Gujarati News

Gujarati News

News of Saturday, 12th January 2019

રાજકોટ જિલ્લામાં ચાઇનીઝ દોરી-તુક્કલનું વેચાણ કરતા વેપારીઓ ઉપર કલેકટરના દરોડાઃ લોધિકા-પડધરીમાં તપાસ...

સ્ટાફને સાથે રાખી ગ્રામ્ય પ્રાંત ડો. ઓમ પ્રકાશ દ્વારા કાર્યવાહીઃ તપાસ સતત ચાલુ

રાજકોટ તા.૧૨: રાજકોટ જિલ્લા કલેકટર ડો. રાહુલ ગુપ્તાએ ગઇકાલ સાંજથી જિલ્લામાં ચાઇનીઝ દોરી-તુક્કલ તથા એવા ધારદાર દોરા વેચતા વેપારીઓ ઉપર દરોડાનો દોર શરૂ કર્યો છે, કલેકટરે તમામ પ્રાંતને પોતાના તાલુકામાં દરોડા પાડી આવા વેપારીઓને ઝપટે લઇ સખ્ત કાર્યવાહી કરવા અને રીપોર્ટ કરવા સુચના આપી હતી.

આ પછી રાજકોટ ગ્રામ્ય પ્રાંત ડો. ઓમ પ્રકાશે સ્ટાફને સાથે રાખી લોધિકા-પડધરીની કુલ ૧૦ દુકાનોમાં ગઇ સાંજથી દરોડા પાડયા હતા, અને ચાઇનીઝ દોરી- તુક્કલ અંગે તપાસ હાથ ધરી હતી, આજે પણ સવારથી તપાલ ચાલુ છે, રીપોર્ટ હવે જાહેર કરાશે. આ દરોડાના દોરમાં બંન્ને મામલતદારો પણ સાથે રહયા હતા. અમુક સ્થળે મામલતદારો ગયા હોય તેમણે ગ્રામ્ય પ્રાંતને રીપોર્ટ કર્યાનું ઉમેરાયું છે.(૧.૪)

(11:49 am IST)
  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST

  • ભારતે પાકિસ્તાનના નિષ્ણાતોને ચેનાબ નદી પર બે હાઈડ્રોપાવર પ્રોજેક્ટનું નિરીક્ષણ કરવા પ્રસ્તાવ મોકલ્યો :ભારતે પાકિસ્તાનને પત્ર લખીને પાકિસ્તાની વિશેષજ્ઞો દ્વારા 27મી જાન્યુઆરીથી 1 ફેબ્રુઆરી વચ્ચે જમ્મુ કાશ્મીરમાં ચેનાબ નદી પર બે હાઈડ્રોપાવર પરિયોજનાનું નિરીક્ષણ માટે તેની યાત્રાનો પ્રસ્તાવ મોકલ્યો છે :આઇડબલ્યુટી અંતર્ગત ભારતે સિંધુ આયુક્તએ પોતાના પાકિસ્તાન સમકક્ષને નિમંત્રણ મોકલ્યું છે access_time 1:07 am IST

  • માત્ર 15 દિવસમાં ઉખેડી નાખશું મધ્યપ્રદેશ સરકાર ;ઉપરથી સિગ્નલ મળવાની રાહ છે : કૈલાશ વિજયવર્ગીય :કૈલાશ વિજયવર્ગીયે કાર્યકરોને કહ્યું કે આ ( મધ્યપ્રદેશ )સરકાર પાંચ વર્ષ ચાલનારી નથી ,જે દિવસે ઉપરથી સિગ્નલ મળી ગયું,15 દિવસની અંદર ઉખેડી નાખશું,તમે ચિંતા ના કરો ':ભાજપના નેતાનો આ વિડિઓ વાયરલ થતા ખળભળાટ મચી ગયો છે access_time 1:21 am IST