુલ્યુ access_time 12:28 am IST