Gujarati News

Gujarati News

News of Saturday, 12th January 2019

લાખાજીરાજ ઉદ્યોગનગરની ૧૭ વર્ષની સગીરાને જયદીપ ઉર્ફે જમલો ભગાડી ગયોઃ અપહરણનો ગુનો

રાજકોટ, તા. ૧૨ :. કુબલીયાપરા મેઈન રોડ, લાખાજીરાજ ઉદ્યોગનગરમાં રહેતી સગીરાને પ્રેમજાળમાં ફસાવી લગ્ન કરવાની લાલચ આપી જયદીપ ઉર્ફે જયલો કિશોરભાઈ મકવાણા ભગાડી જતા થોરાળા પોલીસે અપહરણનો ગુનો દાખલ કર્યો છે.

મળતી વિગત મુજબ લાખાજીરાજ ઉદ્યોગનગર શેરી નં. ૧૨માં રહેતા જસવંતભાઈ શીવાભાઈ રાઠોડ (ઉ.વ. ૫૦) એ થોરાળા પોલીસ મથકમાં નોંધાવેલી ફરીયાદમાં જણાવ્યુ છે કે, પોતે ઘરે જ દૂધ વેચવાનો વેપાર કરી પરિવારનું ગુજરાન ચલાવે છે. પોતાને સંતાનમાં બે પુત્રી અને એક પુત્ર છે. જેમા મોટી ૧૭ વર્ષની પુત્રી અભ્યાસ કરે છે. ગત તા. ૯-૧ના રોજ પોતે ઘરે દૂધનો ધંધો કરતા હતા ત્યારે પત્નીએ કહેલ કે દીકરી ઘરમાં જોવામાં આવતી નથી જેથી પોતે ઘરમાં તથા આજુબાજુ તેમજ સગાસંબંધીને ત્યાં તપાસ કરેલ પરંતુ સગીરાનો કોઈ પત્તો લાગ્યો ન હતો બાદ જાણવા મળેલ કે લાખાજીરાજ ઉદ્યોગનગર શેરી નં. ૮ મા રહેતો જયદીપ ઉર્ફે જયલો કિશોરભાઈ મકવાણા સગીરાને ભગાડી ગયો હોવાનું જાણવા મળ્યુ હતું. બાદ પોતે આ અંગે થોરાળા પોલીસ મથકમાં ફરીયાદ નોંધાવતા પોલીસે જયદીપ ઉર્ફે જયલા વિરૂદ્ધ અપહરણનો ગુનો દાખલ કરી તપાસ આદરી છે.

(3:44 pm IST)
  • છોટાઉદેપુર : મધ્યપ્રદેશમાં કથિત આંતર રાજય બાળ તસ્કરીનો કેસ :પોલીસે વધુ એક બાળક ઉગારી પાલક પિતાની ધરપકડ કરી :આરોપી શૈલુ રાઠોડે રૂ.૧ લાખમાં વેચ્યું હતું ચાર માસનું બાળક :રિકવર કરેલા કુલ બાળકોની સંખ્યા ૧૪ પર પહોંચી :બાળ તસ્કરી કેસમાં આરોપીઓની સંખ્યા ૨૪ પહોંચી access_time 10:49 pm IST

  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:48 am IST

  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST