Gujarati News

Gujarati News

News of Friday, 11th January 2019

ગાંધીગ્રામ ન્યુ મહાવીરનગરમાં કેમીકલ્સનાં પ્રદુષણથી લતાવાસીઓ ત્રાહીમામ : દુકાન બંધ કરાવવા માંગ

રાજકોટ :  શહેરનાં વોર્ડ નં.૧માં લક્ષ્મીજી પાર્ક અને ન્યુ મહાવીરનગરમાં રોડ ઉપર કેમીકલ્સ બનાવતી દુકાનને કારણે ફેલાઇ રહેલા પ્રદુષણથી આસપાસનાં લતાવાસીઓ ત્રાહીમામ પોકારી ઉઠ્યા છે. આજે સવારે લતાવાસી બહેનોનાં ટોળા એકત્રીત થઇ અને કેમીકલ્સની આ દુકાનને  બંધ કરાવવા માટે ઉગ્ર રજૂઆતો કરી હતી જે તસ્વીરમાં દર્શાય છે. દરમિયાન લતાવાસીઓએ આ બાબતે મ્યુ. કોર્પોેરશનનાં આરોગ્ય વિભાગને વિસ્તૃત આવેદનપત્ર પાઠવી અને રજુઆત કરી હતી કે ઉપરોકત કેમીકલ્સની દુકાનનાં કારણે આસપાસમાં રહેતા લોકોમાં આંખોની બળતરા, માથાનો દુઃખાવો થવો વગેરે આરોગ્યને નુકશાન થઇ રહ્યું છે. તેથી વહેલી તકે આ કેમીકલ્સની દુકાન બંધ કરાવી જાહેર આરોગ્યને થઇ રહેલુ નુકશાન અટકાવવા માંગ છે. (તસ્વીર : સંદિપ બગથરીયા)

(3:34 pm IST)
  • બેન્કરમાંથી નેતા બનેલી મીરા સાન્યાલનું નિધન :2014માં લોકસભા ચૂંટણી લડી હતી :આપ નેતા અને દિલ્હીના ઉપ મુખ્યમંત્રી મનીષ સિસોદિયાએ એક ટ્વીટ કરીને તેણીના નિધનની પુષ્ટિ કરી અને કહ્યું કે દેશે એક તીક્ષ્ણ આર્થિક પ્રતિભા અને ઉદાર આત્મા ગુમાવ્યો છે access_time 1:10 am IST

  • મેઘાલય કેબિનેટમાં નાગરિકતા વિધેયક વિરુદ્ધ પ્રસ્તાવ પાસ ;ભાજપના ધારાસભ્યોએ પણ આપ્યું સમર્થન :મેઘાલય ડેમોક્રેટીક અલાયન્સ કેબિનેટે નાગરિકતા સંશોધન વિધેયકનો વિરોધ કરતા એક ઠરાવ પાસ કર્યો :ભાજપે મંત્રીમંડળના નિર્ણયનું સમર્થન કર્યું છે access_time 1:08 am IST

  • ગુજરાતના આરોગ્ય વિભાગના એડિશનલ ચીફ સેક્રેટરી પૂનમચંદ પરમારને થયો સ્વાઈન ફ્લૂ : હોસ્પિટલમાં ખસેડવામાં આવ્યા access_time 1:47 am IST