Gujarati News

Gujarati News

News of Tuesday, 12th February 2019

શહેરના પાંચ રાજમાર્ગો, વિવિધ વિસ્તારમાં પેવીંગ બ્લોક અને રસ્તા કામ, ગ્રીનલેન્ડ ચોકડીએ પેટ્રોલ પંપ માટે જમીન ભાડે આપવા સહિતની ૮૭ દરખાસ્તો મંજૂર

સ્ટેન્ડીંગ કમિટિમાં ૧૭૮ કરોડના વિકાસકામોને લીલીઝંડી

રાજકોટ તા. ૧૨ : શહેરમાં વિવિધ વિકાસ કામો હાથ ધરવા માટે આજે મળેલ સ્ટેન્ડીંગ કમિટિમાં ૧૭૮ કરોડના અને ૮૭ દરખાસ્ત મંજૂર કરવામાં આવી હતી.

હાઇમાસ્ટ લાઇટીંગ

શહેરના બેડી ચોક, કોઠારીયા રોડ (રોલેકસ સર્કલ), માલવિયા ચોક, બહુમાળી ભવન તથા મવડી ચોક (બાપા સીતારામ ચોક) સહિતના પાંચ વિસ્તારોમાં ૧૮.૮૯ લાખના ખર્ચે હાઇમાસ્ટ લાઇટીંગ કરવામાં આવશે.

૨.૩ કરોડના ખર્ચે પેવીંગ બ્લોક

કિશાનપરા ચોકથી હનુમાન મઢી સુધી, ભકિતધામ આશ્રમ, મહિકા મેઇન રોડ, પુષ્કરધામ મેઇન રોડ સહિતના વિસ્તારમાં ૨.૩ કરોડના ખર્ચે પેવીંગ બ્લોક નંખાશે.

વોર્ડ નં. ૪ તથા વેસ્ટ ઝોનના વિવિધ વિસ્તારોના રસ્તાઓ ડામરથી મઢાશે

વોર્ડ નં. ૪માં ટી.પી. સ્કીમ નં. ૧૨, ૧૩, ૧૫, ૩૧ના ટીપી રસ્તાનું તથા વેસ્ટ ઝોન હસ્તકના વોર્ડના ટીપી રસ્તાઓ તથા વોર્ડ નં. ૧૩માં લક્ષ્મીનગર મેઇન રોડ પર ઇશ્વરનગર આવાસ સુધી તથા આનંદ બંગલા ચોકથી મહાદેવ વાડી મેઇન રોડ સુધી કુલ ૭.૨૭ કરોડના ખર્ચે ડામરથી મઢાશે.

આ ઉપરાંત વોર્ડ નં. ૧૦ના કોમ્યુનિટી હોલમાં ૩.૨૩ કરોડના ખર્ચે એસી, એચટી પેલેનીંગનું કામ, શહેરના બગીચામાં બાળકો અને સિનીયર સિટીઝનો માટે સાધનો ખરીદવામાં આવશે.

(3:57 pm IST)
  • મહેસાણા : દૂધસાગર ડેરીએ સાગરદાણના ભાવમાં વધારો કર્યો :સાગરદાણના ભાવ ૧૧૦૦થી વધારીને ૧૧૫૦ કરાયા :૭૦ કિલોની સાગરદાણ બોરીમાં રૂ.૫૦નો ભાવવધારો કરાયો :ભાવ વધારો આજથી લાગુ થશે access_time 12:25 am IST

  • કેબિનેટ મંત્રી જયેશ રાદડિયાનું પોરબંદર લોકસભા બેઠકથી લડવા મુદ્દે નિવેદન :પક્ષ જેની પસંદગી કરશે તેને ચૂંટણીમાં વિજયી બનાવીશું : રાદડિયા પરિવારના સભ્યને ચૂંટણી લડાવવાની ચર્ચા : જયેશ રાદડિયા કે તેમના ભાઇ લલિત રાદડિયાને ભાજપ ઉતારી શકે છે મેદાનમાં access_time 12:28 am IST

  • રાજકોટ : સિટીબસ,BRTS બસના ડ્રાઈવર અને કંડકટર સામે RMCની લાલઆંખ :વિજિલન્સ દ્વારા 22 બસમાં કર્યું સરપ્રાઈઝ ચેકીંગ :ટિકિટ નહીં આપનારા 5 કંડકટરને કાયમી સસ્પેન્ડ કરાયા:મોડી ટિકિટ આપનાર 5 કંડકટરને 7 દિવસ માટે અને 11 કંડકટરોને 10 દિવસ માટે કર્યા સસ્પેન્ડ access_time 12:24 am IST