Gujarati News

Gujarati News

News of Friday, 12th January 2018

મારૂતીનગરમાં પેવરકામમાં લોટ પાણીને લાકડાઃ જયમીન ઠાકરે કામ અટકાવ્યુ

લતાવાસીઓએ કોર્પોરેટરને ફરીયાદ કરતા સ્થળ પર દોડી ગયાઃ ઝોનલ કોન્ટ્રાકટરની કામની બેદરકારી અંગે સ્ટે.ચેરમેન અને સીટી ઇજનેરને ફરીયાદ

રાજકોટ :.. મ્યુનિ. કોર્પોરેશન દ્વારા શહેરના વિવિધ વિસ્તારમાં પેવર-ડામર કામ કરવામાં આવી રહ્યા છે. જે અન્વયે વોર્ડ નં. ર નાં મારૂતીનગર વિસ્તારમાં પેવર કામ ચાલી રહ્યુ હતું. આ કામમાં બેદરકારી જોવા મળતા વિસ્તારવાસીઓએ સ્થાનીક ભાજપના કોર્પોરેટર જયમીન ઠાકરને જાણ કરતા તેઓ તાત્કાલીક સ્થળ ઉપર દોડી આવ્યા હતાં.  અને કામ અટકાવાયુ હતું. ઝોનલ કોન્ટ્રાકટર દ્વારા કામગીરીમાં બેદરકારી અંગે સ્ટે. ચેરમેન પુષ્કર પટેલ અને સીટી ઇજનેર શ્રી કામલીયાને રજૂઆત કરી હોવાનું કોર્પોરેટર જયમીન ઠાકરે જણાવ્યું હતું. આ અંગે સમાજ કલ્યાણ સમિતિ ચેરમેન અને વોર્ડ નં. ર ના કોર્પોરેટર જયમીન ઠાકરે જણાવ્યું હતું કે, તંત્ર દ્વારા વિવિધ વિસ્તારો માર્ગો પર પેવર કામગીરી હાથ ધરવામાં આવી રહી છે. જે અન્વેય આજે વોર્ડ નં. ર માં આવેલ મારૂતીનગર વિસ્તારમાં પેવર કામ શરૂ કરવામાં આવ્યું હતું. આ પેવર કામ અંગે વિસ્તારવાસીઓએ કામ વ્યવસ્થીત કરવા ઝોનલ કોન્ટ્રાકટરને કહેતા તેઓ દ્વારા લતાવાસીઓ સાથે  ઉગ્ર બોલાચાલી થઇ હતી. સ્થાનીક લોકોએ જાણ કરતા સ્થળ પર જઇ કામ અટકાવ્યુ હતું અને પેવર કામમાં બેદરકારી અંગે સ્ટે. ચેરમેન પુષ્કાર પટેલ અને શ્રી કામલીયાને રજૂઆત કરી હોવાનું  અંતમાં જણાવ્યું હતું.

(4:18 pm IST)
  • હઝ પર 9 ટકા જીએસટી દૂર કરવાની માંગ સાથે દાખલ કરાયેલ અરજીની પર આજે સુપ્રીમ કોર્ટે કેન્દ્ર સરકારને પોતાનો જવાબ રજુ આપવાનો આદેશ આપ્યો છે access_time 9:32 am IST

  • સુપ્રીમ કોર્ટના જજોના વિવાદ પર કૉંગ્રેસે SIT દ્વારા તપાસ કરાવવાની કરી માંગ : પત્રકાર પરિષદમાં ન્યાયમૂર્તિઓના મુદ્દે કોંગેસ અધ્યક્ષ રાહુલ ગાંધીએ કહ્યું કે આ ઘટના અભૂતપૂર્વ છે, પ્રથમ વખત આવી ઘટના બની છે - ન્યાયમૂર્તિઓએ જસ્ટીસ લોયાની વાત કરી છે, તેની ઉચ્ચ સ્તરે તપાસ કરાવો - ન્યાયમૂર્તિઓનો પ્રશ્ન અત્યંત મહત્વપૂર્ણ છે તેનો ત્વરિત ઉકેલ લાવવો જોઈએ - સમગ્ર દેશને અદાલતી પ્રણાલી પર સંપૂર્ણ વિશ્વાસ છે : શ્રી સુર્જેવાલાએ વધુમાં કહ્યું કે સુપ્રીમ કોર્ટને ન્યાયમૂર્તિઓ દ્વારા ઉઠાવવામાં આવેલા મુદ્દાઓ પર વિચાર કરવો જોઇએ : જજો દ્વારા થયેલ પત્રકાર પરિષદ લોકશાહી પર દૂરગામી અસર કરશે access_time 8:11 pm IST

  • બજેટ પેહલા કેન્દ્ર સરકારને લાગ્યો ઝાટકો : રીટેલ ફુગાવો વધીને 5.21% થયો : બીજીબાજુ ઔદ્યોગિક ઉત્પાદન (IIP)ના આક્ડાઓએ આપી રાહત, જે વધીને 8.૪% થયો. access_time 7:37 pm IST