Gujarati News

Gujarati News

News of Friday, 11th January 2019

બાકીદારો સામે ક્રિમીનલ કેસ દાખલ કરાશે

દેના બેંકના એમ.ડી.કર્નમ શેખર રાજકોટમાં

રાજકોટઃ દેના બેંકના મેનેજિંગ ડાયરેકટર અને સી.ઈ.ઓ. કર્નમ શેખરે રાજકોટ ઝોનની મુલાકાત લીધી. મુલાકાત દરમિયાન તેમણે ઝોનલ ઓફિસના સ્ટાફ તથા રાજકોટ ઝોનના તમામ શાખા મેનેજરો સાથે વાતચીત કરી અને ઓકટોબર- ૨૦૧૮ના મહિનામાં બેંક દ્વારા શરૃ કરવામાં બેંકના મિશન દેના- ૯૯૯૯ની સ્થિતિની સમીક્ષા કરી. જેમાં બેંકના એનપીએ સ્તરને માર્ચ- ૨૦૧૯ પહેલા ૩૩ ટકા સુધી નીચે લાવવાનું લક્ષ્ય છે. તેમણે બાકીદારો સામે ઋણ વસૂલાત માટેના બેંક દ્વારા લેવામાં આવેલા પગલાંની પણ સમીક્ષા કરી. ભારપૂર્વક જણાવ્યું હતું કે બાકીદારો સામે તાત્કાલિક ધોરણે સરફેસિ એકટ, ડી.આર.ટી./ આર.સી., ક્રિમિનલ કેસ દાખલ કરવા, બિલકુલ ડિફોલટર ડિકલેર કરવા જેવા પગલાં ઝડપથી લેવા જોઈએ. ઉપરાંત તેઓએ તમામ સ્ટાફને 'દેના- મિશન ૯૯૯૯' હેઠળ બેંકના ઈચ્છિત ધ્યેયો પ્રાપ્ત કરવા માટે તેમના શ્રેષ્ઠ પ્રયાસો કરવાની સલાહ આપી હતી. તેમણે કર્મચારીઓને બેંકના એનપીએ સ્તરમાં ઘટાડાની ખાતરી કરવા તાકીદ કરી જેથી બેંક ઓફ બરોડા અને વિજયા બેંક સાથે સૂચિત જોડાણ સાથે દેના બેંક એક મજબૂત એન્ટિટી તરીકે ઉભરી શકશે તેમ યાદીના અંતમાં જણાવ્યું હતું.

(4:29 pm IST)
  • પોતાને 'ડાકુ' કહેનાર જબલપુરની સરકારી શાળાના શિક્ષકને કોંગી મુખ્યમંત્રી કમલનાથએ માફ કર્યો : દરેકને વાણી સ્વાતંત્ર્યનો અધિકાર : તેમછતાં શિક્ષકનું કામ વિદ્યાર્થીઓના ઘડતરનું હોવાથી બોલવામાં વિવેક રાખવો જરૂરી હોવાની ટકોર કરી : શિક્ષકને પરત નોકરીમાં લઇ લેવા સૂચના આપી access_time 7:25 pm IST

  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:48 am IST

  • છોટાઉદેપુર : મધ્યપ્રદેશમાં કથિત આંતર રાજય બાળ તસ્કરીનો કેસ :પોલીસે વધુ એક બાળક ઉગારી પાલક પિતાની ધરપકડ કરી :આરોપી શૈલુ રાઠોડે રૂ.૧ લાખમાં વેચ્યું હતું ચાર માસનું બાળક :રિકવર કરેલા કુલ બાળકોની સંખ્યા ૧૪ પર પહોંચી :બાળ તસ્કરી કેસમાં આરોપીઓની સંખ્યા ૨૪ પહોંચી access_time 10:49 pm IST