Gujarati News

રાજકોટ તા. ૧૧: જંગલેશ્વર અંકુર સોસાયટી-૧૭માં રહેતાં અને રાજમંદિર સ્‍કૂલમાં ધોરણ-૧૦માં અભ્‍યાસ કરતાં શેઝાન ઇરફાનભાઇ મેતર (ઉ.૧૭)ને રાતે નવેક વાગ્‍યે પટેલ સોસાયટી-૭માં ટયુશન કલાસીસ પાસે હતો ત્‍યારે તેની સાથે જ અહિ ભણવા આવતાં જમીલ સુમરા અને અજાણ્‍યાએ મારકુટ કરતાં અને ગળા પર પરીકરના ત્રણેક ઘા ઝીંકી દેતાં સિવિલ હોસ્‍પિટલમાં દાખલ કરવામાં આવતાં હોસ્‍પિટલ ચોકીના સ્‍ટાફે ભક્‍તિનગર પોલીસને જાણ કરી હતી.

જમીલના પિતા ઇફરાનભાઇ મેતર ડ્રાઇવીંગ કરે છે. તેમણે કહ્યુ઼ હતું કે ટયુશન કલાસ પાસે જમીલ અને બીજો કોઇ છોકરો મશ્‍કરી કરતાં હોઇ મારા દિકરા શેઝાને તેણે આવું કરવાની ના પાડતાં ઝઘડો કરી તેના પર હુમલો કરવામાં આવ્‍યો હતો. પોલીસે ઘટના અંગે વિશેષ તપાસ હાથ ધરી છે.