Gujarati News

Gujarati News

News of Saturday, 12th January 2019

ગોંડલ રોડ સાધના હોટેલ પાસે ફાયનાન્સ કંપનીના રિકવરી એજન્ટ પર છરીથી હુમલો

પુનિતનગરનો રવિ તેના ભાઇ, મિત્રો સાથે રાત્રે એક વાગ્યે નાસ્તો કરવા ગયો ત્યારે બનાવ અજાણ્યા શખ્સોએ કેમ મશ્કરી કરો છો? કહી ડખ્ખો કર્યો

રાજકોટ તા. ૧૨: બજરંગવાડી પુનિતનગર-૨ શેરી નં. ૬માં રહેતાં અને  માસ ફાયનાન્સમાં બે વર્ષથી રિકવરી એજન્ટ તરીકે નોકરી કરતાં આકાશ અરૂણભાઇ સોઢા (ઉ.૨૪) નામના વાલ્મિકી યુવાન પર રાત્રે એકાદ વાગ્યે તે સૂર્યકાંત હોટેલ પાસેની સાધના હોટેલમાં નાસ્તો કરવા ગયો ત્યારે અજાણ્યા શખ્સોએ 'મશ્કરી કેમ કરો છો?' કહી ઝઘડો કરી બાદમાં બહાર નીકળી છરીથી હુમલો કરી ઇજા કરતાં સારવાર માટે દાખલ થયો હતો.

આકાશ સિવિલ હોસ્પિટલમાં દાખલ થતાં એ-ડિવીઝનના એએસઆઇ આર. આર. સોલંકીએ તેની ફરિયાદ પરથી અજાણ્યા શખ્સો સામે ગુનો નોંધ્યો હતો. આકાશના કહેવા મુજબ તે તથા તેનો ભાઇ તરૂણ અને મિત્રો નિરવ પરમાર તથા મહિપત સોલંકી રાત્રે એક વાગ્યે સાધના હોટેલમાં નાસ્તો કરવા ગયા હતાં. તેઓ અંદરો-અંદર ઠઠ્ઠા મશ્કરી કરતા હોઇ સામેના ટેબલે બેઠેલા ચાર અજાણ્યા શખ્સોએ 'કેમ અમારી મશ્કરી કરો છો?' તેમ કહેતાં પોતે તેની મશ્કરી નથી કરતાં તેમ જણાવતાં ચારેયએ ઝઘડો કર્યો હતો. એ પછી પોતે તથા ભાઇ અને મિત્રો હોટેલ બહાર નીકળ્યા ત્યારે અજાણ્યા શખ્સે છરી કાઢી જાડીયા શખ્સને આપી હતી. તેણે છરીથી હુમલો કરતાં પોતાને ઇજા થઇ હતી. બીજા લોકો ભેગા થઇ જતાં અજાણ્યા શખ્સો ભાગી ગયા હતાં. ત્યાં પોલીસની ગાડી પણ આી ગઇ હતી. ચારેય શખ્સો બાઇકમાં બેસી ભાગી ગયા હતાં. પોલીસે આ શખ્સોની શોધખોળ હાથ ધરી છે.

(3:56 pm IST)
  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:47 am IST

  • ભારતે પાકિસ્તાનના નિષ્ણાતોને ચેનાબ નદી પર બે હાઈડ્રોપાવર પ્રોજેક્ટનું નિરીક્ષણ કરવા પ્રસ્તાવ મોકલ્યો :ભારતે પાકિસ્તાનને પત્ર લખીને પાકિસ્તાની વિશેષજ્ઞો દ્વારા 27મી જાન્યુઆરીથી 1 ફેબ્રુઆરી વચ્ચે જમ્મુ કાશ્મીરમાં ચેનાબ નદી પર બે હાઈડ્રોપાવર પરિયોજનાનું નિરીક્ષણ માટે તેની યાત્રાનો પ્રસ્તાવ મોકલ્યો છે :આઇડબલ્યુટી અંતર્ગત ભારતે સિંધુ આયુક્તએ પોતાના પાકિસ્તાન સમકક્ષને નિમંત્રણ મોકલ્યું છે access_time 1:07 am IST

  • કાશ્મીરમાં સેનાની મોટી સફળતા : બે આતંકીઓ ઠાર ;દક્ષિણ કાશ્મીરના કુલગામ જિલ્લાના કાટપુરા વિસ્તારમાં આતંકીઓ છૂપાયાંની માહિતી બાદ સુરક્ષાદળોએ સમગ્ર વિસ્તારની ઘેરાબંધી કરી :તલાસી અભિયાન ચલાવ્યું :માર્યા ગયેલા બે આતંકી પૈકી એક જીનત ઉલ ઇસ્લામ ઉપર 15 લાખનું ઇનામ હતું : અને કુખ્યાત આતંકી બુરહાન વાણીનો સાથીદાર હતો access_time 12:49 am IST