Gujarati News

Gujarati News

News of Saturday, 12th January 2019

કુવાડવા પાસે એસટી બસે બાઇકને ઉલાળતાં ગોલીડાના ઓસમાણનું મોતઃ મિત્રને ઇજા

સંધી યુવાન પોતાના મિત્ર શિવલાલ માલકીયા સાથે કુવાડવા કલરકામે આવતો હતો ત્યારે બનાવ

રાજકોટ તા. ૧૨: કુવાડવા જીઆઇડીસી પાસે બાઇકને પાછળથી એસટી બસે ઉલાળી દેતાં બાઇકસ્વાર ગોલીડા ગામના બે મિત્રો મુસ્લિમ યુવાન અને કોળી યુવાન ફંગોળાઇ જતાં મુસ્લિમ યુવાનનું ઘટના સ્થળે જ મોત નિપજ્યું હતું. જ્યારે કોળી યુવાનને ઇજા થઇ હતી.

જાણવા મળ્યા મુજબ ગોલીડા ગામે રહેતો ઓસમાણ મહમદભાઇ જામ (સંધી) (ઉ.૩૫) તથા શિવલાલ ધરમશીભાઇ માલકીયા (કોળી) (ઉ.૩૦) સવારે બાઇક પર બેસી કુવાડવા જીઆઇડીસીમાં કલર કામ કરવા આવી રહ્યા હતાં ત્યારે જીઆઇડીસી નજીક બોમ્બે સુપર માર્કેટ પાસે એસટી બસ નં. જીજે૧૮ઝેડ-૨૧૮૪ની ઠોકરે ચડી જતાં ચાલક ઓસમાણ અને પાછળ બેઠેલો શિવલાલ બંને ફંગોળાઇ ગયા હતાં. જેમાં ગંભીર ઇજા થતાં ઓસમાણનું ઘટના સ્થળે જ મોત નિપજ્યું હતું. જ્યારે શિવલાલને સારવાર માટે દાખલ કરાયો હતો.ઘટનાની જાણ થતાં કુવાડવાના એએસઆઇ ફતેહસિંહ સોલંકી અને જયંતિભાઇએ જરૂરી કાર્યવાહી કરી હતી. મૃત્યુ પામનાર ઓસમાણ બે ભાઇમાં નાનો હતો. સંતાનમાં સાડા ત્રણ વર્ષનો પુત્ર છે. બનાવથી પરિવારમાં માતમ છવાઇ ગયો હતો.

(4:04 pm IST)
  • વિદેશમંત્રી સુશ્રી સુષ્મા સ્વરાજ ઉઝબેકિસ્તાન જવા રવાના : સૌપ્રથમવાર યોજાયેલી બે દિવસીય ઇન્ડિયા - સેન્ટ્રલ એશિયા મિટિંગમાં ભાગ લેશે : સેન્ટ્રલ એશિયાના જુદા જુદા દેશોના વિદેશમંત્રીઓ જોડાશે access_time 8:07 pm IST

  • દિલ્હી: નેશનલ ગ્રીન ટ્રિબ્યુનલે પ્રદૂષણ મામલે વાપી CETPને રૂ.૧૦ કરોડનો દંડ ફટકાર્યો : દંડની સાથે CETPએ બે કમિટી બનાવવાનો પણ આદેશ એનજીટીને કર્યો access_time 10:39 pm IST

  • ગુજરાતના આરોગ્ય વિભાગના એડિશનલ ચીફ સેક્રેટરી પૂનમચંદ પરમારને થયો સ્વાઈન ફ્લૂ : હોસ્પિટલમાં ખસેડવામાં આવ્યા access_time 1:47 am IST