Gujarati News

Gujarati News

News of Saturday, 12th January 2019

ગુરૂદેવ પાર્કના પટેલ શૈલેષભાઇ ટોપીયાનું બેભાન હાલતમાં મોત

મોરબી રોડ પર ઝૂપડામાં રહેતી મુળ કેશોદની આદિવાસી પરિણીતા રોશનીએ પણ બેભાન હાલતમાં દમ તોડ્યો

રાજકોટ તા. ૧૨: કુવાડવા રોડ પર ગુરૂદેવ પાર્ક-૯માં રહેતાં શૈલેષભાઇ ભવાનભાઇ ટોપીયા (ઉ.૪૫) નામના લેઉવા પટેલ આધેડ ઘરે બેભાન થઇ જતાં સિવિલ હોસ્પિટલમાં ખસેડાયા હતાં. પરંતુ અહિ મોત નિપજ્યું હતું.

હોસ્પિટલ ચોકીના જગુભા ઝાલાએ બી-ડિવીઝનમાં જાણ કરતાં પીએસઆઇ આર. એસ. સાકરીયાએ જરૂરી કાર્યવાહી કરી હતી. મૃત્યુ પામનાર શૈલેષભાઇ ચાર ભાઇ અને ત્રણ બહેનમાં નાના તથા અપરિણીત હતાં. તે પાનની કેબીન ચલાવતાં હતાં. તેમને ટીબીની બિમારી હતી. બનાવથી પરિવારમાં શોક છવાઇ ગયો હતો.

અન્ય બનાવમાં મોરબી રોડ જકાત નાકના પાસે રહેતી મુળ કેશોદની રોશનીબેન સંજય આદિવાસી (ઉ.૨૨)ને કિડનીની બિમારી હોઇ બેભાન થઇ જતાં પતિએ હોસ્પિટલમાં ખસેડી હતી. પરંતુ અહિ મોત નિપજતાં હોસ્પિટલ ચોકીના જગુભા ઝાલાએ બી-ડિવીઝનમાં જાણ કરતાં પીએસઆઇ સાકરીયાએ જરૂરી કાર્યવાહી કરી હતી. મૃતકના લગ્ન ચાર વર્ષ પહેલા થયા હતાં.

(3:44 pm IST)
  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:47 am IST

  • મેઘાલય કેબિનેટમાં નાગરિકતા વિધેયક વિરુદ્ધ પ્રસ્તાવ પાસ ;ભાજપના ધારાસભ્યોએ પણ આપ્યું સમર્થન :મેઘાલય ડેમોક્રેટીક અલાયન્સ કેબિનેટે નાગરિકતા સંશોધન વિધેયકનો વિરોધ કરતા એક ઠરાવ પાસ કર્યો :ભાજપે મંત્રીમંડળના નિર્ણયનું સમર્થન કર્યું છે access_time 1:08 am IST

  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST