Gujarati News

Gujarati News

News of Tuesday, 12th February 2019

પર્યાવરણ-બેટી બચાવો સંદેશ સાથે સાયકલ યાત્રાએ નિકળેલ જાવેદ અંસારી રાજકોટમાં : લાલચોકમાં ધ્વજ ફરકાવવા સંકલ્પ

રાજકોટ તા. ૧૨ : પર્યાવરણ બચાવો, પાણી બચાવો અને બેટી બચાવોનો સંદેશ ગામો ગામ પ્રસરાવવા પટણા બિહારના જાવેદ અંસારી દેશભરની સાયકલ યાત્રાએ નિકળેલ છે.

આજે રાજકોટ આવેલ આ સાયકલ યાત્રીએ 'અકિલા' સાથેની મુલાકાત દરમિયાન જણાવેલ કે આમ તો હું શિક્ષક તરીકે ફરજ બજાવતો હતો. પરંતુ સમાજ સેવા કરવા નોકરી છોડી દીધી છે અને હાલ ર વર્ષથી ૧૫ વર્ષની વાયના ૨૨ જેટલા અનાથ બાળકોની સેવા સંભાળ એક નાનકડી સંસ્થા સ્થાપીને શરૂ કરી છે.

દરમિયાન પર્યાવરણ પ્રત્યે અને જળની જરૂરીયાત અંગે લોકોને સભાન કરવા તેમજ ભૃણ હત્યા અટકે તે માટે 'રાષ્ટ્ર સૃજન અભિયાન' દ્વારા મે તા. ૨૬ જાન્યુઆરી ૨૦૧૮ થી કન્યાકુમારીથી સાયકલ યાત્રા આરંભી છે.

પોંડીચેરી, તામીલનાડુ, કેરલા, કર્ણાટક, આંધ્ર, મહારાષ્ટ્ર, ગોવા, દીવ થઇને હાલ  ગુજરાતમાં આવ્યો છુ. અહીંથી રાજસ્થાન, હરીયાણા, પંજાબ થઇ કાશ્મીરના લાલ ચોક ખાતે ૧૫ ઓગષ્ટ ર૦૨૦ ના રોજ રાષ્ટ્ર ધ્વજ ફરકાવી યાત્રાને વિરામ અપાશે.

સમાપન સમયે દિલ્હીના લાલ કિલ્લાથી મારી સાથે વધુ ૫૦ યુવાનો સાયકલ સાથે જોડાશે. જે બધા લાલકિલ્લાથી કાશ્મીરના લાલ ચોક સુધી સાયકલ ચલાવશે.

આ સાયકલ યાત્રા શરૂ કર્યાને આજે એક વર્ષ ૧૦ દિવસ પુરા થવા આવ્યા છે અને મે ૧૦,૨૫૦ કિ.મી.નું અંતર કાપેલ છે. આ યાત્રા દરમિયાન મને કેરલા, કર્ણાટક, ગુજરાતના લોકો વધુ માનવતા વાદી લાગ્યા. સૌરાષ્ટ્રની પ્રજા પણ અતિ લાગણીશીલ છે. રાજકોટમાં ચાલી રહેલ સાયકલ કલબની પ્રવૃતિ પણ મે જાણી અને આનંદ અનુભવ્યો. તેમ અંતમાં જાવેદ અંસારી (મો.૬૩૬૧૦ ૪૮૭૪૨) એ જણાવેલ છે. (તસ્વીર : સંદીપ બગથરીયા) (૧૬.૧)

 

(3:40 pm IST)
  • કેબિનેટ મંત્રી જયેશ રાદડિયાનું પોરબંદર લોકસભા બેઠકથી લડવા મુદ્દે નિવેદન :પક્ષ જેની પસંદગી કરશે તેને ચૂંટણીમાં વિજયી બનાવીશું : રાદડિયા પરિવારના સભ્યને ચૂંટણી લડાવવાની ચર્ચા : જયેશ રાદડિયા કે તેમના ભાઇ લલિત રાદડિયાને ભાજપ ઉતારી શકે છે મેદાનમાં access_time 12:28 am IST

  • અંજારમાં ગુજરાત પોલીસે કર્યું દિલધડક ઓપરેશન: ATM વાનના કર્મચારીઓ ઉપર ફાયરીંગ કરી રૂ. 34 લાખની લૂંટ કરનાર હરિયાણાની ગેંગના બે સાગરિતોની કરી ધરપકડ : લૂંટારાઓ દ્વારા ફાયરીંગ કરવા છતાં પોલીસે જીવના જોખમે પાંચ કિલોમીટર સુધી પીછો કરી ઝડપી પાડયા access_time 1:12 am IST

  • સ્ટેન્ડીંગમાં ૧૭૮ કરોડના કામોને લીલી ઝંડી access_time 3:23 pm IST