Gujarati News

Gujarati News

News of Tuesday, 12th February 2019

શહેરના ૪ વોર્ડમાં ડ્રેનેજ ફરિયાદ નિકાલ - વાવડીમાં ડ્રેનેજની મુખ્ય લાઇન નંખાશે

કરોડોના કામો સ્ટેન્ડીંગ કમિટિમાં મંજુર કરાવતા ડ્રેનેજ સમિતિના ચેરમેન જ્યોત્સનાબેન ટીલાળા

રાજકોટ તા. ૧૨ : મહાનગરપાલિકાના ડ્રેનેજ સમિતિના ચેરમેન જયોત્સનાબેન ટીલાળા  જણાવે છે કે, સ્ટેન્ડિંગ કમિટી ચેરમેન ઉદયભાઈ કાનગડના અધ્યક્ષ સ્થાને રાજકોટ મહાનગરપાલિકાની સ્ટેન્ડિંગ કમિટીની મીટિંગમાં વોર્ડ નં. ૨ તથા ૩ માં પ્રાઈવેટાઈઝેશનથી ભૂગર્ભ ગટર ફરિયાદોનો નિકાલ કરવાનું કામ તથા વોર્ડ નં. ૪ અને ૫ (પેડક ફરિયાદ કેન્દ્ર)માં પ્રાઈવેટાઈઝેશનથી ભૂગર્ભ ગટરની ફરિયાદ નિકાલ કરવાનું કામ તેમજ રાજકોટ મહાનગરપાલિકામાં નવા ભળેલ વોર્ડ નં.૧૨ માં આવેલ વાવડી વિસ્તારમાં આશરે ૫૬૦૦૦.૦૦ રનીંગ મીટર ડ્રેનેજની મુખ્ય લાઈન તથા ૮૧૫૦ હાઉસ કનેકશન ચેમ્બર બનાવવાની કામગીરી કરવાનું મંજુર કરવામાં આવેલ છે.

જાગૃત કોર્પોરેટરો દ્વારા લોકોની સુવિધા લક્ષમાં લઇ જુદા જુદા લોકઉપયોગી કામો કરાવવામાં આવે છે. તેવા જ કામના એક ભાગ રૂપે અંતર્વાહક સુએજ લાઈન નેશનલ હાઈ-વે-૮-બીના પુલથી પોપટપરા સુધી આજી નદીના પશ્ચિમ કિનારે પુનઃ વિકાસના કામે લાઈન નાખવાના કામ આશરે ૩૦૦ મી.મી. ડાયા.ના ૧૨૫૦, ૪૫૦ મી.મી. ડાયા.ના ૨૩૫૦, ૬૦૦ મી.મી. ડાયા.ના ૨૪૦૦, ૮૦૦ મી.મી. ડાયા.ના ૨૦૦૦, ૯૦૦ મી.મી. ડાયા.ના ૯૫૦, ૧૨૦૦ મી.મી. ડાયા.ના ૩૦૦ રનીંગ મીટરમાં તેમજ એક ડીસેન્ટ્રલાઈઝ વેસ્ટ સિસ્ટમની કામગીરી કરવામાં આવશે.

ઉપરોકત ચારેય કામ માટે આશરે રૂ.૩૦,૩૪,૯૧,૮૨૩નું કામ મંજુર કરવામાં આવેલ છે. તેનાથી રાજકોટ શહેરના નગરજનોને વધુ સારી ડ્રેનેજની સુવિધા મળી રહેશે તેમ વધુમાં ડ્રેનેજ સમિતિના ચેરમેન જયોત્સનાબેન ટીલાળાએ જણાવેલ છે.

(3:31 pm IST)
  • અમદાવાદ: રૂપિયા 260 કરોડ ઓનલાઇન છેતરપીંડીનો મામલો :CIDએ વધુ એક ગુનામાં ભાર્ગવી શાહને તપાસ માટે મિર્ઝાપૂર કોર્ટેમાં ટ્રાન્સફર વોરંટથી અટકાયતની કરી માગ : કોર્ટે ભાર્ગવી શાહની અટકાયત માટેનો આદેશો આપ્યો access_time 12:23 am IST

  • દિલ્હીમાં કેજરીવાલ દ્વારા વિપક્ષની મહારેલી :મમતા બેનર્જી,ચંદ્રાબાબુ નાયડુ સહિતના દિગજ્જ નેતાઓનો જમાવડો :આપના સંયોજક ગોપાલરાયે કહ્યું કે રેલીમાં મમતા બેનર્જી,ચંદ્રાબાબુ નાયડુ,પૂર્વ પીએમ એચડી દેવગૌડા,ફારુખ અબ્દુલ્લા અને એનસીપીના શરદ પવાર સહિતના વિપક્ષી નેતા ભાગ લેશે access_time 1:06 am IST

  • ચંદ્રબાબુ નાયડુના ઉપવાસ પૂર્ણ : પૂર્વ પીએમ દેવગૌડાએ કરાવ્યા પારણા :વિપક્ષી નેતાઓ થયા એકજુથ :ચંદ્રાબાબુ નાયડુએ રાત્રે 8,20 કલાકે પોતાના એક દિવસના ઉપવાસ ખત્મ કર્યા હતા access_time 1:07 am IST