Gujarati News

Gujarati News

News of Saturday, 12th January 2019

અનાથ બાળકોના લાભાર્થે કાલે કાઈટ ફેસ્ટીવલ

ચોટીલાના ધજાળા ગામના જરૂરીયાતમંદ બાળકોને તમામ આવક અપાશેઃ જયેશભાઈ રાદડીયાના હસ્તે ઉદ્દઘાટન : ડીજે વીથ ડાન્સ આકર્ષણ જમાવશે : અનોખુ આયોજન

રાજકોટ, તા. ૧૨ : ૧૪ તારીખ એટલે મકરસંક્રાંતિનું પર્વ અને આ દિવસે પતંગની સાથે સાથે દાન કરવાનો પણ દિવસ હોય છે. સૌ લોકો એમના યથાયોગ્ય મુજબ દાન કરે છે ને આમ લોકો મકરસંક્રાંતિના પર્વની ઉજવણી કરે છે. પરંતુ રાજકોટ - મોવડીના યુવાનોને એક નવીનતમ જ વિચાર આવ્યો કે આ મકરસંક્રાંતિની ઉજવણી આનંદ અને હર્ષોલ્લાસ સાથે તો કરવી જ સાથે સાથે ગરીબ - અનાથ બાળકો માટે પણ કંઈક કરવું. એ વિષયના હાર્દને સાકાર કરવા આ ગામ સીતારામ ગ્રુપના યુવાનોએ એક નવીનતમ વિચાર ઘડી કાઢ્યો અને એ વિચાર એટલે ેક કાઈટ ફેસ્ટીવલ - પતંગોત્સવ-૨૦૧૯નું આયોજન કરવું અને એ ઈવેન્ટમાં જે પણ આવક થાય તે આવકને અનાથ આશ્રમમાં મોકલવી.

આ ઈવેન્ટ આવતીકાલે ૧૩મીના રવિવારે સવારે ૯ થી સાંજના ૬ સુધી યોજાશે. આ ઈવેન્ટમાં ડીજે વિથ ડાન્સનું આકર્ષણ હશે તો દરેકને પાટણ તથા ફીરકી આપવામાં આવશે. સાથે બપોરે ભોજનની વ્યવસ્થા પણ કરવામાં આવી છે. આ ફેસ્ટીવલનું ઉદ્દઘાટન ગુજરાત રાજયના કેબીનેટ મંત્રી શ્રી જયેશભાઈ રાદડીયાના હસ્તે કરવામાં આવશે અને સાથે આ ઈવને્ટમાં ક્રિસી ઠકર અને માય એફ એમના આર. જે. જય સાકરીયા તથા સ્મિત સોજીત્રા એન્કર તરીકે સેવા આપશે તો ખુંટ ચિંતન, જય ટોકસી અને પટેલ નીર અને ઈન્સ્ટાગ્રામને ઘેલુ કરનાર ગુજુ નખરાળી પણ આ ઈવેન્ટમાં આવશે.

આ ઈવેન્ટમાં ભાગ લેવા ઈચ્છતા લોકો ૭૮૭૮૭ ૭૪૪૧૧ ઉપર સંપર્ક કરવો. સિંગલ પાસ રૂ.૩૦૦ અને કપલ પાસ રૂ.૫૦૦ના રાખવામાં આવ્યા છે. આ ઈવેન્ટ બાલાજી પાર્ટી પ્લોટ, દેશી ધમાલની બાજુમાં, પાળ રોડ, મોવડી રાજકોટ ખાતે યોજાશે.આયોજનમાં એલવીશ સોરઠીયા, મૌલિક સોરઠીયા, વિવેક મેઘાણી જોડાયા છે.

(તસ્વીરઃ સંદિપ બગથરીયા)

(3:47 pm IST)
  • માત્ર 15 દિવસમાં ઉખેડી નાખશું મધ્યપ્રદેશ સરકાર ;ઉપરથી સિગ્નલ મળવાની રાહ છે : કૈલાશ વિજયવર્ગીય :કૈલાશ વિજયવર્ગીયે કાર્યકરોને કહ્યું કે આ ( મધ્યપ્રદેશ )સરકાર પાંચ વર્ષ ચાલનારી નથી ,જે દિવસે ઉપરથી સિગ્નલ મળી ગયું,15 દિવસની અંદર ઉખેડી નાખશું,તમે ચિંતા ના કરો ':ભાજપના નેતાનો આ વિડિઓ વાયરલ થતા ખળભળાટ મચી ગયો છે access_time 1:21 am IST

  • સુપ્રીમ કોર્ટને મળશે 2 નવા જજ : કર્ણાટકના ચીફ જસ્ટિસ શ્રી દિનેશ મહેશ્વરી અને દિલ્હી હાઇકોર્ટના જજ શ્રી સંજીવ ખન્ના બનશે સુપ્રિમકોર્ટના જજ અને ભારતના ચીફ જસ્ટિસ શ્રી ધનંજય ચંદ્રચુડની નિવૃતી બાદ જસ્ટીસ સંજીવ ખન્ના બનશે સુપ્રીમ કોર્ટના નવા ચીફ જસ્ટીસ તેમ આધારભૂત સૂત્રો દ્વારા જાણવા મળે છે. access_time 1:48 am IST

  • 'અંગુઠા છાપ ''નિવેદન પર પોતાના ઘરમાં જ ઘેરાયા રામવિલાસ પાસવાન ;પુત્રીએ કહ્યું માફી માંગો નહીંતર ધરણા કરીશ ;પાસવાનની પુત્રી આશાએ ચેતવણી આપી છે કે જો તેના પિતા આના માટે માફી નહિ માંગે તો પટના સ્થિત લોજપાના પ્રદેશ મુખ્યાલય સામે ધરણા પર બેસશે access_time 12:54 am IST