Gujarati News

Gujarati News

News of Saturday, 12th January 2019

પતંગ બજારમાં રહી રહીને ચાર્મ : ડોરેમોન, છોટા ભીમ, સ્પાઇડરમેનના ચિત્રો છવાયા

રાજકોટ : સોમવારે પતંગ પર્વ મકર સંક્રાંતિ છે. પરંતુ કાલે રવિવાર એટલે રજાનો દિવસ હોય બે દિવસીય મહોત્સવ માણવા પતંગ રસીયાઓ ઉત્સુક બન્યા છે. રાજકોટની પતંગ બજારના વેપારીઓના જણાવ્યા મુજબ મોંઘવારીના કારણે જોઇએ તેવી ખરીદી આ વર્ષે નીકળી જ નહોતી. જો કે છેલ્લા બે ત્રણ દિવસથી કઇક ચામ આવ્યો છે. રૂ. પ નો પંજોથી લઇને રૂ. ૫૦૦ નો પંજો સુધીની કિંમતની પતંગો મળી રહી છે. જેમાં ડોરેમોન, છોટા ભીમ, સ્પાઇડર મેન, નરેન્દ્ર મોદી, રાહુલ ગાંધીના ચિત્રોવાળી પતંગોનો ક્રેઝ રહ્યો છે. દોરામાં પણ જવા દામ એવો માલ ઉપલબ્ધ છે. માંજો પાયેલો દોરો વાર લેખે વેંચાતો હોય છે. છ તારથી માંડીને બાર તાર સુધીના દોરા મળે છે. બરેલી, ભગવાન, પાંડા, સાંકળ જેવી બ્રાન્ડોની માંગ રહે છે.તસ્વીરમાં રંગ બેરંગી વિવિધ સાઇઝના પતંગો અને દોરાઓથી છલોછલ સદરની પતંગ બજાર નજરે પડે છે. (તસ્વીર : સંદીપ બગથરીયા) (૧૬.૫)

(3:51 pm IST)
  • ભારતે પાકિસ્તાનના નિષ્ણાતોને ચેનાબ નદી પર બે હાઈડ્રોપાવર પ્રોજેક્ટનું નિરીક્ષણ કરવા પ્રસ્તાવ મોકલ્યો :ભારતે પાકિસ્તાનને પત્ર લખીને પાકિસ્તાની વિશેષજ્ઞો દ્વારા 27મી જાન્યુઆરીથી 1 ફેબ્રુઆરી વચ્ચે જમ્મુ કાશ્મીરમાં ચેનાબ નદી પર બે હાઈડ્રોપાવર પરિયોજનાનું નિરીક્ષણ માટે તેની યાત્રાનો પ્રસ્તાવ મોકલ્યો છે :આઇડબલ્યુટી અંતર્ગત ભારતે સિંધુ આયુક્તએ પોતાના પાકિસ્તાન સમકક્ષને નિમંત્રણ મોકલ્યું છે access_time 1:07 am IST

  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST

  • મેઘાલય કેબિનેટમાં નાગરિકતા વિધેયક વિરુદ્ધ પ્રસ્તાવ પાસ ;ભાજપના ધારાસભ્યોએ પણ આપ્યું સમર્થન :મેઘાલય ડેમોક્રેટીક અલાયન્સ કેબિનેટે નાગરિકતા સંશોધન વિધેયકનો વિરોધ કરતા એક ઠરાવ પાસ કર્યો :ભાજપે મંત્રીમંડળના નિર્ણયનું સમર્થન કર્યું છે access_time 1:08 am IST